LUKAS 22:42 - Nanduk Ngget Tul Pidnak Wene

⁴² ”Neid wa-e. Kat-nen nde ndak ala-ge, andi bandi mende nebem mbuwa mende yu lak tak pi-o. Alat nde, an nindi-nen pidnak kwat momtak iri-ge meya-o. Are, kat kindi-nen pidnak nak irit kwat mag-o” luk tepan yij-o.

LUKAS 22:42 ပူးပေါင်းရင်းမြစ်များ

NDAWI ENGGA 40:8

’Mbal Pem Nagawan wa-e. Kat kindi-n pidnak kwarurak iri-ge an-e nindingen-o. Kat-nen idnak imiri mbarak pidnak wene-ge an narem pukmu-o’ luk mbarak worasu-o” yigi-o.

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

MATIUS 11:26

Ye, Neid wa-e. Iri-ge kat kindi-n pidnak ndak ndag-et kwarij-o.

MATIUS 20:22

Yak tosoloma-ge, Yesus-nen wene erep nggarosolar-e: ”Kit-nen nggi yili mende iri-ge kir-e kenaru bug-o. Yimbe arem kenanggo namin iri-ge kit-nen na norag-e ob-a?” luk yak ondosoloma-ge, it-nen yogolar-e: ”Nul-er-o” luk yiga-o.

MATIUS 26:39

Yak unduruk, at na nuruksa nggal mberarik, nggweyak pem erare nggwe tud luk-nen tepan yosolar-e: ”Neid wa-e. Lak tak purag-e ndak nde ala-ge, yimbe yu-ge an neram-nen mengga wani-o. Alat nde, an nindi-n pidnag-e lag-o. Kat kindi-n pidnak nak kwat mag-o” luk yij-o.

MATIUS 26:42

Yak turuk, mberen pem tak posolar-e, Yesus na mberarik, tepan yosolar-e: ”Neid wa-e. An ninggit lak ma yimbe yu mengga wanurag-e meya nde ala-ge, kat kindi-n pidnak nak kwat mag-o” luk yij-o.

MATIUS 26:44

Iri luk, Yesus na it keya unpuruk mberarig-e, kenan tak posolat-nen tepan yosolar-e, nanduk yid ereya na nggal-et yosolat woragaij-o.

MATIUS 6:10

Kat-nen tenagaidnak wi iri lobok yuwag-o. Aid arem-nen kat kindi-n pidnak kwatli nggal, nggweyak ma-nen na irit kwaruwag-o.

MARAKUS 14:36

Yurug-e, ”Neid wa-e, Neid wa-e. Kat-nen yi mende ndi mende kwarurag-e ndak–nen yusu-o. Andi bandi an nebem mbusu yu an nebem-nen wabi-o. Nde, an nindi-n pidnak kwarurag-e lag-o. Alat nde, kat kindi-n pidnak nak kwat mag-o” luk yij-o.

LUKAS 23:34

Panggarak pikma, Yesus-nen tepan yosolar-e: ”Neid wa-e. Ir-e enaru buk-nen kwatli me, it-nen meya yili yu-ge kat-nen kembaram tak pi-o” luk yij-o. Nde, it-nen at usum tembesa wanuwoklug-e, engga mbara ligik puruk, enpem mbidnak nap-nen waniga-o.

YOANES 18:11

Mberak posoloma-ge, Yesus-nen Peterus na yak tosolar-e: ”Keyalawi iri-ge ondolma yari-o! An Neid-nen wok niridnak andi bandi kenanggo yimbe yu-ge nujwa bug-o luk perasu-a?” luk yak tij-o.

YOANES 4:34

Yogolikma-ge, Yesus-nen it yak ondosolar-e: ”An numburu-ge an wirik nibil lobok yidnak nap iri na indi-n pidnak nak kwarosolat, at-nen yabu nebem pidnak na woroksa wanosolat yurak irir-o.

YOANES 5:30

Yuruk, Yesus-nen yosolar-e: ”An nondomok nindi-n pidnak pem nak yi kwatlik ndi kwatlik kwarurag-e meya-o. Are, Mbal Pem Nagawan-nen yak niridnak iri na ndak ndag-et ap enpem wene mbarusu-o. An-e nondomok nindi-n pidnak kwarusu bug-o. Are, an wirik nibidnak nap indi-n pidnak nak kwarusu me, an-e ap enpem wene mbarusu-ge mot mor-et mbarusu-o.

YOANES 6:38

An-e aid arem-nen mbuwagi yu-ge, an nindi-n pidnak kwarurak pem lobok yigi-ge lag-o. Are, an nibil lobok yidnak nap indi-n pidnak kwareyekluk-nen lobok yigi-o.

YIDNAK YIDNAK WENE 21:14

Yosoloma-ge, nit-nen yidnak wene ar-e kuligit lak ala-ge, nir-e larok yogolat-nen yogolar-e: ”Nagawan Indo indi-n pidnak irit kwat mag-o” luk yige-o.