TEPAN OMBO-NEN KWARURAK WENE 19:12 - Nanduk Ngget Tul Pidnak Wene

¹² Kwarigit lak yurak peragolar-et nde, ’Iri kwarimin-o’ luk an nunu bem owak mbatluk, urul purak pug-o. Iri nde yugup ala-ge, an nunu mbilaro ngin tak pugub-o. An-e Nagawan Indo kit Kenmbal Pem Nagawan-nen yusu-o.

TEPAN OMBO-NEN KWARURAK WENE 19:12 ပူးပေါင်းရင်းမြစ်များ

NDAWI ENGGA 15:4

at erengenma-ge meya kwaroso nap na isili min yik kasolar-et nde, Nagawan Indo unu aye kagwi nab-e kek tak onposo nap, At-nen owak mbarak pidnak wene iri-nen at meya rak uburag-et nde, iri na tena woraso nap,

MBIRIGA WENE 20:7

An-e Kenmbal Pem Nagawan, Nagawan Indo me, kir-e an nunu-ge we ereba-t yurak pug-o. Ta-nen nde an nunu we kasa ereba-t yuwa nab-e enpem angin worak pimin-o.

YEREMIA 7:9

Nde, kir-e yariya wanogolat, ap worogolat, unun onkwe worak inmin meya kwarogolat, kenesiget ”Iri nggal kwarosola kagi-o” luk owak mbarogolat, Mbaal kugwi amanggim pogolat, kit-nen kenaru buk kugwiwak ereba na erembel wanogolat kwatli-o.

MALEAKI 3:5

Nagawan Indo Mondok Amawi worak iri na-nen yosolar-e: ”An-e kenpem wene mbenareyekluk lobok yimin-o. Nde, kugwi kwal ombo min mbabi kwarugwi min ennesiget ap enpem wene pugwi min ap-nen yabu wanidnak pem onggo wok ondogolat lugud tak kwat unpugwi nap min kweyap togwe min li mul ineid iniya lak min ap sal min ereba na lel mberel unpugwi nap min an kek tak nubugwi buk nap oboksa min it oboksa-nen kwatli ereba-ge an ndag-et nak lobok yosolar-e, enpem wene mbenarimin-o” luk yij-o.

YAKOBUS 5:12

Nanggamirak wa-e. Wene nggok lombog-e yu-o: Owak mbarogolar-e, mbal min nggweyak min yi mende ndi mende mbi min unu luk owak mbarurak pug-o. Mbal Pem Nagawan-nen kenpem wene mbaruwa naru, ”Ye” yurak ala-ge, ”Ye” nak yurag-o. Nde, ”Lag-o” yurak ala-ge, ”Lag-o” nak yurag-o.