LUKAS 20:24 - Nanduk Ngget Tul Pidnak Wene

²⁴ ”Kerep tol mbi an kayek-nen nuk kil lobok yer-o. Tol yu bem-e ta erare min ta unu min mbarak kali-o?” luk yij-o. Yosoloma-ge, it-nen yogolar-e: ”Kaisar-o” luk yiga-o.

LUKAS 20:24 ပူးပေါင်းရင်းမြစ်များ

MATIUS 18:28

Iri luk, ndegel poso nap yu na mbiridnggal-e, at anggam yabu misiget erep wanoso nap misik iri na imin lid pid lug-e, at anggam na-ge at arengge namat wanidnag-e mariget nggal (seribu rupiah) wanidnak me, ap yu na-nen anggam iri na lombok tarik, urusu magosolat-nen yak tosolar-e: ’An narengge namat wanigen iri na-ge ndag-et nak uwi yagi-o’ luk yak tij-o.

MATIUS 20:2

Mberarik, yabu winde iri-nen it inmin wene mbarosolar-e: ’Yabu wanugup onggo-ge misiget tarem wanidnak pem-e tol misiget irit wok kindimin-o’ luk yak ondosoloma, it-nen-e ’Ob-o’ yogola karuk, yabu wil mburuwakluk ndimirik inpij-o.

MATIUS 22:20

at-nen it yak ondosolar-e: ”Tol yu bem-e ta erare ndak worak nde, ta unu mbarak nde worasu-o?” luk yij-o.

MARAKUS 12:16

Yak ondosoloma-ge, kerep tol mbi pil lobok yogolikma-ge, at-nen it kin wok onposolar-e: ”Tol yu ebem-e ta amorok ndak worak min ta unu min mbarag-o?” luk kin wok onposoloma-ge, it-nen yogolar-e: ”Kaisar-o” luk yiga-o.

LUKAS 2:1

Iri tarem-e Kaisat Agustus-nen wene wirik posolar-e: ”An-nen tenagaidnak wi woragwi nap pidsa wanat unpurak pem unnu mbarurag-o” luk yij-o.

LUKAS 20:22

Nde, nit-nen idnak imiri mbarak pidnak wene bem-e nir-e Nagawan Kaisat amanggim tol purag-e op, lak meya-a? Yak nindi-o” luk yak tiga-o.

LUKAS 20:23

Yak togolikma-ge, Yesus na-ge it-nen at are pogolat-nen yili na yenggerak karug-e, at-nen it yak ondosolar-e:

LUKAS 20:25

Yogolikma-ge, Yesus-nen it yak ondosolar-e: ”Iri ala-ge, Nagawan Kaisat arengge ala-ge, ar-et wok ter-o. Nde, Mbal Pem Nagawan arengge ala-ge, Mbal Pem Nagawan-et wok ter-o” luk yak indij-o.

LUKAS 23:2

Puruk, it-nen enesiget wene at ebem pogolar-e: ”Ap yu-ge nit nenlem nap inndi kabak tak posolat, ’Nagawan Kaisat amanggim tol purak pug-o’ luk yak ondosolat, ’Nagawan Kerisut iri-ge an-net yusu-o’ luk yosola kulige-o” luk yiga-o.

LUKAS 3:1

Tiberius na nagawan Kaisat men luk worasolat, olengen limabelas pem-e, Pontius Pilatus na-ge Yurea nggweyak pem gubernor woragaij-o. Nde, Erores na-ge Nggalilea nggweyak pem nagawan woralat, at owot Pilipus na-ge o Iturea min o Terakonitis min nagawan woralat yiga-o. Nde, Lisanias na-ge o Abilene iri me nagawan woragaij-o.

YIDNAK YIDNAK WENE 11:28

It ereya na ennggendumu ap misik unu-ge Agapus na-nen men luk Konak Indi-ge ebem worala-nen yosolar-e: ”Nogoro nggulok enpem mbosolar-e, yi wi ndi wi oboksa wok yuwa-o” luk yij-o. Iri na ndak yosolar-e, Nagawan Kelaudius iri worasola tarem-nen kwat yij-o.

YIDNAK YIDNAK WENE 26:32

Nde, Ageripa-nen Pestus yak tosolar-e: ”Ap yu-nen-e: ’Kaisat-nen an nowene mbaruwa-o’ yigit lak yid nggal-e, weserak peleb-o” luk yak tij-o.

PILIPI 4:22

Yu me woragwi marak nap oboksa-nen wa yak kindili-t nde, Kaisat woraso sa woragwi nap irit wa yak kindili-o.