LUKAS 12:37 - Nanduk Ngget Tul Pidnak Wene

³⁷ Ineid lobok yuwa tarem at ndegel ubugwi nab-e unluk woragolat, lid lud tak puruk worakmu iniyujwa nab-e imbiringgat-nen yili-o! An yak kendeyeg-o. Ineid iri-nen-e at esani are puksa yutluk, it iri na koreyak unpuruk, ndegel unpuwa-o.

LUKAS 12:37 ပူးပေါင်းရင်းမြစ်များ

MATIUS 24:42

Iri bem-e kit Nagawan Indo lobok yuwa tarem-e kenaru buk me, kwara-t yik karok wolmer-o.

LUKAS 12:36

Ineid-nen kwe wanogolat-nen nunggwi mende sakwi sa-nen lobok yuwa-o luk, at ndegel ubugwi nap-nen yik karok woragwi nggal-et yugup na-e. Ineid na lobok luk, tu mende lel lel kasola-ge, tu mende ndag-et nak kuwarak ubuwa-o.

LUKAS 12:43

Nde, eid na lobok yuwanggal, ndegel oboso nap iri-nen at ebem pidnak yabu iri na-t ndak ndag-et wanosoma lobok yuwa nab-e alen kujwa-o.

LUKAS 17:8

Mondok lag-o. Are, yu nggal yak tugub-o: ’An norak mende nanduk lid lud tak puruk, kusum konak yutluk, an mburu min yi min nasola-ge, ndegel nubugun-o. Nde, an namu-nen kar-e mburu min yi min nunggun-o’ luk yak tugub-o.

LUKAS 21:36

Nde, abok kenpem mbuma mende inggem-nen mengga mbururak amawi wok kondosolat, Ap Ambara an nimbiri bem mendak wolmomtak nap tak konposolat makluk, kir-e kunluk woragolat, tepan kundugu kundugu yogolat wolmer-o” luk yij-o.

LUKAS 22:27

Nggog-e ta nde kali-o? Koreyak-nen nunggwi nap iri nde nggulok, lak? Are, koreyak-nen nunggwi nap na ndegel unpugwi nap nde nggulok-a? Lag-o. Koreyak-nen nunggwi nap irit nggulog-o. Alat nde, an-e kit kennggendumu woralar-e, ndegel unpugwi nap nggal-et worasu-o.

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

1 KORINTUS 2:9

Alat nde, Mbal Pem Nagawan engga mbarak pem-nen yosolar-e: ”Ap enlengen-nen kagwi buk mende min eneyanggo-nen kulugwi buk mende min ap inndi-nen peragwi buk mende min iri perak nde Mbal Pem Nagawan-nen at abuwa kagwi nap enmanggim lid lud tak pamu-o” yij-o.

PILIPI 1:21

Nde, an namanggim-e nuruk wolmomtag-e Kerisut ebem-net nuruk worasu-o. Nde, an wat yurag-e mondok konak lombog-o.

PILIPI 1:23

Wene mberen iri bem-e an kabak yusu-o. An-e mbirimindik, Kerisut imin totno wolmomtak iri-ge nindingen kwarat yusu-o. Iri momtak perak nde mondok konak lombog-o.

2 PETERUS 1:11

Iri kwarak woragola-ge, Nenagawan Indo Ninmiri Yoso Yesus Kerisut-nen tenagaidnak wi, pem-et woralik nalik wolmomtak wi iri me nggurak nap ndak tak kunpuwa-o.

2 PETERUS 3:14

Nanggamirak kenabuwa worak wa-e. Iri bem-e kir-e Tarem iri yik karok woragolar-e, Mbal Pem Nagawan erengen pem kir-e marak irit, kenpem kopkap lak, at imin kundik woraboklug-e, mondok kwara kenmawi konder-o.

NAM PARA WENE 14:13

Iri luk, an kuliginggal-e, aid arem-nen ene misik-nen yosolar-e: ”Wene yu engga bem mbari-o. Yawo kuri-net Nagawan Indo eyabu wanukmu wat yuwa nab-e enalen kujwag-o!” luk yij-o. Nde, Konak Indi-nen yosolar-e: ”Ndemerer-o. It-nen yabu wanidnak ebe-ge pempa it inmin wolma me, it eneyabu anggun panggun wanugwi na keya buruk, enpabok kwaruwa-o” luk yij-o.

NAM PARA WENE 16:15

”Kwara koler-o. An-e yariya wanugwi nap nggal lobok yimin-o. Nde, ap inmbiri bem sum yirigit lak ngenwa waring kasolat inggiri kamin naru, kwara uruk woralat, at usum na kwara yirik wolma nab-e alen kujwag-o!”

NAM PARA WENE 3:21

An na namawi luk ombol nggwe yigirig-e, an Neid nagawan koreyak woraso ondoro iri me at eralu koreyak worasu iri nggal-et amawi luk ombol nggwe yuwa nab-e an-nen-e nagawan an koreyak woraso ondoro iri me an neralu koreyak ibimin-o.

NAM PARA WENE 7:17

Iri kwat unpuwa iri-ge nagawan koreyak woraso ondoro bem enggendumu worasu Lomba Wam Marik iri-ge at olomba wam iri yik eneyarok woraso nap kwatluk, wok unpuruk, unluk nak wolmomtak yi pilana waso sa inmin mburuwa-o. Nde, Mbal Pem Nagawan-nen-e iniyip lengen oboksa ndogwarak unpuwa-o” luk yij-o.