LUKAS 18:20 - Nanduk Ngget Tul Pidnak Wene

²⁰ Nde, Mbal Pem Nagawan-nen ’Iri nggal kwarurag-o’ yidnak iri-ge kar-e karu-o. Iri-ge: ’Ap onkwe yeburak pug-o. Ap wururak pug-o. Yariya wanurak pug-o. Kenesiget yurak pug-o. Keid kiya-nen yidnak yidnak nak kwarosolat wolmin-o’ ” luk yij-o.

LUKAS 18:20 ပူးပေါင်းရင်းမြစ်များ

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

LUKAS 18:19

Kin wanosoloma-ge, Yesus-nen at yak tosolar-e: ”Kar-e noluk an konak nab-o yak nirigen-o? Konak nap mbi worali bug-o. Mbal Pem Nagawan arig-et nak worasu-o.

LUKAS 18:21

Yosoloma-ge, ap iri-nen yosolar-e: ”Wene iri-ge an-e li marik pem-net kwarosolat woraso-o” luk yij-o.

OROMA 13:9

Imiri mbarak pidnak wene-nen yosolar-e: ”Mbabi yurak pug-o. Ap wururak pug-o. Yariya wanurak pug-o. Ap insilobulo ukwe ukwe yurak pug-o” luk yidnak wene oboksa min ”Iri nggal kwaru-o” luk yidnak wene erep na min lambuksa wene misiget tak posolar-e: ”Kat kambik kabuwa kasu nggal, kimin worali nap enabuwa kasolat wolmin-o” luk yij-o.

OROMA 3:20

Imiri mbarak pidnak wene-nen yidnak yidnak nak kwarogolat woraidnak nab-e ap misiger-o luk tet Mbal Pem Nagawan erengen pem-e lud tak nak unpuwa bug-o. Alat nde, imiri mbarak pidnak wene iri-nen-e nggweyak ma nab-e meya yugwi-nen yusu-o luk mirik nonposo-nen yusu-o.

EPESUS 6:2

”Keid kiya iri-ge kek tak onposolat wolmin-o” yidnak wene iri-ge mondok nandug-et imiri mbarak pidnak wene urul paga yak ondosolar-e:

KOLOSE 3:20

Li marik marik wa-e. Kir-e Nagawan Indo ebem woragolat-nen kwarogolar-e, kineid kiniya-nen yidnak yidnak nak pempa kwarogolat wolmer-o. Iri kwarugwi iri-ge Mbal Pem Nagawan indingen tak pugwi-o.