TEPAN OMBO-NEN KWARURAK WENE 19:16 - Nanduk Ngget Tul Pidnak Wene

¹⁶ Kit kenlem nap ennggendumu kennggamirak onpok pil waring kudtak pug-o. Nde, kit-nen yidnak-nen ndowaga kenggam na wat ma naru, at ebem-e wene-ge ludtak nak yurag-o. An-e Nagawan Indo-nen yusu-o.

TEPAN OMBO-NEN KWARURAK WENE 19:16 ပူးပေါင်းရင်းမြစ်များ

NDAWI ENGGA 101:5

Ap mbik mbok anggam obok pusu nab-e an-nen lak tak inpimin-o. Ap inndi-nen ija bija yugwi indi kek tak iri-ge mondok keya inpimin pug-o.

NDAWI ENGGA 15:3

At iri na-ge at ama bem-nen ap onpok poso buk, at anggamtak inmin meya kwaroso buk, at eralu woragwi nap meya enpem poso buk nap,

MBIRIGA WENE 20:16

’At iri-ge iri nggal kwaramu-o’ luk kennesiget enpem purak pug-o.

MBIRIGA WENE 23:1

Nagawan Indo-nen yosolar-e: ”Kir-e we ebe lak ennesiget wene iri na wigarurak pug-o. Nde, meya kwarugwi nap enambigit yogolat, kennesiget wene yurak pug-o.

MBIRIGA WENE 23:7

An-nen-e meya kwarugwi nap iri-ge meya-t yik eneyaso me, kir-e kennesiget wene ap enpem purak pug-o. Meya kwarigit lak nap iri na mondok wururak pug-o.

NGGOMO WENE 20:19

Ap onpok nak poso indingen-nen-e kura wene-ret yundugwi bug-o. Wene kwarat yugwi nap inmin-e mondok kundurak pug-o.

YEREMIA 6:28

It iri oboksa-ge wene kulugwi buk, tembaga min mbesi min amawi nggal inndi amawi, eyak nak wat tenak woragwi-nen yili-o. It iri-ge ap onpok pugwi wene nak waruk waring tenak woragolat, enmben to yili-o.

YEREMIA 9:4

Enambiktak lombok-nen ennggamirak enne amburu abiyem-o luk kwara wolmomtag-o. Onowe onowot eneyabi minggirig-et nde, it-nen yidnak wene-ge enarem nggwigit lak yogolat, Yakup-nen kwarid nggal-et it-nen na kwarogolar-e, it eneyabi minggirig-et nde, enmberam lujwa-o. Ap oboksa-nen enesiget ennggamirak onpok pil nin me nan me waring kali-o.

MATIUS 27:4

Mberarik, at-nen yosolar-e: ”An-e mondok meya yigirig-o! Ap mondok meya yoso bug-et nde, at wuruwakluk wesel indigi-o!” luk yij-o. Yosoloma-ge, it-nen wene erep nggarogolar-e: ”Nde, iri-ge nit nenpem nde kasu-a? Kat kondomok kebem-net yusu-o” luk yiga-o.

1 TIMOTIUS 3:11

Iri nggal-et it onkwerak na konak nak kwarugwi kweyap, ap onpok na pugwi buk kweyap, ondomok inndi mamak puruk woragwi kweyap, yi mende ndi mende bem mot mot nak kwarugwi irit mag-o.

2 TIMOTIUS 3:3

ap enabuwa na kagwi buk yogolat, kuri wat yogolat, ap unnu komorogolat, yanggo na yugwi buk, insilepma worak woragolat irit ma-o. It-nen-e konak kwarurag-e insili rak pogolat,

TITUS 2:3

Nde, iri nggal-et kweyap indi worak yak ondosolar-e: ”Mbal Pem Nagawan indi aye worak kweyap-nen woragwi irit woragolar-e, kenpage marak irit wolmer-o. Ap erep unnu meya rak purak pug-o. Anggut engen amburu na ndonggosa norak pem iri ndegel pugwi kweyap yurak pug-o.

1 PETERUS 2:1

Iri bem-e, onmbol pem lagwi min inndi-net enmberel pugwi min enlengen ale yugwi min onpok pugwi min yi meya ndi meya kwarugwi iri-ge pidsa mbo ber-o.

1 SEMUEL 24:10

Yanem kerep yanggoma yu me-nen Nagawan Indo-nen nagawan kar-e ndegel koboso nap an ninggem posola-ge, an-nen nagawan kat kuruwakluk an nowosirak-nen nemengen mbariga-t nde, nab-o. An-e larok yosolat-nen yosolar-e: ’An-nen idnak nagawan makluk Nagawan Indo-nen lenak ibid nap iri-ge mariget ter-o luk andi bandi rak ibimin pug-o’ luk yak indigi-o.