LUKAS 18:13 - Nanduk Ngget Tul Pidnak Wene

¹³ Alat nde, pemerinta enmanggim tol ndok woroso nap iri na-ge mboksa nggal mendak worasolat-nen at erengen-e mbal nggwe lik kudtak na kwiye me, at ambik imigwak lel kasolat-nen yosolar-e: ’Mbal Pem Nagawan wa-e. An-e meya yoso nap-nen yusu-o. Nabuwa ki-o!’ luk yij-o.”

LUKAS 18:13 ပူးပေါင်းရင်းမြစ်များ

2 SEMUEL 12:13

Yosoloma-ge, Ndaut-nen Natan yak tosolar-e: ”Ndemeret an-e Nagawan Indo imbiri bem mondok meya-t kwarigirig-o” luk yij-o. Yosoloma, Natan-nen yosolar-e: ”Nagawan Indo-nen-e kat-nen meya yidnag-e amberam tak pij-o. Kar-e wat yugun pug-o.

ESERA 9:6

Nuk karuk an-nen yosolar-e: ”Nembal Pem Nagawan wa-e. An-e kat kimbiri bem nanggul pugak yurak iri-ge mondok ninggiri meya-o. Nde, nit-nen meya kwatli-ge nenanggul pem tap mbal mbal lagaid lagaid mbal pem ndurum yij-o.

AYUP 42:6

Iri kwarosolar-e, an-nen yigi wene ereba na yebet kasolar-e, ’Niri nera-nen yigi-o’ luk ninggiri-nen o liri bem, mabe bem yeba koreyak worasu-o” luk yij-o.

NDAWI ENGGA 130:7

Isarael nap wa-e. Nagawan Indo-nen-e pempa kenabuwa-t kasolat, kinmiri yurak lud tak puruk woraso me, Nagawan Indo ebem nak kinndi mbung mbung tak wolmer-o.

NDAWI ENGGA 40:12

An-e lak tak onposo mende mondok kwarat, wonarurak puk-nen lop lop nerarik worasu-o. An-nen meya yoso ereba na-nen muk neyasola, an-nen yik kudtag-e meya-o. Nde, an meya yoso ereba wonarag-e an nanggulsu nggal-e lak, mondok terak minik kwarat me, an nindi engga nggwe mburusu-o.

MBIRIGA WENE 33:10

Nde, it Isarael nap-nen nggan nggan lang tak iri na nde Nagawan Indo uwi lije iri na tumende bem laring tak worala-ge, ir-e ondomok tak unuwi tumende bem lombok-nen entare nggwe yud tud mbugwi-o.

YESAYA 1:18

Nagawan Indo-nen yosolar-e: ”Wene yu lak tak puwog-o. Kir-e meya kwarugwi iri na-nen ndowaga mimi kan ngen nggal-et nde, an-nen-e masa yeben mbin mare nggal loro mbereng tak kinpimin-o. Kit meya yidnag-e kwarat angin worag-et nde, kit meya yidnag-e abu abu nemberam tak pimin-o.

YESAYA 6:5

Iri ala karuk, an-nen yosolar-e; ”An-e mondok yawo-net lak yimin kagi! An-e wene meya nak yoso me, nemnde na emben torak. Iri-nen an na meya wene iri nggal nak yugwi nap ennggendumu-t woraso me-t nde, an nerengen-net Nagawan iri Nagawan Indo Mondok Amawi Worak iri na kagi yu-ge an-e yawo-net wat yimin kagi” luk yigi-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

NDANIEL 9:5

Nir-e meya kwarogolat, nenlengen lamburak nak kwarogolat, lugud tak nak kwarogolat woragwi-o. Nir-e kat kimin eyak worogolat, kat-nen ’Iri nggal kwarogolat wolmomtag-o’ luk nenpem pidnak ereba na kwid turuk lugud tak nggwe mborogolat irit woragwi-o.

MATIUS 10:3

Pilipus min, Mbatolomeus min, Tomas min, pemerinta enmanggim tol ndok woroso nap Matius min, Alpius ambara Yakobus min, Tarius min,

MATIUS 6:5

”Nde, kit-nen tepan yogolar-e, it enesiget siget kwarugwi nap-nen kwarugwi nggal kwarurak pug-o. It iri na-ge ap-nen yik iniyujwakluk tepan yogolar-e, mendak nggwe-nen Mbal Pem Nagawan uwi worak ma-nen na, tu ondogwal mberen ma-nen na, tepan yurag-e inndingen-o. Nde, an-nen yak kendeyeg-o: It-nen wanurak onggo iri-ge mondok waniga irir-o.

MATIUS 9:13

Mburugupndig-e, Mbal Pem Nagawan engga mbarak pem-nen yosolar-e: ’Wam wosa namanggim pugwi iri-ge an nindingen-e lag-o. Are, ap enabuwa kagwi iri perak nde nindingen-o’ luk yid iri-ge kwara kenaru mer-o. Nde, an-nen-e luk tak nak kwarugwi nap na wene mbo enpeyekluk lobok yigi-ge lag-o. Are, meya kwarugwi nab-et wene mbo enpeyekluk lobok yukmu-o” luk yij-o.

MARAKUS 11:25

Nde, kit-nen tepan yuwokluk yukmu, ap-nen meya rak kinpidnak pem kinndi puru yidnak mbi worala-ge, Kineid aid arem woraso-nen kit meya yidnak amberam tak puwakluk, kit-nen na meya rak kinpidnak iri-ge kenmberam tak per-o.

LUKAS 17:12

Mborosolar-e, o siri misik me wok yidnggal-e, mbijap nggal enpem idnak nap sepulu iri inmin lambuk yij-o. It iri-ge erepma nggal mendak woragolat-nen

LUKAS 22:41

Yak unduruk, Yesus na it endam-nen mboksa mbirij-e kerep misik tarem mbising karuk yoboksa mboso ereya nggal mberarik, endaru yunggusa kore luk, tepan yosolar-e:

LUKAS 23:48

Iri kwarogola kujwokluk ndok wiriga nap-nen iri karuk, it oboksa enma mborogolar-e: ”Niri nera-nen-o” luk inmigwak taril taril mbiriga-o.

LUKAS 5:8

Nde, Simon-nen iri kwat yid iri na karug-e, Yesus eralu endaru yungguksa tud yosolat-nen yosolar-e: ”Nagawan Indo wa-e. An-e meya yoso nap me, keya nuburuk mbiri-o!” luk yij-o.

YIDNAK YIDNAK WENE 2:37

Iri yosola kuluruk yigarig-e, it-nen inndi andi min-et Peterus min it wirik inpidnak nap erep na min yak ondogolar-e: ”Nowe nowot wa-e. Ngge kwarul-o?” luk yiga-o.

OROMA 5:8

Alat nde, nir-e meya yugwi nap woragola, Kerisut-e nenmanggim wat yamu me, iri bem-nen Mbal Pem Nagawan-nen nit nenabuwa kaso elem mirik ninpij-o.

2 KORINTUS 7:11

Nde, Mbal Pem Nagawan indi-n pidnak pem-nen kit kinndi puru bera yidnak iri-nen kit kenarem engen kwarat pid iri ker-o: Kir-e kondomok kenlat mbarogolat, kinsili-nen kinsilepma yogolat, kwiye yogolat, kenmawi kondogolat, ap-nen meya yidnak pem angin worak mende enpem purak kinndi yogolat yili irir-o. Iri kwarogolat-nen-e, wene iri oboksa bem-e kit-nen meya mbi kwatli buk irit yak nindili-o.

1 TIMOTIUS 1:15

Wene yu-ge ndemeret wene-o luk mondok kwara yebet kudtak wene-o: Kerisut Yesus iri-ge meya yugwi nap inmiri yekluk-nen nggweyak ma yu me lobok yamu-o. Nde, meya yugwi nap ennggendumu-nen-e mondok meya nggulok kwaroso-ge an-ner-o.

IBERANI 4:16

Iri bem-e, Mbal Pem Nagawan indi op koreyak worasu sa at eram wok yogolar-e, ninndi kwiye lag-et wok yuwog-o. Nit nenabuwa kasolat, nit ninndi kabak yidnak tarem-nen we irit yongga nunduwakluk wok yuwog-o.

IBERANI 8:12

Iri ala-ge, it-nen wene kuruk tidnak na namberam tak puruk, it-nen meya yogolat woraidnak na nindi yebet yebet tak woramin pug-o” luk yij-o.