LUKAS 20:37 - Nanduk Ngget Tul Pidnak Wene

³⁷ Nde, wat yidnak nap unluk tak purak wene iri-ge Musa-nen nam-et nak yij-o. Mbal Pem Nagawan engga bem-nen Musa na e sugwe kan nasola kagaid wene na bem-e, Musa-nen Nagawan Indo imin yosolar-e: ’Kar-e Abaram min Isak min Yakup min ineid Mbal Pem Nagawan-nen yusu-o’ luk yid nar-o.

LUKAS 20:37 ပူးပေါင်းရင်းမြစ်များ

NDAK WIRIDNAK WENE 17:7

Nde, an-nen kat kimin kat-nen wigarak inmin urul yak kindigi iri-ge mondok kwar-et konposolat woramin-o. An-nen urul yak kundusu yu-ge pem woralik nalik irit wolma-o. An-e kat Kembal Pem Nagawan min kat-nen wigarak Enmbal Pem Nagawan min kwat yimin-o.

NDAK WIRIDNAK WENE 28:13

Nde, Nagawan Indo-ge eralu mendak-nen yak tosolar-e: ”An-e Abarakam min Isak min-nen nerembel wanugwi Mbal Pem Nagawan-nen yusu-o. Nde, o kat mbinggirik worasu sa yu-ge an-nen-e kat min kat-nen wigarak min wok kindimin-o.

NDAK WIRIDNAK WENE 28:21

an-e tuguruk konag-et nde neid eram lobok yimindig-e, Nagawan Indo-ge an Nembal Pem Nagawan kwat ma-o.

NDAK WIRIDNAK WENE 32:9

Nde, Yakup-nen tepan yosolar-e: ”Nombo Abarakam min neid Isak min-nen kek tak kubugwi Mbal Pem Nagawan wa-e. An nene kwara kuli-o. Nagawan Indo kat-nen-e: ’Kowe kowot endam tuguruk kama mburugunmu-ge, yi mende ndi mende oboksa bem-e kat kamanggim-e konak nak kwarosolat woramin-o’ luk urul yak nirigen-o.

MBIRIGA WENE 3:15

Kat-nen it yak ondosolar-e: Nagawan Indo an-e it onmborak Enmbal Pem Nagawan, Abarakam min Isak min Yakup min Enmbal Pem Nagawan an nak-nen it endam wirik kubusu-o. An nunu Nagawan Indo iri-ge pem-et woralik nalik irit wolma-o. Nde, an nunu Nagawan Indo iri-ge ap enlem oboksa nen ap pem lud pem yogolat wolma-o.

TUGURUK YIDNAK WENE 33:16

E suje kan nasola kan mare arem-nen wene yid Nagawan Indo iri na-nen imbiringgat tak pidnak onnggweyak yi mende ndi mende konak nak kobong tak irit wolmag-o. Yusup iri-ge owe owot ennggendumu ene kulugwi kek tak me, imbiringgat elem-e Yusup-nen wigarak enpem mbumag-o.