KOLOSE 4:12 - Nanduk Ngget Tul Pidnak Wene

¹² Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

KOLOSE 4:12 ပူးပေါင်းရင်းမြစ်များ

MATIUS 5:48

Iri bem-e kit Kineid aid arem woraso iri-ge iminep mbarak nak woraso nggal, kit na mondok iminep mbarak irit wolmer-o” luk yak indij-o.

LUKAS 1:1

Teopilus wa-e. Nap wa-o. Ap kwarat-nen-e nit nennggendumu-nen kwat yidnak wene-ge mondok kona mbariga-o.

LUKAS 22:44

Nde, Yesus na kwiye-nen indi andi kwarat yosolar-e, tepan kwarat yij-o. Nde, irigak na eyabi nggal ndung ndung mbij-o.]

YOANES 12:26

An ndegel noboso nab-e an woraso sa an totno wolmokluk, an ndegel nuburak nab-e mondok an nimbirik nuwag-o. Nde, an ndegel nubuwa nab-e an Neid-nen kek tak ubuwa-o” luk yak indij-o.

OROMA 15:14

Nowe nowosi wa-e. Kir-e konak kwarurak nak peragolat, enaru yugwi mende pidsa kenaru yogolat, kit na kit-net nggomo wat kerak mburag-e ndak worali-o luk an-e mondok kenperasu-o.

OROMA 15:30

Nowe nowosi wa-e. Nenagawan Indo Yesus Kerisut ebem na, Konak Indi-nen enabuwa kaso elem wok nindidnak pem na, an-e kit kenmengen mbarusu-o. An totno-t an namanggim Mbal Pem Nagawan eram tepan kwara yogolat wolmog-o.

1 KORINTUS 14:20

Nanggamirak wa-e. Kit-nen yebet kagwi-ge li marik-nen yebet kagwi nggal yebet kudtak pug-o. Meya kwarugwi bem-e li marik nggal kwat yer-o. Alat nde, kit-nen yebet kagwi bem-e kinndi amburu mbarak wolmer-o.

1 KORINTUS 2:6

Irit nde, nir-e indi tenggerak wene iri inndi amburu mbarak nap yak indili-t nde, nggweyak ma nap inndi tenggerak elem pem na yak indigit lag-et, o tena worali nagawan nagawan iri-ge lak tak unpuwa nap iri na inndi tenggerak elem pem na yak indili bug-o.

2 KORINTUS 13:11

Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

NGGALATIA 1:10

Wene yu yak kundusu yu-ge, ki nap enalen tak peyekluk-nen yusu-a? Lag-o. Mbal Pem Nagawan alen tak peyekluk-nen yusu-o. Are, ki nap-nen inndingen tak nubuwak tu kore yusu-a? Ki nap-nen inndingen tak nubuwakluk kwariginggal-e, an-e Kerisut ndegel oboso nap yelep pug-o.

NGGALATIA 4:19

Nilirak kenabuwa worak wa-e. Kwami-nen li ndakolat yane wurugwi nggal, iri nggal-et Kerisut abage kit kenarem kwat makluk, an-e nilirak kit kenpem yane wurusu-o.

KOLOSE 1:22

Alat nde, yawo-ge Kerisut na ki nap enaboro worak luk wat yid na bem-e Mbal Pem Nagawan-nen at ondomok imin lambuk tak kinpij-o. Iri rak kinpid iri-ge kir-e marak nap, kenpem kopkap lak nap, meya kwarugwi buk nap tak kunpuruk, at eram kinpil lobok yekluk-nen iri kwarij-o.

KOLOSE 1:28

Iri bem-e, Kerisut owene iri-ge nir-e ab-e ap oboksa yak indili-o. Nit ninndi mondok pindong tak pem-net ap oboksa nggomo indilik, mul indilik yogolar-e, it enarik tag-et Mbal Pem Nagawan eram inpil lobok yogola, Kerisut ebem iminep mbal yidnak nap makluk-nen yili-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.

KOLOSE 1:7

Aid wene iri-ge nit nennggam abuwa worak, nit nenmanggim Kerisut eyabu-ge mot mot nak wanoso nap Epaparas-nen mirik kinpid nar-o.

KOLOSE 1:9

Iri bem-e kit konpok kulige kuri-nen yawo kuri-ge nir-e pempa kit kenmanggim tepan-e kundugu yili-o. Kit kenmanggim Mbal Pem Nagawan emengen mbarogolar-e: ”Kat kindi-n pidnak parosa enaru makluk, inndi tenggerak elem oboksa min ndemeret yebet kagwi elem min wok indi-o” luk emengen mbatli-o.

KOLOSE 4:9

At imin-e kit kenma nap Onesimus, mot mot nak kwaroso abuwa worak na at imin lobok yusu-o. Nde, yu me-nen kwatli wene oboksa it-nen yak kunduwa-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

PILEMON 1:23

Kerisut Yesus ebem totno o kubu me worali nap Epaparas na-nen-e wa yak kurusu-o.

IBERANI 5:14

Nde, nunggwi mende amawi worak iri-ge meya min konak min lumbunugwi enaru nap, inndi worak nap iri nak-nen nunggwi-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.

YAKOBUS 1:1

Mbal Pem Nagawan min Nagawan Indo Yesus Kerisut min ndegel onposo nap Yakobus an-nen kit Yawuri nap kenlem duabelas ap ennggendumu nat karuk worali na wiwa-o yak kundusu-o.

YAKOBUS 1:4

Nde, kinndi unuk lak tak pidnak iri-nen-e iminep mbal yobokluk ndak tak konposolat, yi mende ndi mende ukwe lak tak konposolat mag-o.

YAKOBUS 5:16

Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,