TEPAN OMBO-NEN KWARURAK WENE 19:28 - Nanduk Ngget Tul Pidnak Wene

²⁸ Yenggerak purak mende kenaboro bem mbarogolat, kenaboro kumururak pug-o. Ap wat yosoma ala, kininggi mbarurak pug-o. An-e Nagawan Indo-nen yusu-o.

TEPAN OMBO-NEN KWARURAK WENE 19:28 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 18:28

Mbaal ombo ereba na-ge tepan-e tugurug-e enne nggoksa yiga-o. It-nen pem kwarugwi ereba na nggal-et kwarogolar-e, kabo min tege min wanogolar-e, enaboro yeba-ge mep tak pogola, mep nak yo lo mbij-o.

TEPAN OMBO-NEN KWARURAK WENE 19:27

Kenanggulsu na keneyanggo ambigit ponok ponok mbarurak pug-o. Kondoksu na mbarurak pug-o.

TEPAN OMBO-NEN KWARURAK WENE 19:29

Kit kinligwami unnu mbilaro ngin tak pogolat, onggo wanurak pem kweyap terak inmin nene yugwi sa inpil nggurak pug-o. Iri nggal kwarogolar-e, kunuwi nggweyak emben to rak pili-o. Nde, lugudtak kwarugwi mende-ge kit woragwi sa tabuk ma-o.

MARAKUS 5:5

Ap iri-ge pempa lengge-nen kubu-nen ap yapma inpidnak sa-nen na, ndobo bem-nen na, ene kwa bem waring kasolar-e, kerep pem ondomok mbal koraso-o.

YOANES 20:25

Alama-ge, Yesus owosirak erep-nen at Tomas yak togolar-e: ”Nir-e Nagawan Indo na kaige-o!” luk yak togolikma-ge, Tomas na-nen it yak ondosolar-e: ”An-e inggi luruk wiridnak aroro na karuk, luruk wiridnak sa an ninggi mon kagit lak, araptap nggwe na an ninggi mon kagit lak-nen-e ndemerer-o luk peramin pug-o” luk yij-o.

NAM PARA WENE 14:11

It andi bandi rak unpusu kule-ge lasolat nak wolma-o. Ndakngge isilepma worak min at abage nggal ndak worak min erembel wanidnak nap yenggerak purak mende at unu mbarak worak nab-e lengge-nen kubu-nen pok tak pigit lak andi nak kagolat wolma-o” luk yij-o.

NAM PARA WENE 14:9

Yosoloma-ge, aid nap mberen na inmbirik aid nap misik (yang ketiga) wok yosolat-nen ene ngguloksa yosolar-e: ”Ndakngge isilepma worak iri na min at abage nggal ndak worak pidnak iri na min erembel wanogolat, at-nen pidnak yenggerak purak mende iri-ge it inmbiriwak pem ala na, it ininggi bem ala na worak nab-e

NAM PARA WENE 15:2

Iri luk, yik kaginggal-e, yi koma papalo erare nggal, kanduk min nat karuk irit kagi-o. Nde, tuguruk yik kaginggal-e, ndakngge isilepma worak iri na min at abage nggal ndak worak iri na min at unu-ge yenggerak purak pem nomor pidnak nap iri na min urugwe nggwe rak unpuruk ombol nggwe yidnak nap eneyaigi-o. Nde, ombol nggwe yidnak nap iri na-ge yi koma erare papalo nggal iri na eyak pem mendak-nen Mbal Pem Nagawan-nen wok indidnak kecapi poba tena woragola, eneyaigi-o.

NAM PARA WENE 16:2

Yak ondosoloma, aid nap misik (yang pertama) iri na mberarig-e, at idmbe-ge nggweyak ma kilik posola-ge, ap ndakngge isilepma worak iri na-nen idnak yenggerak purak mende enpem worak nap min at abage ndak worak iri na erembel wanugwi nap min enpem-e emben worak kimbi kwiye worak irit enpem yij-o.

NAM PARA WENE 19:20

Ndakngge isilepma worak iri na tenakolar-e, at imbiri bem kwiye worak mende kwarid nap, enesiget Mbal Pem Nagawan ene lomboksa yoso nap iri na min tenaiga-o. (Nde, kwiye worak mende kwaridnak iri bem-nen ar-e ndakngge isilepma worak-nen idnak yenggerak purak mende enpem worak nap min ndakngge isilepma worak abage nggal ndak worak erembel waniga nap min onmbol pem lagaij-o.) Iri luk, ndakngge isilepma worak iri na min enesiget Mbal Pem Nagawan ene lomboksa yoso nap iri na min unluk nggengge emben worak kule (belerang) laso kan mare arem inpil nggwij-o.

NAM PARA WENE 20:4

Iri luk, an yik kaginggal-e, nagawan-nen koreyak woragwi ondoro kwarat kagi-o. Nde, ereba na bem-e ap enpem wene mbaruwakluk amawi wok indidnak nap yere kore eneyagi-o. Nde, tuguruk yik kaginggal-e, ir-e Yesus owene kinggiridnak pem-nen na, Mbal Pem Nagawan-nen yidnak wene timbiridnak pem-nen na unlusu mbaridnak nap inndi nde eneyagi-o. Nde, it iri-ge ndakngge isilepma worak min at abage nggal ndak worak na min erembel wanigit lak, it inmbiriwak pem-nen na, ininggi bem-nen na ndakngge isilepma worak-nen idnak yenggerak purak mende enpem pigit lak nab-o. It iri na unluk lug-e, olengen seribu (1,000) woragolar-e, Kerisut imin nagawan nggal wolma-o.