LUKAS 14:27 - Nanduk Ngget Tul Pidnak Wene

²⁷ At-nen idnak e lang pang tak pidnak iri pijanuruk, at nimbirik nuwa buk nab-e an nimbirik noso nap momtag-e meya-o.

LUKAS 14:27 ပူးပေါင်းရင်းမြစ်များ

MATIUS 10:38

Nde, at-nen idnak e lang pang tak pidnak iri na pijanuruk an nijok pem waring kasu buk nab-e an nap kwat momtag-e meya-o.

MATIUS 13:21

Alat nde, ap iri na enarem-e emengen kundigit lak me, we mariget nak op woragwi-o. Nde, aid wene iri na bem ala angin pangin mende enpem mbosolat lel mberel onpogola-ge, ereya na-net wene keya bugwi-o.

MARAKUS 10:21

Yosola-ge, Yesus-nen ap iri na yik karuk, abuwa kasoluk-nen yak tosolar-e: ”Kat-nen kwarurak mende-ge misiget nak keya bigen-o. Kat mburugundik kisilobulo pidsa onggo wanuruk, tol iri-ge insilobulo lak nap tembesa wok unduruk, lobok yosolar-e, an nimin ni-o. Iri yugundik pem-e, aid arem-nen silobulo kwarat wanugun-o” luk yak tij-o.

MARAKUS 15:21

Aleksandet min Urupus in ineid o Kirene nap Simon iri na-ge ama nggwe-nen o siri nggok nggwe mborosoma-ge, ”Yesus wosa burak e lang pang tak yu kud ti-o” luk lembesa yak tiga-o.

LUKAS 14:28

Nde, kit misik-nen-e o mot mbi wereyeg-o perasolug-e, awo wirigit lak ma-net kore luk, o yu na wururak mende onggo purak tol-e ndak worasu, lak? luk orol na wonarugwi-o.

YOANES 19:17

Nde, Yesus na mborosolar-e, at-nen idnak e lang pang tak na kud turuk, Enanggulwak Pugwarak Sa mbirij-o. (Iberani wene bem-e ndobo iri unu-ge Nggolnggota-o.)

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

2 TIMOTIUS 1:12

Iri bem-nen an-e andi bandi yeba nggal kasu-t nde, ninggiri lag-et worasu-o. Nde, iri-ge an-nen ebem nindi angin tubu yigi nap iri-ge an-e naru-o. Nde, an wok niridnak mende iri-ge at iri-nen-e mondok ndak irit yik karok worasoma, Nagawan Indo lobok yurak Tarem wog-et ma-o luk naru-o.

2 TIMOTIUS 3:12

Kerisut Yesus imin kundik woragolat-nen Mbal Pem Nagawan-nen kwaroso nggal kwaruwokluk yuwa nap pidsa-ge lel mberel unpuwar-o.