LUKAS 15:10 - Nanduk Ngget Tul Pidnak Wene

¹⁰ An yak kendeyeg-o. Iri nggal, meya yoso nap misik at meya yidnak keya buruk, kondok yosola-ge, Mbal Pem Nagawan-nen idnak aid nap-e kijik kijak kwarat witli-o” luk yij-o.

LUKAS 15:10 ပူးပေါင်းရင်းမြစ်များ

YESKIEL 18:23

Kat kindi-nen-e Nagawan Indo Mondok Kek tak an-e meya yugwi nap wat yogola-ge, an nindingen kasu-o luk yebet kasu-a? Mondok lag-o! An nindi-nen yebet kasolar-e: ’It meya kwatli keya buruk, kondok yogola, unluk wolmak lag-et nde-o!’ luk perasu-o.

YESKIEL 18:32

An-e ap misiger-o luk wat momtak iri-ge an-e mondok nisili-o. Kir-e mondok kunluk worali iri nggal-et worabokluk, kit-nen meya kwarugwi ereba-ge keya ber-o. Nagawan Indo Mondok Kek tak an-nen yak kundusu-o” luk yij-o. 19:1–32:32 Pasal ya arem-e Mbal Pem Nagawan ilirak enpem angin worak mende ereba na mburak wene min iri-nen o Yewura nggweyak eralu enlem nin nap worali ereba na enpem angin worak mende purak wene min-et mbarak worasu-o.

YESKIEL 33:11

It yak ondosolar-e: ’Nagawan Indo Mondok Kek tak, Mbal Pem Nagawan nuruk woraso nowag-o. An-e meya yugwi nap wat yurak iri-ge mondok nisili-o. Alat nde, an nindi-nen-e meya yugwi nap iri-ge it unluk irit wolmakluk it-nen meya kwarugwi iri keya burak irit nindingen-o. Isarael nap wa-e. Kit-nen meya kwatli keya ber-o. Noluk-nen kir-e wat yurak kindingen tak pili-o?’ luk yak indi-o.

MATIUS 10:32

”Nde, ap inmbiri bem-et nde, ’Yesus iri-ge an-e naru-o’ luk nam para yuwa nab-e an-nen na an Neid aid arem woraso imbiri bem-et nde, iri yidnak nap imin-e: ’Ap yu-ge an-e naru-o’ luk nam para yimin-o.

MATIUS 18:10

Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [

MATIUS 18:14

Iri nggal-et kit Kineid aid arem woraso na li marik yu ennggendumu-nen la misiger-o luk tet pul momtak iri-ge ar-e perasu bug-o.”

LUKAS 12:8

Yuruk, Yesus-nen yosolar-e: ”Wene yu kwara kinndi yebet ker-o. ’Yesus-e an-net wanigi-o’ luk ap inmbiri bem-et para yuwa nab-e, Ap Ambara an-nen na at imin-e: ’Ap yu-ge an-e naru-o’ luk Mbal Pem Nagawan-nen idnak aid nap inmbiri bem-et para yimin-o.

LUKAS 12:9

Alat nde, ’Yesus iri-ge an naru bug-o’ luk ap inmbiri bem-et para yuwa nab-e, Ap Ambara an-nen na at imin-e: ’Ap yu-ge an naru bug-o’ luk Mbal Pem Nagawan-nen idnak aid nap inmbiri bem-et para yimin-o.

LUKAS 13:5

Mondok lag-o! An yak kendeyeg-o. Nde, kit meya yidnak keya buruk kondok yigit lak ala-ge, iri nggal-et lak yugub-o” luk yij-o.

LUKAS 15:11

Iri luk, Yesus-nen yosolar-e: ”Ap misik ambara rak mberen woraiga-o.

LUKAS 15:7

Nde, an yak kendeyeg-o. Iri nggal, meya yidnak nap misiget kondok yidnak pem-e aid arem-nen enalen kwarat kujwa-o. Nde, lud tak nak kwarugwi nap sembilan pulu sembilan (99) iri-ge ir-e meya yugwi buk me, kondok yuwa buk nap it enpem-e enalen te nggal-et kujwa-o” luk yij-o.

LUKAS 15:9

Tol na kasoluk, kwe na anggamirak min at eralu woraso nap min wene mbo unpuruk-nen yak ondosolar-e: ’Negerep tol pul yidnak na wanigirik me, kijik kijak wuruwog-o!’ luk yak unduwa-o.

LUKAS 7:47

Iri bem-e wene yak kereyeg-o. Kwe yu-nen-e an nabuwa nggulok kaidnak pem-e at meya yidnak kwarat iri na-ge namberam tak pigi-o. Nde, at meya yidnak marig-et nak namberam tak pidnak nap-nen-e nabuwa-ge marig-et nak kaso-o” luk yij-o.

YIDNAK YIDNAK WENE 11:18

Yak ondosola kulurug-e, puk lug-e, it-nen Mbal Pem Nagawan erembel wanogolar-e: ”Iri ala-ge, Mbal Pem Nagawan-nen enlem nin nap wok ondosolar-e, it kondok yogola, unlug-et wolmomtak elem wanuwakluk wok indij-o” luk erembel waniga-o.

YIDNAK YIDNAK WENE 5:19

Alat nde, kubu nggwe-ge Nagawan Indo-nen idnak aid nap mbi lobok yosolar-e, o kubu me tumende ereba na kuwarak puruk, wok unpuruk mbepme mborosolat-nen yak ondosolar-e:

2 KORINTUS 7:10

Mbal Pem Nagawan indi-n pidnak pem-nen ap inndi puru bera yugwi iri-nen-e ap inndi kondok yogola, inmiri yurak pem-nen kwaroso-o. Nde, iri yidnak ala, ”Noluk iri nggal kwat ninpij-a?” yugwi bug-o. Alat nde, nggweyak ma yu-nen yidnak inndi puru bera yugwi iri-nen-e wat yugwi elem kwarak poso-o.

PILEMON 1:15

Onesimus na-ge we luru marig-et kat keya kuburuk mbirid iri-ge, tuguruk wok obosola-ge, kat kimin pem-et worayekluk-nen kwarid nde ma-o.

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.