LUKAS 8:44 - Nanduk Ngget Tul Pidnak Wene

⁴⁴ Kwe na Yesus amberam nggwe panggosa mborosolar-e, at usum erep nak tena bidnggal-e, ereya na-net at eyabi na pok yij-o.

LUKAS 8:44 ပူးပေါင်းရင်းမြစ်များ

MBIRIGA WENE 15:26

Nagawan Indo nen yosolar-e: ”Ndemeret kinndi-net an-nen yidnak yidnak kwarogolar-e, an-nen yik kasolat konag-et yik kudtak nak kwarer-o. An-nen ’Irit kwarurag-o’ yak kindidnak imbirik nak mbururag-o. Kit-nen nde irit kwarogola-ge, an-nen Mesira nap enpem mberak pigi kugi ereba mende-ge kenpem mberak pimin pug-o. An-e ki rak konposo Nagawan Indo-nen yusu-o” yij-o.

MALEAKI 4:2

Alat nde, kit an-nen yidnak yidnak kwarugwi nap kenmanggim-e kinmiri yurak namawi-ge molengen yeberak pil wasolat nggal yimbirik konposolat, eyaya-nen-e ki rak kunpuwa-o. Iri yosola, kir-e sapi amarik ngget nderak o ma-nen mbepme nak posola, alen kaso ereba na nggal wisirik kenalen pem woragub-o.

MATIUS 20:34

Yak togolikma-ge, Yesus na it unpud kasoluk, at inggi-ge it enlengen pem posola ereya na-net it enlengen kuwak yosoloma, at imbirik mbiriga-o.

MATIUS 8:3

Yak tosoloma-ge, Yesus na at inggi-ge ap iri na ebem puruk-nen yosolar-e: ”Iri kwat kuburak nindingen-o. Ambut min-o” luk yosoloma, ereya nanet at ebem mbidnak ndigiril laso mbijap iri na ambut yij-o.

MATIUS 9:20

Mburukmu-ge kwe misik, olengen duabelas woralar-e, eyabi mborosolat nak woraso kwe iri-nen at ombol nggwe wok yosolar-e, at usum erep iri na ebem inggi pij-o.

MARAKUS 6:56

Nde, Yesus na ya wok nosolar-e, o siri marik nggwe-nen na, o siri nggulok nggwe-nen na, Yesus mbiridnak sa-ge kugi worak nab-e waga onggo pugwi sa unpuruk, ”Kusum erep nak tenaguwag-o” luk at emengen kiri keresa mbariga-o. Yak togola-ge, usum erep tenaidnak nap pidsa-ge ki yogolat woraiga-o.

LUKAS 13:13

Yak turuk, Yesus-nen inggi kwe na tena bosola ereya na-net kwe na motsa men luk, Mbal Pem Nagawan erembel wanij-o.

LUKAS 7:38

Yesus ombol nggwe men lug-e, yip tosolar-e, yip lengen-nen Yesus ijok piri rak pij-o. Tak purug-e, at anggulsu-nen Yesus ijok iri korak puruk, at ijok na aben porok nasoluk, emben worak amburu na at ijok pem kilik pij-o.

LUKAS 8:43

Mburukmu-ge, kwe misig-e eyabi mborosolat nak olengen duabelas woraidnak kwe iri mbi woragaij-o. Ndoktet kwarat-nen yongga wuruwakluk, kwe na-nen-e arengge pidsa ondoro rak pij-et nde, ar-e ki yoso bug-o.

LUKAS 8:45

Tena bosoloma-ge, Yesus-nen yosolar-e: ”Ta-nen an tena nibij-o?” luk yosoloma-ge, it pidsa-nen-e: ”An-e lag-o” luk yil mborogola-ge, Peterus-nen yosolar-e: ”Mul Nondoso Nap wa-e. Ap kwarat-nen lop lop kiriga yu-nen panggon keyali-o” luk yij-o.

YOANES 5:13

Alat nde, iri me-ge ap kwarat ereba na ennggendumu Yesus na nabet kabet yidnak me, ki rak ibidnak nap na-nen-e: ”Ta-n ki rak nibij-o?” luk kabag-et woragaij-o.

YIDNAK YIDNAK WENE 19:12

Iri kwarosolar-e, Paulus irigak ndogwaroso sum ala na, yirik woraso sum ala na ap kugi worak enpem pogola-ge, kugi lak yosolat, enarem woraidnak kugi na mborosolat yij-o.

YIDNAK YIDNAK WENE 5:15

Nde, Peterus na mborosolat, at ugumak na it erep enpem maklug-e, kugi worak nap ereba na en wosa tulabiyem lis yemara mbinggirik onpogolat, e mbat ndamak pem mbinggirik onpogolat yiga-o.