MARAKUS 1:39 - Nanduk Ngget Tul Pidnak Wene

³⁹ Iri lug-e, Yesus na-ge Nggalilea wi oboksa waring kasolar-e, Yawuri nap-nen tepan yugwi ma ya nggwilik aid wene yak indil waring kasolat, kugi wirik pil nosolat woragaij-o.

MARAKUS 1:39 ပူးပေါင်းရင်းမြစ်များ

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MATIUS 9:35

Iri luk, Yesus na-ge o siri nggulok me wok, o siri marik me wok, oboksa waring kasolar-e, Mbal Pem Nagawan uwi worak ma-nen Mbal Pem Nagawan-nen tenagaidnak wi wene aid wene na yak ondosolat, yi kugi ndi kugi enpem mbidnak nap min andi bandi enpem mbidnak nap min ki rak inpil waring kagaij-o.

MARAKUS 1:21

It na-ge mbirigarig-e o Kaperenaum wi wok yil nggwiga-o. Nde, we woragwi tarem Yesus-e Yawuri nap tepan yugwi ma nggwarik, ap mul ondosolat woragaij-o.

MARAKUS 1:23

Iri tarem-e Yawuri nap tepan yugwi ma iri me-ge kugi arem nggwid-nak nap mbi nggwarik-nen ene nggok pem yosolar-e:

MARAKUS 1:38

Yak togoloma-ge, Yesus-nen it na yak ondosolar-e: ”Nir-e o siri nin me nin me korok endeba me mburuwog-o. An lobok yigi-ge Mbal Pem Nagawan-nen yidnak wene yak undurak pem lobok yidnak me, an-e mondok endeba me yak indil mbirimin-o” luk yak indij-o.

MARAKUS 3:1

Misik tarem-e Yesus na-ge Yawuri nap tepan yugwi ma tuguruk nggwidnggal-e, ap mbi inggi ponok nggwe nggorak iri me worasoma, kagaij-o.

MARAKUS 6:6

Nde, it inndi angin tubu yigit lak ala karuk, Yesus-nen wi yij-o. Iri luk, Yesus na-ge o siri marik marik ereba na ya wok nosolar-e, aid wene mul indil nij-o.

MARAKUS 7:30

Yak tosoloma-ge, kwe iri na ama mbiridnggal-e, ara na-ge kugi na nggogora mberamu, nene yoso sa mbinggirik worasoma kagaij-o.

LUKAS 4:41

Kugi na ap kwarat enarem-nen mborogolat-nen enne nggoksa yogolar-e: ”Kar-e Mbal Pem Nagawan Ambara-nen yusu-o!” luk yiga-o. Alat nde, kugi iri-nen-e Yesus iri-ge Kerisut-o luk enaru me, Yesus-nen-e: ”Kenne yurak pug-o” luk enne lak tak pij-o.