LUKAS 1:66 - Nanduk Ngget Tul Pidnak Wene

⁶⁶ Nde, wene na kuliga nap pidsa-nen enarem-nen peragolar-e: ”Nagawan Indo-ge at imin worasu me, la iri nggok yosolar-e, no nggal kwat ma-o?” luk peraiga-o.

LUKAS 1:66 ပူးပေါင်းရင်းမြစ်များ

NDAK WIRIDNAK WENE 37:11

Yusup owerag-e enlengen ale at ebem piga-t nde, Yakup-nen perak ”Nabi iri na-ge ngge kwasa kagaij-o?” luk indi yebet kasolat woragij-o.

NDAK WIRIDNAK WENE 39:2

Wanikma, Yusup na-ge iri me worala-ge, Nagawan Indo-nen-e at yongga worosola-ge, at-nen yabu wanidnag-e ebe nak yosolat irit woragij-o. Iri yosola-ge, ar-e onggo ibid Mesira nap Potipat iri na ama-t woragij-o.

1 NAGAWAN NAGAWAN-NEN KWARIDNAK WENE 18:46

Ereya na-net Nagawan Indo-nen Elia iri na amawi wok tosolar-e, usum leyok sum iri na yunggusa pesera abam nggwe pil lasolug-e, abare kamarak purug-e, at nanduk pong kid kid Yisiriel o pak tumende bem Akap abuwok nanduk wok yil mbirij-o.

NDAWI ENGGA 80:17

Kat-nen len inpigen nap min nggweyakma nap kondomok kamanggim amawi rak inpigen min-e nggetlel inpi-o.

NDAWI ENGGA 89:21

An narong-nen-e pempa at nggetlel uburuk woralat, an namawi-ge at amawi rak posolat wolma-o.

LUKAS 1:80

Nde, Sakaria ambara na-ge ebe nggulok yosolat, indi kwat yij-o. At iri-ge Isarael nap inmbiri bem nam yurak tarem wok yigit lak worala-ge, karu me irit woragaij-o.

LUKAS 2:19

Alat nde, Maria na-nen-e wene na pidsa arem na puruk, indi yebet yebet tak woragaij-o.

LUKAS 2:40

Nde, la na-ge ebe nggulok yosolat, amawi yosola-ge, Mbal Pem Nagawan-nen imbiringgat tak posola, indi tenggerak irit woragaij-o.

LUKAS 2:51

Alama-ge, Yesus na it inmin luk Nasaret mberarig-e, eid ija-nen yidnak yidnak irit kwarosolat woragaij-o. Nde, at ija-nen-e iri kwaridnak wene pidsa-ge arem tak puruk woragaij-o.

LUKAS 9:44

”An-nen yak kundusu wene yu-ge keneyanggo-nen kuluruk, kwara yebet ker-o. Ap Ambara na iminep wesera ki nap ininggem ubuwa-o” luk yij-o.

YIDNAK YIDNAK WENE 11:21

Nde, Nagawan Indo amawi-ge it inmin worala me, ap kwarat inndi Yesus ebem angin tubu yogolat, inndi nden karuk Nagawan Indo eram lobok yiga-o.

KOLOSE 1:5

Kit kenmanggim aid arem lid lud tak pidnak mende iri bem kinndi mbung mbung tak worasu-o. Nde, iri wene-ge kir-e nanduk-net ndemeret wene aid wene iri na bem-nen kuligeb-o.

1 SEMUEL 16:18

Iri yosola kulurug-e, at ndegel oboso nap misik-nen Saul yak tosolar-e: ”Mbetleyem woraso nap Isai ambara misig-e kecapi poba ene yoso aru nap misik worasu-o. Ar-e san ombo konak, kwiye na lak, amawi worak, wene yoso mondok indi tenggerak-nen yusu-o. Nde, Nagawan Indo-ge imin-et woraso-o” luk yak tij-o.

1 SEMUEL 2:18

Iri kwarogola-ge, la marik Semuel iri na-ge Nagawan Indo mondok ndegel obosolat woralar-e, usum-e linen-nen konidnak tepan ombo-nen Nagawan Indo ama yabu wanogolat-nen nak yurugwi sum nggal irit yutluk wanosolat woragij-o.