TEPAN OMBO-NEN KWARURAK WENE 16:29 - Nanduk Ngget Tul Pidnak Wene

^29-31 Kwarurak mururak pidnak yeba-ge pem irit mondok kwat tenak wolmomtag-o. Waneya tuju bem tak pogolat tanggal sepulu iri bem-e kit Isarael nap min erem nin nap kennggendumu woragwi min mondok kininggi ambok kenemnde ambok irit wolmomtag-o. Nde, iri tarem-e Nagawan Indo amanggim mondok lenak pidnak tarem-nen yusu-o. Nde, iri tarem-e Isarael nap meya yidnak masa labuk makluk, it meya yidnak lak tak purak yabu nak wanurag-o.

TEPAN OMBO-NEN KWARURAK WENE 16:29 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:2

Iri yamu-ge O Lije E Sit Kere Sit worogolat nggok Sakwi Tarem waneya unu-ge Etanim iri na bem-e Salomo eram lobok yiga-o.

ESERA 3:1

Nde, waneya tuju bem tak pogolar-e, Isarael nab-e unuwi silmu lombok irit woraiga-o. Woragolat, waneya iri arem tanggal satu iri na bem-e it oboksa Yerusalem nak ndok wiriga-o.

NDAWI ENGGA 69:10

An-e nunggwi mende ninggit lak tepan nak yosolat, mondok tebe yusu-o. Iri kwarusu bem it-nen-e eneyak nggal tak nibili-o.

MBIRIGA WENE 12:16

Iri kwarogolar-e, nandug-et tel korogolat tarem min worok tak pogolat tuju bem iri min kir-e oboksa Nagawan Indo nak erembel wanurak pem ndok wururag-o. Ndok wurugup iri tarem-e kir-e yi kwatlik ndi kwatlik kwarurak pug-o. Are, ap-nen norak nunggwi mende nak perak lid lud tak purag-o.

MBIRIGA WENE 20:10

enam pem woraruk, tuju iri bem-e an namanggim nak kenpabok kwarogolat wolmomtak tarem-nen yusu-o. Nde, iri tarem-e ap misiger-o luk tet yabu mondok wanurak pug-o. Kit-nen na, kinlirak-nen na, ndegel kunpugwi nap-nen na, konowam-nen na, ap sal kit woragwi sa woragwi nap-nen na, mondok we nak wolmomtag-o.

YESAYA 58:13

Nagawan Indo-nen yosolar-e: ”An-nen we woragi tarem iri-ge an namanggim mondok kek tak purag-o. We woragwi tarem-e kit kondomok kenmanggim kwarogolat wolmomtak pug-o. We woragwi tarem iri kek tak pogolar-e, nin me nan me mbirigit lak, yabu na mondok wanigit lak, ebe lak wene na yigit lak nde ala-ge,

YESAYA 58:3

Nde, it ap enlem iri na-nen yogolar-e: ”No manggim-nen Nagawan Indo-ge neneyagit lak worala-t nde, nit nak-nen nunggwi mende ninggit lak, tepan nak yogolat, at-nen-e kwara lombot ninpigit lak yosola-t nde, nit nak-nen at eram tebe yili-o?” luk yogola, Nagawan Indo-nen yosolar-e: ”Kit-nen nunggwi mende keya buruk, tepan nak yogolar-et nde, kit kondomok-nen ukwe pidnak ereba na kore yogolat, onggo wok undurak pem keneyabu wanugwi nap enmberam lali-o.

YESAYA 58:5

Kit-nen nunggwi mende keya buruk, tepan yogolar-e, kondomok-nen andi bandi rak pogolat, tusuangge-nen kwaroso nggal kenanggul mbara ujo rak pogolat, kunsum abak yemarak puruk, mabe pil yaga keya buruk, ebem mbiring yili-o. Kit-nen nunggwi mende keya buruk, tepan nak yik tenak woragwi-ge iri kwatli irir-a? Kit kinndi-nen-e: ’Nit-nen iri kwatli iri-nen Nagawan Indo-ge indingen nenperasu-o’ luk perali-a?

NDANIEL 10:12

Men yosolakmu, at-nen an yak norosolar-e: ”Ndaniel wa-e. Kwiye kasu-ge meyog-o. Kat-nen kindi nggat nggat worak kwat yurak pem ’nindi teberak peyeg-o’ luk yebet karuk, kindi teberak pigen iri na tarem-net kat-nen tepan yigen-e Mbal Pem Nagawan-e abu kolamu-o. Nde, an lobok yigi yu-ge kat-nen tepan yigen iri bem nibil lobok yij-o.

NDANIEL 10:3

Nde, minggu kenan ereya arem-e nunggwi mende undu konak min uno min anggut engen amburu min mondok ninggit lak woralat, nanggulsu min-et erok mbinigit lak irit woragi-o.

TEPAN OMBO-NEN KWARURAK WENE 23:21

Nde, iri tarem-e yabu angin worag-e mondok wanurak pug-o. Are, an nerembel wanurak pem nak ndok wururag-o. Kit-nen kwarogolat wolmomtak kenpem pidnak ereba-ge kit-nen wigarak-nen-e it wolma sa ereba woragolar-e, mondok pem irit tena wolmomtag-o.

TEPAN OMBO-NEN KWARURAK WENE 23:3

Enam tarem-e kit keneyabu wanurag-o. Alat nde, tuju bem tak pogolar-e, we woragwi tarem iri-ge Nagawan Indo amanggim lenak pidnak tarem, we wolmomtak tarem-nen yusu-o. Nde, iri tarem-e kit ndok wutluk an nak nerembel wanogolar-e, yabu-ge mondok wanurak pug-o.

YIDNAK YIDNAK WENE 27:9

O iri me-ge kwarat woraigerik pem, mburu we woragwi tarem na woraruk ombol nggwe yidnak me, e koma bem mbururak iri-ge yemen unpurak nggal ala karuk, Paulus-nen it yak ondosolar-e:

1 KORINTUS 11:31

Nit-nen nde nondomok ninndi mbenarigenggal-e, nenare pelep pug-o.

IBERANI 4:10

Nde, ta-nen nde Mbal Pem Nagawan indisep kwaroso sa iri na me ngguwa nab-e Mbal Pem Nagawan-nen yi mende ndi mende ndak worak puruk indisep kwarid iri nggal at eyabu ndegera keya buruk indisep kwaruwa-o.

1 SEMUEL 7:6

Iri yak ondosoloma-ge, it oboksa-nen Mispa iri na me ndok wiriga-o. Iri kwarogolar-e, yi kenangga Nagawan Indo amanggim kiril kagolug-e, aptusa nunggwi mende ninggit lak woragolat-nen yogolar-e: ”Nir-e mondok Nagawan Indo imin meya-t kwarugwi-o” luk pariga-o. (Nde, Mispa iri me-nen-e Semuel-nen-e Isarael nap-nen yuk puk mbugwi ereba na wene kona ndamosolat woraso-o.)