LUKAS 16:11 - Nanduk Ngget Tul Pidnak Wene

¹¹ Nde, kat-nen-e nggweyak ma mende yu wanosolar-e, mot mot kwarigit lak ala-ge, piri yoso buk mende-ge ta-nen nde kinggem puwa-o?

LUKAS 16:11 ပူးပေါင်းရင်းမြစ်များ

MATIUS 6:24

”Ap misik-nen-e eidtak mberentak ndegel unpugwi bug-o. Nde, iri kwarogolar-e, eid misik iri na isili rak posolat, misik iri na abuwa kujwa nde ma-o. Are, misik iri na kwara ndegel obosolat, nde, misik na kwara ndegel ibigit lak yosolat ma-o. Iri nggal, kit-nen na Mbal Pem Nagawan min nggweyak ma mende mberen ndugururag-e meyar-o.

LUKAS 12:33

Kit kinsilobulo onggo wanurug-e onggo wok kindidnag-e insilobulo lak nap tembesa wok ender-o. Konkot manik ndelep yoso buk yaguruk, kinsilobulo lak yurak puk sa aid arem pogolat wolmer-o. Nde, aid arem pidnak me-ge, yariya wanugwi nap-nen yariya wanogolat, sil-nen mbarosolat yoso buk sa me, lag-e ma bug-o.

LUKAS 16:12

Nde, ap enarengge kat-nen mot mor-et kwarigit lak ala-ge, kat karengge-ge ta-nen nde wok kuruwa-o?

LUKAS 16:9

Yurug-e Yesus-nen yosolar-e: ”An yak kendeyeg-o. Nggweyak ma mende yu-nen-e kanggamirak momtak nap indi yangoner-o. Iri ala-ge, nggweyak ma mende na lak ma-t nde, unlug-et pem wolmomtak sa-nen wok kunpuwa-o.

LUKAS 18:22

Iri yosoloma kulurug-e, Yesus-nen at yak tosolar-e: ”Kat-nen mondok kwarurak mende misiget mbi keya bigen-o. Kat karengge pidsa onggo wanosoluk, onggo wanidnak tengge na insilobulo lak nap tembesa wok undugunmu-ge, an nimin ni-o. Iri yugundik pem-e aid arem-nen silobulo kwarat winde yugun-o” luk yak tij-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

NAM PARA WENE 3:18

Iri bem-e, an-nen nggomo kendeyeg-o. Kir-e ndemeret kinsilobulo worak nap yobok-nen kopkap mondok lak emas posid iri-ge an nebem onggo pogolat, kunsum we koro nderak woragolat, kinnggiri kagwi mende iri lomorobokluk, sum loro an nebem onggo pogolat, kenlengen pasa nomosa yik kabok-nen kenlengen pem yugururak amburu an nebem onggo per-o.