LUKAS 16:25 - Nanduk Ngget Tul Pidnak Wene

²⁵ Alat nde, Abaram-nen yosolar-e: ’Nambara wa-e. Kindi yebet ki-o. Kar-e kuruk woralar-e, konak mende nak wanosolat woraigen-o. Nde, Lasarus-e meya mende nak wanosolat woragaij-et nde, yawo-ge ar-e yu me alen pem worasu-o. Nde, kar-e andi bandi kasu-o.

LUKAS 16:25 ပူးပေါင်းရင်းမြစ်များ

NDAWI ENGGA 49:11

Nanduk unluk woragolar-e, onggweyak kwarat ombo wolma na-t nde, wat marig-e, yapma inpidnak sa iri na me-t pem irit woralik nalik irit wolma-o.

NDAWI ENGGA 73:7

Meya kwarugwi elem-e it inndi arem-nen mbetla mburusu-o. Ir-e meya kwarurak wene nak nggok tak perenak worali-o.

NDANIEL 5:30

Nde, iri na tarem-et kubu-ge Mbabilonia Nagawan Mbelsiasat iri na-ge wiriga-o.

MATIUS 27:63

at yak togolar-e: ”Nap wa-e. Nit-nen yebet kagolar-e, ap kabak tak onposo nap iri na uruk woralat-nen yosolar-e: ’Mberen nene luk, kenan tak purak pem nuruk yimin-o’ luk yoso na yebet kaige-o.

MARAKUS 9:45

Kat kijok-nen nde meya rak kobosola-ge, kijok mbarak pi-o. Kat kijok ponok nggwe nak worak-nen pem-et kuruk wolmomtag-e konag-o. Nde, kat kijok mberen tag-et kan mare arem nggurag-e meya-o.

LUKAS 16:20

Nde, at uwi tumende bem-e isilobulo lak nap unu-ge Lasarus, mama worak nap na mbinggirik woragaij-o.

LUKAS 16:23

Wat yidnak nap ndok wurugwi sa woralar-e, yane worosolat-nen-e at erengen lik kagaidnggal-e. Abaram na erepma worala, Lasarus na-ge Abaram eralu worala lik eneyagaij-o.

LUKAS 16:26

Nde, wene misig-e yu-o. Ap yu me-nen iri me mbogolat, ap iri me-nen yu me luwagolat ma naru, kat min nit min nennggendumu lembet nggok nggaserak worasu-o’ luk yij-o.

LUKAS 6:24

Alat nde, kit yawo yi mende ndi mende ombo worali nab-e iri na bem-nen kenalen min worali me, kenabuwa-o!

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

OROMA 8:7

Nde, ki nap-nen kwarugwi mende-t yebet kasu nab-e Mbal Pem Nagawan-nen imiri mbarak pidnak wene-nen yidnak yidnak kwaroso buk me, Mbal Pem Nagawan imin sirid nap-net yusu-o. Nde, ndemeret ar-e Mbal Pem Nagawan-nen imiri mbarak pidnak wene-nen yidnak yidnak kwarurag-e meyar-o.

PILIPI 3:19

It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

1 TESALONIKA 3:3

nit lel mberel ninpili yu karuk, kit misik-nen kinndi angin tubu yidnak keya buruk mburugup naru wirik ibige-o. Nde, lel mberel ninpili yu-ge, Mbal Pem Nagawan-nen ”Irit kwat unpuwag-o” luk yidnak pem kwat ninpili-o luk kir-e kenaru nar-o.

IBERANI 11:25

At iri-ge Mbal Pem Nagawan ilirak inmin lambuksa andi bandi kudtak iri indingen tak puruk, meya kwarosolat woralat-nen we luru alen kudtak iri isili rak pij-o.

1 YOANES 2:15

O nggweyak yu min nggweyak ma woraso mende min abuwa yurak pug-o. Kit-nen nde o nggweyak yu abuwa kagola-ge, Nineid abuwa kagwi kit kenarem-e mondok lag-o.

NAM PARA WENE 7:14

Yosoloma-ge, an-nen wene iri erep nggarosolar-e: ”Nap wa-e. An naru bug-o. Kat perak nde karu-o” luk yosolakmu, at-nen yak norosolar-e: ”Ap yeba-ge andi bandi mende nggulok it enpem mbidnag-et nde, ob-et woraidnak nab-o. It unsum marogolar-e, Lomba Wam Marik eyabi bem-net unsum-e masa loro rak pidnag-o.