LUKAS 6:22 - Nanduk Ngget Tul Pidnak Wene

²² Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!

LUKAS 6:22 ပူးပေါင်းရင်းမြစ်များ

YESAYA 65:5

it-nen ap yak ondogolar-e: ’Nir-e mondok marak nenarik lenag-et me, kit kinmin nit nenpem purak pug-o. Ndak mboksa mberer-o’ luk yili-o. It-nen iri kwatli iri kasolar-e, mondok mamak purag-e meya yusu-o. An nisilepma-ge nigi yoso buk kanduk nggal mondok enpem puruk worasu-o.

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

MATIUS 10:18

An nebem ala, kit kenpem wene mbarogolar-e, pemerinta wari nde, nagawan nagawan nde ininggem kunpuwama, nanongga kir-e an nowene it min enlem nin nap min yak undugub-o.

MATIUS 10:22

An nunu bem ap oboksa-nen insili rak kunpuwa-t nde, momak puruk irit worasoma, woroksiyem wok ma nab-e imiri yuwa-o.

MATIUS 10:39

Ta-nen nde at uruk wolmomtak iri na indi angin yusu nab-e, at uruk wolmomtak iri kabak ma-o. Nde, ta-nen nde an nebem ala at uruk wolmomtak na iminep wisirik puwa nab-e, uruk wolmomtak elem irit lesa wanuwa-o.”

LUKAS 20:15

Yurug-e, ambara iri na-ge leget ombol nggwe lesa mbo uburuk, wiriga-o” luk yij-o. Iri yak unduruk, Yesus-nen yosolar-e: ”Iri ala-ge, yabu winde na lobok yosolar-e, parugu worali nap na-ge no kwat unpuwa kali-o?

LUKAS 21:17

Nde, kir-e an wok nibigep pem, ap oboksa-nen insili rak kunpuwa-o.

LUKAS 6:21

Nere yawo kali nap wa-e. Kinmbit tak puwa me, kenalen ker-o! Yawo yip tili nap wa-e. Kit abok-nen nda tugup me, kenalen ker-o!

YOANES 12:42

Iri alat nde, Yawuri nap enne kulugwi nap kwarat-nen inndi-ge Yesus ebem angin tubu yiga-t nde, Parisi nap-nen-e Mbal Pem Nagawan ama-nen abu abu wirik unpuwa naru, Yesus ebem inndi angin tubu yidnag-e para yigit lak yiga-o.

YOANES 16:2

Nde, tepan yugwi ma-nen abu abu wirik kunpuwa-o. Nde, kit kunduwa nap-nen peragolar-e: ’An-e Mbal Pem Nagawan eyabu wanusu-o’ luk yurak tarem-e panggo yuwa-o.

YOANES 17:14

An-e kat-nen yidnak wene yak indigi-o. Iri bem-e, an-e nggweyak ma nab-e lag-o. Iri nggal-et it na nggweyak ma nab-e lak ala karuk, nggweyak ma nap-nen-e it insili rak inpiga-o.

YOANES 7:7

Ki nap pidsa-nen-e kir-e insili rak kunpuwa bug-et nde, an-nen-e: ’Kit-nen kwatli mende meya nak kwatli-o’ luk yak undusu me, insili rak nibili-o.

YOANES 9:34

Yak ondosoloma-ge, it-nen at yak togolar-e: ”No yusu-o? Kar-e ndesa mbosolat-net meya kobong tag-et ndesa mbigen yu-net nde, nit nggomo nundusu-a?” yak turuk, ”Kar-e Mbal Pem Nagawan ama kar-e nggumomtag-e lag-o” luk langgara wirik piga-o.

YIDNAK YIDNAK WENE 22:22

Paulus na wene yil mborosola, kolak woraiga-t nde, wene ereya na yosoloma-ge, it ap kwarat-nen enne ya mba mbogolat-nen yogolar-e: ”Ap yu-ge lak tak purag-o! Uruk wolmomtag-e lag-o!” luk yiga-o.

YIDNAK YIDNAK WENE 24:5

Nit-nen kagolar-e, ap Paulus yu-ge ap enne rak poso-o. Yi wi ndi wi worali Yawuri nap ennggendumu nari wari rak poso-nen yusu-o. At iri-ge Nasarani nap ennggendumu ene kulugwi nap-nen yusu-o.

YIDNAK YIDNAK WENE 9:16

Nde, an nunu bem ala, at ebem andi bandi mbumomtag-e an-net mirik ibimin-o” luk yak tij-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

1 PETERUS 3:14

Alat nde, kir-e konak nak kwaridnak pem andi bandi kagub-et nde, kir-e imbiringgat-nen yili-o! Nde, kit-nen-e ap enaye kagolat, kinndi kabak yogolat yurak pug-o.