LUKAS 6:23 - Nanduk Ngget Tul Pidnak Wene

²³ It enlawingga-nen Mbal Pem Nagawan ene lomboksa yugwi nab-e iri nggal-et kwat inpidnak me, kit na iri nggal-et kwat konpogola-ge, aid arem-nen onggo nggulok wok kunduwa me, kenalen yogolat, kenalen-nen kot ker-o.

LUKAS 6:23 ပူးပေါင်းရင်းမြစ်များ

2 SEMUEL 6:16

Nde, urul pidnak wene labu mbarak iri na waruk mondok Yerusalem nggogolar-e, Ndaut na-ge Nagawan Indo kek tak posolat kot kasolat kud mboksa lalik mbilik kwarosola-ge, Saul ara Mikal-nen papalo tu nggwe yik karug-e, siyak yik kudtak isili yij-o.

1 NAGAWAN NAGAWAN-NEN KWARIDNAK WENE 18:4

Nde, kwe Isebel-nen Mbal Pem Nagawan ene lomboksa yugwi nap ereba na ondosola-ge, Obaja-nen yongga ondosolar-e, ap enpe seratus (100) irit kerep yanggoma kura onposolar-e, enpe lima pulu-ge (50) nin me, enpe lima pulu-ge (50) nin me kura unpuruk, nunggwi mende min yi min mak ondosolat woragij-o.)

1 NAGAWAN NAGAWAN-NEN KWARIDNAK WENE 19:10

Yosoloma, Elia-nen onggo yosolar-e: ”Nagawan Indo kamawi worak Mbal Pem Nagawan wa-e. An-e pempa Nagawan Indo kat kamanggim nag-et yabu-ge wanoso-o. Alat nde, Isarael nab-e it-nen kat kimin urul piga wene ereba na ondomok-nen kwid togolar-e, kat kamanggim wam wosa kan pugwi ondoro ereba na mijarogolat, kat kene lomboksa yugwi nap ereba na oboksa ondogolat yikma, an narig-et nak worala, yawo-ge nururak yili-o” luk yak tij-o.

1 NAGAWAN NAGAWAN-NEN KWARIDNAK WENE 19:14

Kuluruk, Elia-nen erep nggarosolar-e: ”Nagawan Indo kamawi worak Mbal Pem Nagawan wa-e. An-e pempa Nagawan Indo kat kamanggim nag-et yabu wanosola-t nde, Isarael nab-e it-nen kat kimin urul piga wene ereba na ondomok-nen kwid togolar-e, kat kamanggim wam wosa kan pugwi ondoro ereba na mijarogolat, kat kene lomboksa yugwi nap ereba na oboksa ondogolat yikma, an narig-et nak worala, yawo-ge nururak yili-o” luk yak tij-o.

1 NAGAWAN NAGAWAN-NEN KWARIDNAK WENE 19:2

Yak tosoloma, Isebel-nen Elia eram wene yu wosa pil mborosolar-e: ”Kup nde yanem nggal nde Mbaal ombo kwat inpigen ereba nggal nde an-nen kat kwat kibigit lak nde ala-ge, an-e nuruk wolmomtag-e lag-o. Mbaal-nen lak tak nubuwag-o” luk yij-o.

1 NAGAWAN NAGAWAN-NEN KWARIDNAK WENE 21:20

Nde, Akap-nen Elia karuk, yak tosolar-e: ”Nuwim nap wa-e. Kar-e an nebem kore yurak lobok yusu-a?” luk yak tij-o. Yosoloma-ge, Elia-nen yosolar-e: ”Ye! Ndemerer-o. Nap kar-e mondok kindi-net wat tak puruk, Nagawan Indo erengen pem mondok meya nggok kwaridnak me,

1 NAGAWAN NAGAWAN-NEN KWARIDNAK WENE 22:27

Waruk mburugupndig-e, ’O kubu me per-o’ yak ender-o. Nde, o kubu me purug-e, yi min nunggwi mende min mariget nak mak terenak worakmu, an-e nurug-et lobok yimin-o” luk yak indij-o.

1 NAGAWAN NAGAWAN-NEN KWARIDNAK WENE 22:8

Yosoloma, Akap-nen onggo yosolar-e: ”Misik worasur-o. Iri-ge Yimla ambara Mika worasu-t nde, at iri-ge an nindi-n pidnak konak iri na-ge ’Iri nggal kwat ma-o’ luk yak noroso buk. Are, an nisili kaso ereba na nde ’Iri nggal kwat ma-o’ luk yak noroso me, an-e nisili rak poso-o” luk yak tij-o. Yosoloma, Yosapat-nen onggo yosolar-e: ”Kar-e iri nggal yusu-ge meyog-o” luk yak tij-o.

2 NAGAWAN NAGAWAN-NEN KWARIDNAK WENE 6:31

Nde, nagawan iri na-nen ene nggoksa yosolar-e: ”Elisa-ge mondok yawo-t anggul mbarimin-o! Nde, lak nde ala-ge, Mbal Pem Nagawan-nen angin worak mondok kwiye worak nebem mberak puwag-o!” luk yij-o.

NEMIA 9:26

Alat nde, kilirak-nen-e kat kimin eyak nak worogolat, kat-nen yidnak yidnak kwarigit lak yiga-o. Nde, it-nen-e kat-nen idnak imiri mbarak pidnak wene ereba na-ge keya buruk, kat kene lomboksa yugwi nab-e ’Tuguruk nden karuk Kenmbal Pem Nagawan eram mberer-o’ luk yak undugwi ereba na nde indiga-o. Nagawan Indo wa-e. Iri nggal kwarogolar-e, it nen-e pempa kat enlengenma nggal tak kobogolat woraiga-o.

YESAYA 35:6

Ap onowak wat yidnak-nen na onowak mot luk, urusa wam-nen kwaroso nggal kud mbok kud mbok mborogolat, ap enne lak woragwi-nen na enne kuwakluk, enalen-nen enne nggoksa yogolat yuwa-o. Yi lak ma nembaga karu me-t nde, yi ulusu pilana wasolat, karu me-t nde, yi mborosolat ma-o.

YEREMIA 2:30

Kir-e an-nen nggomo kindidnak iri na wanigit lak yili me, wewesa-t an-e angin worak kenpem pusu-o. Singa ndakngge-nen isilepma yoso nggal, kir-e Mbal Pem Nagawan ene lomboksa yugwi nap undugwi-o.

MALEAKI 4:1

Nagawan Indo Mondok Amawi worak iri na-nen yosolar-e: ”Inndi kek tak min meya yugwi nap min oboksa tusuangge kan pidnak nggal kan unpurak tarem-e wog-et ma-o. Nde, iri tarem-e erep mbi keya bigit lak, mondok oboksa kan paga lak tak unpuwa-o.

MATIUS 5:12

Kit woragit lak ma-nen nanduk Mbal Pem Nagawan ene lomboksa yugwi nap na iri nggal-et lel mberel inpikma me, aid arem-nen kit wok kundurak onggo nggulok worasu me, kenalen pen-et woragolat, kijik kijak wolmer-o.”

LUKAS 1:41

Nde, Elisabet na Maria-nen wa yak tosola kolosola-ge, at arem la iri na-ge yunuk wanuk mbij-o. Alama-ge, Elisabet na arem Konak Indi-ge kobong yosolat-nen

LUKAS 1:44

Nde, kat-nen wa yak norosola, kolosoma-net la an narem yu na igijak-nen yunuk wanuk mbij-o.

LUKAS 6:35

Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

YIDNAK YIDNAK WENE 14:10

ene ngguloksa-t yak tosolar-e: ”Kat kijok-net wurungsa men yi-o” luk yak tosoloma-ge, ap iri-ge wurungsa men lug-e, lobok lik mbitlik kwarij-o.

YIDNAK YIDNAK WENE 3:8

at na-ge wulungsa menluk, lobok yilik, mbitlik kwatlug-e, it inmin Mbal Pem Nagawan ama nggurug-e ya kud mbok ya kud mbok waring kasolat-net Mbal Pem Nagawan erembel wanij-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

OROMA 5:3

Nde, iri kwarurak pem nak nenalen kali-ge lag-o. Nit andi bandi kali na bem nenalen kali-o. Nde, andi bandi mende iri-nen ninndi tugup lak uwi yaboso iri-ge nenaru me,

2 KORINTUS 12:10

Kerisut ebem-nen ndeyak yosolat na, andi bandi rak nobogola na, anggun worak mende nebem mbosola na, lel mberel nobogola na, siri mbosolat na, an-e nalen kaso-o. Nde, an ndeyak yosola, ereya na-net namawi yoso-o.

KOLOSE 1:24

Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.

2 TIMOTIUS 2:12

Nde, nir-e neneyak linggirik nde wulmulndig-e, at imin nagawan wulmul-o. Nde, nit-nen nde at imin-e ’Naru bug-o’ luk yogola-ge, at-nen na nit ninmin-e ’Naru bug-er-o’ luk yuwa-o.

IBERANI 11:26

Nde, at-nen perasolar-e, Kerisut ebem-nen nggweyel nuburak iri perak nde onggo nggulok terak minik wanurak mende kagi. Nde, Mesira silobulo kwarat iri-ge ebe lak mende-o luk peragaid iri-ge, abok-nen onggo kwarat irit wanurak mende yik karuk-nen peragaij-o.

IBERANI 11:6

Nde, ap-nen-e Mbal Pem Nagawan ebem indi angin tubu yigit lak ala-ge, Mbal Pem Nagawan-nen-e ap iri ebem-e alen kujwa bug-o. Nde, Mbal Pem Nagawan eram lobok yuwa nap-nen perasolar-e: ”Mbal Pem Nagawan-e ndemeret worasu-o” yuruk, ”Mbal Pem Nagawan-nen-e kwara at ogore yuwa nap na onggo wok unduwa-o” luk wene na bem indi angin tubu yosolat wolmag-o.

YAKOBUS 1:2

Nowe nowosi wa-e. Kit kinndi ngarurak mende nin tak nan tak iri kenpem mbosola-ge, nir-e imbiringgat tak nunpusu-o luk yebet kudtag-o.

1 PETERUS 4:13

Are, Kerisut andi bandi kagaid na nggal-et an-e at imin andi bandi kasu-o luk, kenalen ker-o. Iri kwarugup ala-ge, at kek tak woraso nam tak puwa tarem-e kit kenalin kenalen kwarat kagub-o.

NAM PARA WENE 2:17

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, an-nen-e kura woraidnak no mende mburu (manna) na mak timin-o. Iri luk, kerep loro misik wok indimin-o. Nde, kerep loro iri na bem-e unu ngget yarak mbarag-o. Nde, unu iri-ge ap nin-nen enaru buk, wanuwa nap enarik nak-nen enaru ma-o.”

NAM PARA WENE 2:26

An nindi-n pidnak nak kwat tenak worakmu-net woroksiyem wok ma nap iri-ge amawi luk ombol nggwe yuwa nap-nen yili-o. Nde, an-nen it iri wok ondosolar-e, an Neid-nen wok niridnak amawi erep yu-t it wok undumu-ge, ap enlem oboksa posid wangun pem-nen tena unpuruk wolmomtak amawi wok undumu-ge, posid wangun iri-nen-e ap enlem oboksa-ge nggweyak yimbe ndamarak pugwi nggal ndamarak unpuwa-o.

NAM PARA WENE 2:7

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, unluk nak wolmomtak e Mbal Pem Nagawan Eyapmu-nen mbiridnak engen iri na mak timin-o.”

NAM PARA WENE 21:7

Amawi luk, ombol nggwe yuwa nab-e yeba oboksa winde ma-o. Nde, an-e it Enmbal Pem Nagawan kwat yosolat, ir-e an nilirak kwat ma-o.

NAM PARA WENE 3:12

Amawi luk ombol nggwe yuwa nab-e an-nen-e an Nembal Pem Nagawan uwi ndum tak ibimin-o. Ubumu-ge, iri me-nen kona mburuwa bug-o. Nde, Nembal Pem Nagawan unu min Nembal Pem Nagawan uwi siri Yerusalem ngget Nembal Pem Nagawan eram aid arem-nen mbuma iri na unu min an nunu ngget min-e at ebem mbarimin-o.

NAM PARA WENE 3:5

Amawi luk ombol nggwe yuwa nap iri-ge iri nggal kwasa sum loro yirik wolma-o. Nde, unlug-et wolmomtak engga bem-nen it unnu kurik pimin pug-o. An Neid min at-nen idnak aid nap min inmbiri bem ’It iri-ge an narengge-net yili-o’ luk nam-et para yimin-o.