TEPAN OMBO-NEN KWARURAK WENE 19:14 - Nanduk Ngget Tul Pidnak Wene

¹⁴ Kir-e ap eneyanggo lak imbiri lamut tak unpurak pug-o. Ap enlengen lak enabuwok unuwok abis wudsa mberak unpurak kerep purak pug-o. An-e Nagawan Indo Kenmbal Pem Nagawan-et me, an kek tak nobogolat, naye worak wolmer-o.

TEPAN OMBO-NEN KWARURAK WENE 19:14 ပူးပေါင်းရင်းမြစ်များ

NDAK WIRIDNAK WENE 42:18

Nde, mberen pem woraruk kenan tak pogolat tarem-e Yusup-nen it yak ondosolar-e: ”An-e Mbal Pem Nagawan indi aye worak, at-nen yidnak yidnak kwaroso nab-er-o. Kit-nen nde kunluk wolmomtak peragolar-e, wene misik yu nak kwarer-o.

NDAWI ENGGA 111:10

Ta-nen nde indi nggat nggat worak kwat momtak perasolar-e, Nagawan Indo nak kek tak uburag-o. At iri-ge at-nen yidnak yidnak kwarugwi nap oboksa inndi tenggerak paga wok ondoso-nen yusu-o. Mondok pem irit woragolat Nagawan Indo nak kek tak pogolat wolmomtag-o!

TEPAN OMBO-NEN KWARURAK WENE 19:15

Kit-nen ap enpem wene mbarogolar-e, ap enarengge lak nap enambigit na yurak puk. Ap kek tak na enaye yurak puk. Are, mot mor-et ap enpem wene mbarurag-o.

TEPAN OMBO-NEN KWARURAK WENE 19:32

Kir-e ap indi worak endam tebe luk, it-nen yidnak yidnag-et kwarogolat wolmer-o. Kenmbal Pem Nagawan an naye worak wolmer-o. An-e Nagawan Indo-nen yusu-o.

OROMA 12:14

Kit lel mberel kunpugwi nab-e Mbal Pem Nagawan-nen imbiringgat tak unpuwakluk at emengen mbarer-o. Imbiri lamut tak unpurak pug-o. Are, imbiringgat tak unpurag-o.

OROMA 14:13

Iri bem-e, nit na nit-net nenpem wene mbal kerak mbili iri-ge keya buwog-o. Are, yu nggal mog-o luk wene amburu mbarer-o: Nonowe nonowot enare purak kerep tulabiyem pogolat, inndi kabak tak onpogolat momtak pug-o.

1 KORINTUS 10:32

Yawuri nap na irit, enlem nin nap na irit, Mbal Pem Nagawan-nen idnak lambuk tak inpidnak nap na irit, inndi mberen tak pili-ge meyog-o.

1 PETERUS 1:17

Kit-nen Mbal Pem Nagawan eram tepan yogolar-e: ”Nineij-o” luk yugwi-t nde, Mbal Pem Nagawan-e ap ondomoktak-nen kwaridnak ndak ndag-et entare limbinigit lak enpem wene mbaroso-o. Iri bem-e, kir-e nggweyak ma yu me woragolar-e, Mbal Pem Nagawan kek tak obogolat wolmer-o.

1 PETERUS 2:17

Ap oboksa kek tak onpogolat, Kerisut ebem inndi angin tubu yidnak kennggamirak na enabuwa kagolat, Mbal Pem Nagawan aye kagolat, nagawan Kaisat kek tak pogolat wolmer-o.

NAM PARA WENE 2:14

Alat nde, kit-nen kwatli erep ereba perak nde nisili-o. Iri-ge: Kit kennggenggerak ap ereb-e Mbileam-nen Isarael nap enare posolar-e, kugiwak amanggim pidnak nunggwi mende nonggolat, mbabi yogolat makluk, Mbalak mirik pid wene na langgal luk mbitli-o.