TEPAN OMBO-NEN KWARURAK WENE 23:28 - Nanduk Ngget Tul Pidnak Wene

²⁸ Nde, iri tarem-e kit meya yidnak lak tak purak tarem me, kir-e kondomok keneyabu-ge Wanurak pug-o.

TEPAN OMBO-NEN KWARURAK WENE 23:28 ပူးပေါင်းရင်းမြစ်များ

YESAYA 53:10

Nde, Nagawan Indo indi-n pidnak pem ar-e andi bandi kasolat, ondomok indi wisirik pid iri-ge meya yidnak lak tak purak pem Mbal Pem Nagawan amanggim wosa pugwi nggal irit wat yij-o. Ar-e uruk mot pem-et woralat, at-nen wigarag-e erengen-nen kujwa-o. At ebem nggwe-net Nagawan Indo indi-n pidnag-e kwat ma-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

TEPAN OMBO-NEN KWARURAK WENE 16:33

o mondok marak iri na me min Nagawan Indo ama kuri worak ponok nggwe tepan ombo erep-nen nggugwi sa min Mbal Pem Nagawan amanggim wam wosa pugwi ondoro min it tepan ombo min Isarael nap min oboksa mat momtak yabu wanurag-o.

TEPAN OMBO-NEN KWARURAK WENE 16:34

Nde, Isarael nap meya yidnak kora keya buwakluk wanurak yabu iri wanogolar-e, olengen ndak wosa misik arem-nen misik pem nak kwatluk, pempa kwat tenak wolmomtag-o. Yosoloma-ge, Musa-ge Nagawan Indo-nen yak tidnak ndak ndak nak irit kwarij-o.

IBERANI 10:10

Nde, Yesus Kerisut-nen Mbal Pem Nagawan indi-n pidnak nak kwaridnak pem-e, nit pidsa-nen meya yogolat woraidnak iri mbek tak ninpid iri-ge, at na at-net ondomok ebe posolar-e, pem-et woralik nalik wolmomtak amanggim misiget pem nak pij-o.

IBERANI 10:14

Iri ala-ge, at eyabi-ge misiget pem nak wirik pid pem-e it-nen meya yogolat woraidnak iri mbek tak inpidnak nap oboksa-ge Kerisut-nen-e pem-et woralik nalik wolmakluk iminep mbarak inpij-o.

IBERANI 9:12

Nde, Kerisut na-ge sum-nen wiridnak wi O Mondok Marak Sa iri me nggosolar-e, pem-et woralik nalik momtak pem misik pem na nggwij-o. Iri me nggosolar-e, kambing wam eyabi nde sapi wam kusi marik eyabi nde Mbal Pem Nagawan amanggim peyekluk waruk nggwigit lag-o. Are, at ondomok eyabi waruk nggosolar-e, nit nunlug-et pem-et woralik nalik wolmakluk, weserak ninpij-o.

IBERANI 9:26

Kwarat pem wirik peyekluk-nen nggwidnggal-e, nggweyak yu ndak worak pid kuri-nen kwarat pem yane wat tenak woraleb-o. Alat nde, i worok tak purak tarem panggo yidnak worali yu tarem-nen Kerisut-e misik pem nak nam yid iri-ge at-net at iminep wesel koraruk, meya yogolat woraidnak iri-ge mondok lak tak peyekluk-nen nam yij-o.

1 YOANES 2:2

Nde, nit meya yidnak amberam tak puwakluk, Kerisut-e mirin ngal yij-o. Nde, nit meya yidnak nag-e lag-o. Are, ap pidsa meya yidnak amberam tak puwakluk, mirin ngal yid irir-o.

1 YOANES 4:10

Enabuwa kagwi elem-e yur-o. Nit nanduk-nen Mbal Pem Nagawan abuwa kaige-ge lag-o. Are, at-nen nit nenabuwa karuk, nit meya yidnak amberam tak puwakluk at Ambara pil mbuwagaij-o.

1 YOANES 5:6

Yesus Kerisut lobok yid iri-ge at yi ma purak yi min at wat momtak eyabi min imin lobok yij-o. Yi nak waruk lobok yigit lag-o. Are, yi min eyabi min-et waruk lobok yij-o. Konak Indi iri-ge lud tak nak yoso me, at-nen-e ”Wene yu-ge ndemerer-o” luk kunggurusu-o.