LUKAS 17:21 - Nanduk Ngget Tul Pidnak Wene

²¹ Nde, Mbal Pem Nagawan-nen tenagaidnak wi-ge kit kennggendumu worasu me, ap-nen yogolar-e: ’Nde, ar-e indi me worasu-o. Yu me worasu-o’ luk yurag-e meya-o” luk yij-o.

LUKAS 17:21 ပူးပေါင်းရင်းမြစ်များ

MATIUS 12:28

Alat nde, an nde Mbal Pem Nagawan Indi amawi bem-nen kugi wirik pusu ala-ge, Mbal Pem Nagawan-nen tenagaidnak wi-ge kit kendam lobok yarik worasu-o.

MARAKUS 13:21

Iri tarem ap-nen kit yak kondogolar-e: ’Kerisut-e yu-o. Kerisut-e iri-o’ luk yak kondogola-ge, ndemerer-o luk yebet kudtak pug-o.

LUKAS 17:23

Nde, abok ap-nen kit yak kondogolar-e: ’Ar-e iri me worasu-o. Ar-e yu me worasu-o’ luk yak kondogola-ge, kir-e ereba na me ogore mbururak pug-o.

LUKAS 21:8

Yogolikma-ge, Yesus-nen yosolar-e: ”Kit konmbol pem lujwa naru, kwil kwalsa wolmer-o. Nde, an nggal kwasa ap kwarat lobok yogolat-nen yogolar-e: ’Kerisut na an-er-o’ yogolar-e: ’Iri kwat ma tarem-e panggo yij-o’ luk yil lobok yuwa-t nde, kit-nen iri yuwa nap enne mondok kulurak pug-o.

YOANES 1:26

Yogolikma-ge, Yoanes-nen it yak ondosolar-e: ”An-nen-e we yi bem nak yi ma unpusu-t nde, kit kenaru buk nab-e kit kennggendumu yu me mendak worasu-o.

YOANES 18:36

Yosoloma-ge, Yesus-nen yosolar-e: ”An-nen tenagaidnak wi-ge nggweyak ma yu me-ge lag-o. An-nen tenagaidnak wi-ge nggweyak ma yu me nggal-nen-e Yawuri nap ininggem keya nubuwa naru, an nowosirak-nen-e wim mbatleb-o. Lag-o. An-nen tenagaidnak wi-ge o yu me-ge lag-o!” luk yij-o.

OROMA 14:17

Nde, Mbal Pem Nagawan-nen tenagaidnak wi-ge nunggwi mende min yi min erep kundig-e lag-o. Are, Konak Indi-nen wok ondoso luk tak nak kwarugwi elem min yamuksa woragwi elem min enalin enalen kagwi min erep kundik-nen yusu-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.