LUKAS 6:38 - Nanduk Ngget Tul Pidnak Wene

³⁸ Kinsilobulo-ge nin nap wok ondogola-ge, Mbal Pem Nagawan-nen na silobulo wok kunduwa-o. Wok kondosolar-e, ndak wosa wanugwi iri na ndemeret kobongsa, nggilara kininggem puwa-o. Kit-nen ap wok undugup iri na nggal ndak ndag-et Mbal Pem Nagawan-nen wok kunduwa-o” luk yij-o.

LUKAS 6:38 ပူးပေါင်းရင်းမြစ်များ

2 SEMUEL 19:36

Onggo iri nggal an nggal-nen wanurag-e meya-o. An-e Yi Yareren eyak ele bem we marig-et nak ndimirik kibil mbirimin-o.

ESET 7:10

Iri kwasa Aman iri na-ge at-nen Morendekai wururak e sindik pid iri na bem-e at nde urusu kerebara tiong tak uburug-e, nagawan-nen isilepma yid iri na-ge isilepma teyok yij-o. 8:1–10:3 Pasal 8 kuri-nen Pasal 10 kuri iri arem-e Nagawan Agasuweros-nen-e Aman arengge oboksa Eset wok tosola, Eset-nen Morendekai wok tidnak wene mbarak worasu-o. Iri-nen Yawuri nab-e it ondomok inmiri yuwakluk, Morendekai-nen nagawan unu bem engga mbara tomborosola, it-nen-e it inmin sirid nap mondok kwarat indiga wene mbarak worasu-o. Iri-nen Yawuri nap enalen kagolar-e, it inmiri yidnak yebet kagolar-e, Purim nggok sakwi tel kwiriga wene na pasal yeba arem mbarak worasu-o.

AYUP 42:11

Nde, Ayup iri na owerak min iridtak min oboksa min at enggamirak nanduk-nen kundik woragwi min lobok yigarik, lambuksa at ama-nen nggok irit saiga-o. Nagawan Indo-nen angin worak mende oboksa Ayup ebem pil lobok yidnak iri na bem it min-et inndi puru bera yuruk, at indi yangguniga-o. It oboksa-nen-e ondomoktak-nen uang min emas-nen konidnak inggi bem purak sinsin min Ayup wok tiga-o.

MBIRIGA WENE 21:24

Enlengen onggo-ge, enlengen-et purag-o. Eneyak onggo-ge eneyag-et purag-o. Ininggi onggo-ge ininggi-t purag-o. Unuwok onggo-ge unuwog et purag-o.

NGGOMO WENE 22:9

Ap indi konag-e nunggwi mende-ge enarengge lak nap mak ondoso me, Nagawan Indo-nen imbiringgat tak ubuwa-o.

MATIUS 10:42

An-nen yak kendeyeg-o: ’Yu-ge Yesus imin nugwi-o’ luk an nimbirik noso nap marik komosa-t nde, yimbe marik arem yi eyak worak kenangga mak tuwa nap iri-ge onggo lag-e lag-o. Onggo-t wanuwa-o.”

MATIUS 7:2

Nde, kit-nen ap enpem wene mbarugup iri na bem-net Mbal Pem Nagawan-nen kit kenpem wene mbaruwa-o. Nde, kit-nen ap ndak wat unpugup iri na bem-net Mbal Pem Nagawan-nen kit ndak wat kunpuwa-o.

MARAKUS 4:24

Yesus-nen tuguruk yak ondosolar-e: ”Wene yu-ge kwarat yebet ker-o. Kit-nen ap wok unduwokluk ndak wosa wok undugwi iri na bem-et kit na iri bem-et ndak wosa wok kundurug-e, eralu na terak menna wok kunduwa-o.

LUKAS 6:30

Ap-nen nde kat kebem nggi yogola-ge, nggi yuwa mende iri-ge wok turag-o. Nde, kisilobulo mbi wanuwama-ge, ’Uwi yagi-o’ luk yurak pug-o.

YAKOBUS 2:13

Ap enabuwa kagwi buk nap enpem wene mbarosolar-e, enabuwa lag-et enpem wene mbaruwa-o. Alat nde, ap enabuwa kagwi nab-e nenpem wene mbaruwa-o luk unmud kudtak pug-o.