TEPAN OMBO-NEN KWARURAK WENE 19:17 - Nanduk Ngget Tul Pidnak Wene

¹⁷ Kit-nen-e kit kwat kinpidnak onggo purak pug-o. Are, kir-e nin nap enpem-nen meya yugup naru, kit-nen kuri worak woragwi-ge mondok lak tak puruk wolmomtag-o.

TEPAN OMBO-NEN KWARURAK WENE 19:17 ပူးပေါင်းရင်းမြစ်များ

NDAK WIRIDNAK WENE 27:41

Yak tosoloma, Esau na-ge eid-nen imbiringgat na-ge owot Yakup wok tidnak pem Esau isilepma-ge Yakup ebem posolat-nen indi arem perasolar-e: ”An neij-e yanem-et wat yurak panggorak worasu me, wat mama, tabun pem-nen-e mondok nowot yu-ge wirimin-o” luk arem peragij-o.

LUKAS 17:3

Kir-e kwil kwalsa wolmer-o. Kat kowe kowot mbi meya yosola-ge, ’Iri nggal kwarurak pug-o’ luk yak turag-o. Nde, at na kondok yosola-ge, at meya yidnak kamberam tak purag-o.

OROMA 1:32

Mbal Pem Nagawan-nen imiri mbarak pidnak wene-nen yosolar-e: ”Iri nggal kwarugwi nab-e mondok wat ma-o” luk yidnak iri-ge ir-e enaru-net nde, iri mende nak kwat tenak woragolat, nde, ap erep-nen na iri nggal kwarogola inndingen kali-o.

1 KORINTUS 5:2

Iri nggal worasola-t nde, kir-e kinndi kek tak pili-o. Kit kinndi puru luk, iri nggal kwaridnak nab-e kit kennggendumu-nen lena mbepme rak peleb-o.

NGGALATIA 6:1

Nowe nowosi wa-e. Ap misik-nen meya mbi kwarosola-ge, Konak Indi kenarem woraso nap kit-nen-e ap iri na konak tak uburag-o. Konak tak obogolar-e, kinndi yangonak pem-et kwarugup na-e. Kit na iri nggal-et kinndi ngaruwa-o luk, kit kondomog-et kwara pil pel tak puruk wolmer-o.

EPESUS 5:11

Ndamuk arem woragwi nap-nen ebe lak mende kwarugwi iri na min kundurak pug-o. Are, iri kwarugwi iri-ge kit-nen-e nam tak purag-o.

1 TIMOTIUS 5:20

Ap erep inndi kwiye kujwakluk, it meya kwat tenak woragwi nab-e ap pidsa inmbiri bem-et innggiri wururag-o.

1 TIMOTIUS 5:22

Mbal Pem Nagawan eyabu wanuwaklug-e, mija lele ap enanggul tenagurak pug-o. Nin nap-nen meya yidnak arem kat tet nggurak pug-o. Are, kwara ndegel korasolat, mbek tak irit wolmin-o.

2 TIMOTIUS 4:2

Aid wene yosolat wolmin-o. Aid wene yosolar-e, kologola na, kuligit lak ala na, it enpem-o luk kar-e lembesa yosolat nak wolmin-o. Ap kwara enaru rak posolat, it meya yidnak nam tak posolat, nggomo ondosolat, kindi mondok luruk puruk mul ondosolat wolmin-o.

TITUS 1:13

Nde, at-nen kinggirid iri-ge ndemerer-o. Iri bem-e, it inndi angin tubu yidnak na tugup lak wolmaklug-e, mondok kene amawi min-et nggomo indi-o.

TITUS 2:15

Wene yu oboksa mul ondosolat, nggomo ondosolat, meya kwarogola, met onposolat yosolar-e, kene amawi min-et yurag-o. Nde, ap misik-nen kat teberak nggal yik kiyudtag-e meya-o.

1 YOANES 2:11

Alat nde, at anggam isili rak poso nab-e ndamuk arem-et worasolar-e, ndamuk arem waring kasolar-e, ndamuk iri-nen at erengen ngguru rak pidnak me, at mburusu sa na an-e iri me mburusu-o luk yenggerak pusu bug-o.

1 YOANES 2:9

Ta-nen nde: ”An-e yaya bem-et worasu-o” luk yosolar-et nde, anggam isili rak posolar-e, yawo-nen na irit ndamuk arem worasu-o.