LUKAS 20:13 - Nanduk Ngget Tul Pidnak Wene

¹³ Iri ala-ge, yabu winde-nen yosolar-e: ’E! Yawo-ge no kwarimin-o? Lag-o. An nambik nambara nindi kundik irit wirik pumu-ge, at iri perak nde kek tak ubuwa-o’ luk yij-o.

LUKAS 20:13 ပူးပေါင်းရင်းမြစ်များ

YESAYA 5:4

An-nen idnak anggut yabu yu-ge an-nen kwat oboso bug-e no nggal kwat uburak kali-o? An-nen-e engen undu konag-et yuwa-o luk nindi ebem worasoma-t nde, noluk-nen engen-e amak worak nde yij-o?

YEREMIA 36:3

Erep-nen-e Yewura nab-e an-nen it enpem lak tak onposo mende pil lobok yimin wene iri na kirimbi kulurug-e, it-nen meya kwatli keya buruk, kondok yuwa nde ma-o. Iri yogola-ge, an-nen-e it-nen idnak meya min it-nen meya kwarugwi min-e namberam tak pimin-o” luk yij-o.

YEREMIA 36:7

Nde, Nagawan Indo-ge isilepma kwarat onposolar-e, enpem mbud ma wene kuluruk, erep-nen-e ir-e Nagawan Indo eram tepan yogolat, it-nen yi meya ndi meya kwat tenak worali ereba-ge keya buwa nde ma-o” luk yigi-o.

OSEA 11:8

Nagawan Indo-nen yosolar-e: ”Isarael wa-e. An-nen-e meme rak kobosolat, keya kobosolat kwarurag-e meya-o. Atma iri na lak tak pigi nggal lak tak kibimin-a? Semboim kwat ibigi nggal kwat kibimin-a? An-e kat kabuwa-ge mondok kwarat kasolat me, iri nggal-e mondok kwat kibimin pug-o!

OSEA 6:4

Alat nde, Nagawan Indo-nen yosolar-e: ”Kit Isarael nap min Yewura nap min wa-e. Kit-nen an nabuwa kagwi-ge kuplila o age min lilangen min ndag-et nak lak yusu iri na nggal me, an-e kit kinmin-e ngge nggal kwarimin-o?

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

MATIUS 3:17

Iri lug-e, ene misik aid arem-nen pil mbuwasolat-nen yosolar-e: ”Yu-ge an Nambara nindi kundik-nen yusu-o. At ebem an nalen kwarat yusu-o” luk yosola, kuliga-o.

LUKAS 18:2

Yesus-nen yosolar-e: ”O siri misik me-ge wene mbaroso nap mbi woragaij-o. Ap iri na-ge Mbal Pem Nagawan indi aye lak nap, ap erep na nggok tak onposo buk irit woragaij-o.

LUKAS 18:4

ap iri na ene kola nak keya berenak woragaij-et nde, misik tarem-nen perasolar-e: ’An-e Mbal Pem Nagawan indi aye kaso buk, ap erep na nggok tak onposo bug-et nde,

LUKAS 20:12

Iri lug-e, tuguruk kenan pem tak posolar-e, ndegel oboso nap mbi wirik ibij-et nde, parugu worali nap-nen mbut ndam ndam wosa leget ombol nggwe mbo biga-o.

LUKAS 20:14

Alat nde, parugu worali nap-nen ambara na yik karuk, it-nen yak kerak mbogolar-e: ’Eid eyabu winde ma nab-e yur-o. Nde, yabu yu winde yuwok-nen at yu-ge wuruwog-o!’ luk yiga-o.

LUKAS 9:35

Nde, nggan nggan na arem-nen ene iri-nen yosolar-e: ”Yu-ge an Nambara, an-nen len ibidnak nap-nen yusu-o. At-nen yidnak wene nak koler-o!” luk yij-o.

YOANES 1:34

Nde, an nerengen karuk-nen yak kundusu-o. At yu-ge Mbal Pem Nagawan Ambara-net yusu-o” luk yij-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,