LUKAS 7:17 - Nanduk Ngget Tul Pidnak Wene

¹⁷ Nde, Yesus obog-e Yurea wi pidsa min o eralu na min-e pidsa wigak yij-o.

LUKAS 7:17 ပူးပေါင်းရင်းမြစ်များ

MATIUS 2:1

Nagawan Erores worasola tarem-e Yurea nggweyak pem-o Mbetleyem iri me-nen Yesus ndet yij-o. Nderak worala-ge, mo luwaso sa-nen wonaru mbenarugwi nab-e Yerusalem wok yogolat-nen

MATIUS 4:24

At obog-e o Siria uwi oboksa wigak yil mborosola-ge, ap-nen at eram wok unpuruk lobok yogolar-e, kugi nin tak nan tak enpem mbidnak nap oboksa min, kugi andi-nen yane wurugwi nap min kugi enarem nggwidnak nap min ininggi nggonggo onowak nggonggo entagup kila kilasa wat yugwi kugi enpem mbidnak nap min kambung puk tak woragwi nap min wok unpuruk lobok yogola, Yesus-nen it oboksa ki rak onposolat woragaij-o.

MATIUS 9:26

Alama-ge, iri kwarid wene na obog-e o iri me oboksa wigak yil mbirij-o.

MATIUS 9:31

it iri na mborogolar-e, Yesus obog-e o iri me oboksa wigak tak pil mbiriga-o.

MARAKUS 1:28

Alama-ge, Yesus obog-e ndag-et nak Nggalilea wi pidsa wigak yij-o.

MARAKUS 6:14

Yesus obog-e wigaril mbiridnak me, Nagawan Erores-nen at obok pidsa kulij-o. Ap erep-nen yogolar-e: ”Yoanes ap yi maroso nap wat yid na uruk yarik-nen kwiye worak mende iri kwarusu-o” luk yiga-o.

LUKAS 4:14

Iri lug-e, Konak Indi amawi at imin worasola-ge, Yesus na-ge tuguruk Nggalilea wok yij-o. Wok yosoloma, at obog-e o iri me pidsa wigak yij-o.

LUKAS 7:14

Yurug-e, Yesus na en wutluk wali mbat na tena bosoloma-ge, mbat waruk mbitli nab-e ndong yiga-o. Alama-ge, Yesus-nen yosolar-e: ”La yu-ge wa-e. Men yi-o luk yak kirigi-o!” luk yij-o.