LUKAS 23:35 - Nanduk Ngget Tul Pidnak Wene

³⁵ Iri kwarogola-ge, Yawuri nap ennggendumu enne kulugwi nap-nen Yesus na nggweyel obogolat-nen yogolar-e: ”At-nen-e nin nap inmiri yoso-t nde, ar-e ndemeret Mbal Pem Nagawan-nen len ibidnak nap Kerisut nde ala-ge, at ondomok imiri yuwag-o!” luk yogola, ap kwarat ereba na-ge iri me mendak-nen yik karok woraiga-o.

LUKAS 23:35 ပူးပေါင်းရင်းမြစ်များ

NDAWI ENGGA 22:17

An nowag-e oboksa an-e ndak wonarusu-o. Ir-e an yik neyarok woragolar-e, no mende kaidnak nggal enlengen kere kererak yik neyagolat worali-o.

NDAWI ENGGA 69:26

It iri-ge kat-nen angin worak enpem pidnak nap lel mberel onpogolat, kat-nen andi bandi rak inpidnak nap onpok pogolat kwarugwi-o.

YESAYA 42:1

Nagawan Indo-nen yosolar-e: ”An ndegel noboso nap an-nen tena buruk woraso, an-nen lenak pigi, an nalen tak poso-ge yu-o. At-nen-e ap enlem oboksa mot mot kwarugwi wene yak indil mburuwakluk, an-nen an nindi at ebem pukmu-o.

YESAYA 49:7

Mbal Pem Nagawan Mondok Marak, Isarael nap inmiri yoso iri na-nen ap nggweyel unpugwi nap-nen nggweyel obogolat, ap enlem oboksa-nen insili rak obogolat, o tena woragwi nap ereba ndegel onposo nap kwarak pogolat kwatli nap iri na yak tosolar-e: ”Nagawan nagawan-nen-e an-nen kwat kibimin iri karuk, it-nen-e an kek tak nubuwa-o. Enmawi worak nap-nen na iri karug-e, entare nggwe tud ma-o” luk yij-o. Iri kwaruwa iri-ge Nagawan Indo-nen at ndegel oboso nap linid iri bem-nen kwaruwa-o. Isarael nap Enmbal Pem Nagawan Mondok Marak iri-ge at-nen urul pidnag-e lugud tak poso buk ala-nen kwaruwa-o.

YESAYA 53:3

Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

MATIUS 12:18

”Yu-ge an ndegel noboso nap, an-nen len ibigi nap-nen yusu-o. Abuwa worak, nindi kundik na ebem nalen kasu-o. An Nindi-ge at ebem pimin-o. An-nen ap enpem mbarimin wene-ge at-nen-e ap enlem oboksa yak unduwa-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

LUKAS 16:14

Iri yidnak wene na kulurug-e, it Parisi nab-e uwang ukwe ukwe yugwi me, Yesus na nda wat ibiga-o.

LUKAS 23:13

Iri luk, Pilatus-nen tepan omborak nagawan min Yawuri nap ennggendumu enne kulugwi nap min yonggo unpuruk,

LUKAS 23:39

Nde, meya yoso nap e bem panggarak pidnak misik iri na-nen Yesus nggweyel obosolar-e: ”Kat nde Kerisut ala-ge, kat kambik kimiri luk, nit na ninmiri yi-o!” luk yij-o.

1 PETERUS 2:4

Iri bem-e, Nagawan Indo eram lobok yer-o. At iri-ge urug-et woraso kereb-et nde, ki nap-nen ebe lak mende nggal tak puruk mbo biga-t nde, Mbal Pem Nagawan-nen-e kerep iri na onggo nggok pugwi kerep tak uburuk, len ibij-o.