LUKAS 16:16 - Nanduk Ngget Tul Pidnak Wene

¹⁶ Nde, ap yi maroso nap Yoanes na wok yigit lak worala-net Musa-nen imiri mbarak pidnak wene min Mbal Pem Nagawan ene lomboksa yugwi nap-nen mbaridnak wene min-e kwat tenak woraiga-o. Nde, Yoanes wok yid kur-nen-e Mbal Pem Nagawan-nen tenagaidnak wi wene aid wene na yak ondogola-ge, Mbal Pem Nagawan-nen tenagaidnak wi iri na me nggogolar-e, pela mbo mbo nggwili-o.

LUKAS 16:16 ပူးပေါင်းရင်းမြစ်များ

MATIUS 10:7

Mborogolar-e, ’Mbal Pem Nagawan-nen tenagaidnak wi-ge panggo yij-o!’ luk yak indil mberer-o.

MATIUS 15:11

Ap enemnde nggwe nggoso mende iri-nen ap kopkap tobok tak onposo bug-o. Are, ap enemnde nggwe-nen wirik pugwi wene iri-net ap kopkap tobok tak onposo-o” luk yak indij-o.

MATIUS 21:32

Yoanes na kendam lobok yarig-e, lud tak nak kwarugwi tula mirik kinpij-et nde, kit-nen-e at-nen yidnak wene na bem kinndi angin tubu yigit lak yigeb-o. Alat nde, it pemerinta enmanggim tol ndok wurugwi nap min terak ye inpil nugwi kwami min it perak nde at-nen yidnak wene na bem inndi angin tubu yogola, kit-nen kaigeb-et nde, kinndi nden karuk at ebem kinndi angin tubu yurag-e larok yigeb-o” luk yak indij-o.

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

MATIUS 4:17

Nde, iri tarem-e Yesus-nen mul ondoso tel korosolat-nen yosolar-e: ”Mbal Pem Nagawan-nen tenagaidnak wi panggo yusu me, kit meya yidnak keya buruk, kondok yer-o!” luk yosolat woragaij-o.

MATIUS 4:23

Yesus na-ge o Nggalilea uwi iri me oboksa waring kasolar-e, Mbal Pem Nagawan uwi worak ma-nen ap mul ondosolat, Mbal Pem Nagawan-nen tenagaidnak wi wene na ap yak ondosolat, ap kugi worak min kugi nin tak nan tak enpem mbidnak nap min ki rak inpil waring kagaij-o.

MARAKUS 1:14

Yoanes na o kubu me pikma worala-ge, Yesus na-ge o Nggalilea wi Mbal Pem Nagawan-nen yidnak aid wene yak indil indil mborosolat-nen

MARAKUS 1:45

Iri yak tij-et nde, at na mborosolar-e, at kwat ibidnak wene wigaril mberamu alama-ge, Yesus na-ge nam-et o silmu nggwigit lag-o. Are, ap lak ma irit woragaij-o. Alat nde, ab-e nin me nin me-nen at eram lobok yogolat nak woraiga-o.

LUKAS 10:11

’Kit kinndi wanobokluk, kit kunuwi liri nunuwok pem lop nok yidnak yu-ge nir-e pil kali-t nde, Mbal Pem Nagawan-nen tenagaidnak wi-ge nit nendam panggo yij-o luk kenaru wolmer-o’ luk yak undugub-o.

LUKAS 10:9

o iri me woraidnak kugi worak nap ki rak onpogolat, o iri me woragwi nap yak ondogolar-e: ’Mbal Pem Nagawan-nen tenagaidnak wi-ge panggo yusu-o’ luk yurag-o.

LUKAS 16:29

Yosoloma-ge, Abaram-nen yosolar-e: ’Kat kowosirag-e Musa min Mbal Pem Nagawan ene lomboksa yugwi nap min-nen mbaridnak engga-ge it tena worali me, iri-nen yidnak yidnak kwarogolat wolmag-o’ luk yij-o.

LUKAS 16:31

Alat nde, Abaram-nen yosolar-e: ’It iri-nen-e Musa-nen yidnak wene min Mbal Pem Nagawan ene lomboksa yugwi nap-nen yidnak wene min te rak pogola-ge, wat yidnak nap ennggenggerak-nen uruk luk mbiridnak nap-nen yidnak wene na kuluwa bug-er-o’ luk yij-o.”

LUKAS 9:2

Iri lug-e, Mbal Pem Nagawan-nen tenagaidnak wi wene mul ondogolat, ud enpem mbidnak nap ki rak inpil nogolat yuwakluk wirik inpij-o.

YOANES 1:45

Nde, Pilipus na-nen Natanael ogore yil mberarik, kasoluk-nen yak tosolar-e: ”At lobok yurak urul-e Musa-nen imiri mbarak pidnak wene engga bem mbarosolat, Mbal Pem Nagawan ene lomboksa yugwi nap-nen na mbarogolat yiga nap iri na-ge kaige-o. At iri-ge Yusup ambara Nasaret nap Yesus-nen yusu-o” luk yak tij-o.

YOANES 11:48

Yawo kwarusu nggal kwaruwakluk, we keya nak obogola-ge, Oroma nap lobok yuwarik, Mbal Pem Nagawan uwi yu min nit nenlem nap pidsa min lak tak unpuwa-o!” luk yiga-o.

YOANES 12:19

Iri ala-ge, Parisi nap na-nen yak kerak mbogolar-e: ”Li yu-ge wa-e. Ap pik paksa-nen at imbirik nak mborogola, nit-nen kwarurag-e meya yusu yu nde ker-o! luk yiga-o.

YOANES 5:4

Nde, misik tarem misik tarem-e Nagawan Indo-nen idnak aid nap mbuwasolar-e, ereya na-net yi ugup lerak iri na wuruk kemek tak poso-o. Nde, yi wuruk kemek mbosola, nandug-et nggwidnak nap iri na nak at kugi worak woraidnak na-ge ki yoso-o.]

YIDNAK YIDNAK WENE 3:18

Alat nde, iri kwarigep iri-ge Mbal Pem Nagawan-nen at ene lomboksa yugwi nap pidsa enmendam tak posolar-e: ’An-nen idnak Kerisut-e yane wuruwa-o’ yid iri na-t ndak tak posolat-nen kwarigeb-o.