LUKAS 8:48 - Nanduk Ngget Tul Pidnak Wene

⁴⁸ Yosoloma-ge, Yesus-nen kwe na yak tosolar-e: ”Nara wa-e. Kindi an nebem angin tubu yigen iri-nen ki rak kibij-o. Kalen min-et mbiri-o” luk yak tij-o.

LUKAS 8:48 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 5:19

Yosoloma, Elisa-nen yosolar-e: ”Kar-e kalen min-et mbiri-o” yak tosoloma-ge, Naman iri na-ge mbirij-o. Nde, Naman iri na nggeret mberamu, marig-et worarug-e,

MBIRIGA WENE 4:18

Wene iri na yak tosoloma-ge, Musa na-ge abak Yitero iri na ama lobok yarik, abak na yak tosolar-e: ”Nab-o. An-e nowe nowot unluk worali, lak? Are, ngge kwarak worali iniyil Mesira mbirimin yu-ge nunggwirig-o?” luk yak tij-o. Yosoloma, Yitero-nen yosolar-e: ”Nab-o. Kwara-t mbiri-o” yak tij-o.

MATIUS 12:20

Yorowa ta yidnak nginok tak iri na at-nen-e pok tak puwa bug-o. Tal nigi nigi kule nak nggok yosola, at-nen-e mondoksa nigirik puwa bug-o. Irit worasoma, lud tak nak yugwi iri na ombol nggwe rak puwa-o.

MATIUS 8:13

Iri yuruk, Yesus-nen san winde na yak tosolar-e: ”Kar-e kama mbiri-o. Kat kindi angin tubu yigen iri-ge luj-et ma-o” luk yij-o. Nde, wene iri na yosola ereya na-net ndegel oboso nap iri na-ge ki yij-o.

MATIUS 9:2

Wok yosoloma-ge, ap erep-nen-e kambung puk tak woraso nap mbi nene yoso ondoro mbinggirik worasola, ondoro min kud turuk Yesus eram ibil lobok yiga-o. Ibil lobok yogolikma-ge, Yesus-nen it ap iri na inndi angin tubu yidnak na kasoluk-nen kambung puk tak woraso nap iri yak tosolar-e: ”Nambara wa-e. Kwiye kasu meyog-o. Kat meya yidnak iri-ge namberam tak pigi-o” luk yak tij-o.

MATIUS 9:22

Alat nde, Yesus na nden karuk, kwe iri na karuk-nen at yak tosolar-e: ”Nara wa-e. Kindi tugup lak wolmin-o. Kat kindi angin tubu yigen iri-net ki yaga wok kirij-o” luk yak tosoloma ereya na-net kwe iri na ki yij-o.

MARAKUS 5:34

Yak tosola-ge, Yesus-nen kwe iri yak tosolar-e: ”Nara-o. Kat kindi angin tubu yigen iri na-nen kimiri yij-o. Kindi yek tag-et mbiri-o. Kar-e abu ki yigen-o” luk yak tij-o.

LUKAS 17:19

Yurug-e,Yesus-nen ap na yak tosolar-e: ”Men luk mbiri-o. Kindi angin tubu yigen iri-nen ki rak kibij-o” luk yak tij-o.

LUKAS 18:42

Yosoloma-ge, Yesus-nen at yak tosolar-e: ”Kerengen pengge yi-o! Kat kindi angin tubu yigen iri na-nen kerengen kuwak tak pij-o” luk yak tij-o.

LUKAS 7:50

Alat nde, Yesus-nen kwe iri na yak tosolar-e: ”Kat kindi angin tubu yigen iri-nen kimiri yamu me, kindi alen min-et mbiri-o” luk yak tij-o.

LUKAS 8:47

Yosoloma-ge, kurasa kwarij-et nde, nam tak posola karuk, kwe na-ge owak lele min-et lobok luk, Yesus ijok eralu mbud lug-e, ap pidsa inmbiri bem-et wene na parosolar-e: ”An-e iri bem-nen tena kibigirikmu, tena kobosoma ereya na-net ki yigi-o” luk mbenasa yij-o.

YIDNAK YIDNAK WENE 14:9

Iri yidnak nap na-ge Paulus-nen wene yosola-ge, kolak woragaij-o. Nde, Paulus na-ge erengen ap iri na ebem kere kererak woralat-nen yik kagaidnggal-e, ap iri na indi angin tubu yidnak me, ki rak purak irit yenggerak karuk-nen

2 KORINTUS 6:18

An-e kit Kineid yosolat, nde, kir-e an nilirak li ap nde, li kwami nde tugub-o luk Amawi Kwarat worak Nagawan Indo-nen yij-o.”

IBERANI 4:2

Nde, konak wene iri-ge it-nen kuliga na nggal-et nit na kulige-o. Nde, wene iri kologolat woraiga-t nde, wene na bem inndi angin tubu yigit lak yigarik me, wene na-ge it enmanggim-e ebe lak mende nggal yij-o.

1 SEMUEL 1:17

Yosoloma, Eli-nen yak tosolar-e: ”Iri ala-ge, Isarael nap-nen erembel wanugwi Mbal Pam Nagawan-nen-e kat nggi yigen irit wok kuruwag-o. Nde, kar-e kindi yamuksa mbiri-o” yak tij-o.