LUKAS 6:35 - Nanduk Ngget Tul Pidnak Wene

³⁵ Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

LUKAS 6:35 ပူးပေါင်းရင်းမြစ်များ

NDAWI ENGGA 112:5

Tuguruk ondolma purak pem enpem nggi yogola, wok undugwi inndi konak woragolat, yi wene ndi wene bem lugud tak kwarigit lak, mondok mot mot nak kwarogolat worali nab-e mondok enalen kagolat wolmag-o.

NDAWI ENGGA 145:9

At iri-ge ap enariktak inmin-e indi konak nak yoso-nen yusu-o. At-nen ndak worak pidnak oboksa enabuwa yoso-nen yusu-o.

NDAWI ENGGA 37:26

It-nen nde pempa uwi yagurak pem wok ondogolat, ereb-e we wok ondogolat yugwi-o. It inlirak-nen na inmbiringgat tak unpurak irit kwat yugwi-o.

NGGOMO WENE 22:9

Ap indi konag-e nunggwi mende-ge enarengge lak nap mak ondoso me, Nagawan Indo-nen imbiringgat tak ubuwa-o.

MATIUS 5:9

Nde, lambuk tak unpugwi wene ndamili nab-e Mbal Pem Nagawan-nen it inmin-e ’An nilirag-o’ luk yuwa me, enalen kali-o.

MARAKUS 5:7

ene nggoksa yosolar-e: ”Kek tak woraso Mbal Pem Nagawan Ambara Yesus wa-e. Kar-e no kwat nubugun-o? Mbal Pem Nagawan unu bem-et kemengen mbarusu-o. An lel mberel nuburak pug-o” luk yij-o.

LUKAS 1:32

Nde, at iri-ge ap nggulok irit ma-o. Ap-nen at imin-e: ’Kar-e Kek tak Woraso Mbal Pem Nagawan Ambara-o’ luk yuwa-o. Nagawan Indo Mbal Pem Nagawan-nen-e at ombo Ndaud ondolma irit nagawan tak puwa-o.

LUKAS 6:36

Kit kineid-nen ap inmin indi op yoso iri nggal-et kit-nen na kinndi ob-et wolmomtag-o” luk yij-o.

YOANES 13:35

Kit-nen-e nabuwa kabuwa nak kagola-ge, ap pidsa-nen-e kir-e an nowosirak-nen yili-o luk yenggerak kiniyujwa-o” luk yij-o.

YOANES 15:8

Kit-nen engen kwarat pogolar-e, an Neid unu kek tak pili-o. Iri yogolar-e, an nimin nugwi nab-et kwat yili-o.

YIDNAK YIDNAK WENE 14:17

Irit nde, at na at-net nam yaga mirik konposolat-nen konak mende nin tak nan tak wok kondosolar-e, mbal nggwe-nen talme wok kondosolat, ndilagi woragwi tarem na wok kondosolat, nunggwi mende wok kondosolat, kenalen tak konposolat yoso-o” luk yiga-o.

2 KORINTUS 8:9

Nit Nagawan Indo Yesus Kerisut-nen we wok ondoso elem iri-ge kir-e kenaru nar-o: At isilobulo kwarat worag-et nde, kit kenmanggim-nen isilobulo lak nap agaij-o. Iri agaid iri-ge at isilobulo lak yidnak pem-nen kit kinsilobulo kwarat winde rak kenpeyekluk-nen iri yij-o.

2 TIMOTIUS 3:2

Iri tarem-e ap-nen-e ondomok enabuwa nak kagolat, uwang nak nggok tak pogolat, enambikpebe kek yogolat, inndi kek tak pem wene yogolat, ap pesel onpogolat, ineid iniya enne tarogolat, wa na yugwi buk, aid wene insili rak pogolat,