KOLOSE 3:8 - Nanduk Ngget Tul Pidnak Wene

⁸ Alat nde, yawo-ge kit-nen-e yu mende yu-ge mbo bugup na-e: kinsilepma yugwi nde, ukwe ukwe yugwi nde, inndi-nen ap ngal unpugwi nde, onpok pugwi wene nde, meya wene yugwi nde kit kenmende nggwe-n mbururag-e meya-o.

KOLOSE 3:8 ပူးပေါင်းရင်းမြစ်များ

NDAWI ENGGA 37:8

Insilepma yugwi iri-nen-e lak tak onposo elem pil lobok yoso me, kinsilepma yogolat, kinndi ndururak pug-o.

MATIUS 5:22

Alat nde, an-nen yak kondosolar-e: Ta-nen nde at anggam imin isilepma yuwa nap iri na ebem-e wene mbarurag-o. Nde, ta-nen nde mondok meya wene at anggam yak tuwa nap iri na ebem-e wene mbarugwi nap yok nggok na-nen ebem wene mbarurag-o. Nde, ta-nen nde at anggam yak tosolar-e: ’Wid num kum tak yu-ge wa-e’ luk yak tuwa nap iri na-ge kan mare wulok tenak woraso sa iri na me pil ngguwa-o.

MARAKUS 7:22

mbona yugwi min ap enarengge ukwe ukwe yugwi min meya kwarugwi min ap onmbol pem lagwi min ukwe ukwe yugwi min enlengen ale yugwi min ap onpok pugwi min enambik entembel wanugwi min inndi amawi kwarugwi min

OROMA 13:13

Nit-nen-e o lengge-nen kwarugwi konak irit kwarogolat wolmog-o. Meya kwarurak pem nggok sakwi min anggut engen amburu ndonggosa nunggwi min kwami terak ye unpugwi min meya kwarurak nak inndi yugwi min yig pugwi min enlengen ale yugwi iri oboksa-ge kwarurak pug-o.

1 KORINTUS 3:3

Kir-e nggweyak ma nap enpage worak me, yawo na irit kir-e tara nunggwi mende norag-e awo worali-o. Iri bem-nen kit kennggendumu-ge kit na kit-net kenlengen ale yogolat, kuri wat kerak mbogolat yugwi me, kir-e nggweyak ma nab-et woragolat, nggweyak ma nap-nen kwarugwi irit kwatli iri-ge kali bug-a?

2 KORINTUS 12:20

An-e kit kendam wok yimin nggal-e, an nindi-n peraidnak kwarigit lak nde keneyamin-o luk numud kasu-o. Nde, iri nggal-et an-nen na kit kinndi-nen peraidnak mende kwarigit lak niyudtak iri-ge numud kasu-o. An yik keneyamin nggal-e, yuk puk yugwi nde, enlengen ale yugwi nde, insilepma yugwi nde, kuri wat wat woragwi nde, nobokpe kobokpe pugwi nde, yagap yagap pem ap onpok pugwi nde, inndi-n kek tak pugwi nde, narop karop kwarugwi nde kwarogolat woragola keneyamin-o luk, numud kasu-o.

NGGALATIA 5:15

Alat nde, kit na kit-net neyak puk keyak puk mbogolat, suwal kerak mbogolat yugup ala-ge, kit na kit-net kenambikpebe lak yugub-o luk mondok kwara wolmer-o.

NGGALATIA 5:20

kugiwak erembel wanugwi nde, linggirak kwarugwi nde, wim mbarak woragwi nde, yuk puk mbugwi nde, enlengen ale yugwi nde, insilepma yugwi nde, ondomok enmanggim nggok tak pugwi nde, kuri worak woragwi nde, ap len kerak mbugwi nde,

NGGALATIA 5:26

Nde, nit na nit-net kek yogolat, ninndi kalel kerak mbogolat, nin nap iri na nggok yusu-a? luk nisilepma kisilepma yogolat wolmomtak pug-o.

EPESUS 4:22

Iri bem-e, kir-e nanduk-nen kwarogolat woragwi kenpage iri na mondok keya ber-o. Nanduk-nen kwarugwi kenpage iri-ge at-nen ukwe ukwe yoso bem-e at na at-net kabak tak obosolat, meya yik korasu-o.

EPESUS 4:25

Nit pidsa-ge Kerisut inggi ijok kwat yidnak me, kennesiget wene yugwi iri-ge keya buruk, lud tak wene nak kennggamirak inmin-e yak kerak mbogolat wolmer-o.

EPESUS 4:26

Kinsilepma yogolar-et nde, meya perak nde kwaru bug-o. Kit kinsilepma iri parugu woragolat, mo woroksa mbugu-o.

EPESUS 4:29

Kit kenmende nggwe-nen meya wene wirik purak pug-o. Are, it-nen kuluruk, inndi yek tak purak wene nak yogola-ge, kit-nen yidnak wene kuluwa nap iri-ge inmbiringgat tak pugub-o.

EPESUS 5:4

Iri nggal-et, kit-nen meya wene nde ebe lak wene lom nde keyari wene nde yurak pug-o. Iri yugwi wene-ge kit-nen yurag-e meya-net yusu-o. Alat nde, kit-nen-e Mbal Pem Nagawan nak wa yak togolat wolmomtag-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

KOLOSE 3:9

Kit na kit-net kenesik wene yak kerak mburak pug-o. Nanduk-nen woragwi kenpage na keya burug-e,

1 TIMOTIUS 1:13

Nanduk woralar-e, an-e at obok posolat, lel mberel obosolat, nisilepma-nen meya rak obosolat yigi-t nde, iri tarem-e an at ebem nindi angin tubu yigit lak, naru buk worasolat-nen kwarigirik me, Mbal Pem Nagawan-nen an nubud kagaij-o.

1 TIMOTIUS 1:20

Iri kwarugwi nap ennggendumu-nen-e Imeneus min Aleksandet min worali-o. Nde, it mberen-e Mbal Pem Nagawan obak pili iri keya buwakluk, an-nen-e Sere eram kegera inpigi-o.

IBERANI 12:1

Iri bem-e yik neneyarok worali nab-e mondok kwarat kambuk kambuk tak nunpuruk worali me, angin tak nunpurak mende oboksa keya buruk, puk tak nunpurak meya yogolat woragwi mende na keya buruk, nir-e kondok yil mburugwi sa iri me pong kil mborogolar-e, pong tenak nak wolmog-o.

YAKOBUS 2:7

Nde, kit kunnu konak Mbal Pem Nagawan-nen yaridnak iri na-ge it iri-net meya rak pili-o.

1 PETERUS 2:1

Iri bem-e, onmbol pem lagwi min inndi-net enmberel pugwi min enlengen ale yugwi min onpok pugwi min yi meya ndi meya kwarugwi iri-ge pidsa mbo ber-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

2 PETERUS 2:7

Alat nde, lud tak nak kwaroso nap Lot na-ge imiri yij-o. Nde, Mbal Pem Nagawan-nen yidnak yidnak kwarugwi buk nap enpage meya iri-nen Lot na indi andi bandi rak pererenak woraiga-o.

YURAS 1:13

It iri-ge yi koma nggulok-nen yi nggweyerep nggwayarep lobok yosolar-e, yi eragup nam tak poso nggal, it ondomok innggiri kagwi mende nam tak pili-o. It iri-ge kasa waring kaso wonaru nggal-nen yili-o. Nde, Mbal Pem Nagawan-nen it onndoro-ge pem-et mondok ndamuk nak woraso sa iri me it enmanggim lid lud tak pidnak worasu-o.

YURAS 1:8

Nde, yawo-nen na ap ereba-nen-e iri nggal-et kwatli-o. It-nen nabi kogol nggwe kaidnak mende na langgal luk mborogolar-e, it ondomok enpe meya rak pogolat, Mbal Pem Nagawan amawi na te rak pogolat, aid arem woragwi abinal worak mende na mbilaro ngin wene yak ondogolat yili-o.

NAM PARA WENE 16:9

Molengen embem-nen ap nok onposola-ge, it-nen-e andi bandi mende iri amawi tena woraso Mbal Pem Nagawan na unu-ge imbiri lamut tak piga-o. Alat nde, it-nen meya yidnak keya buruk, kondok yigit lak yogolar-e, Mbal Pem Nagawan kek tak woraso iri erembel wanurak na insili yiga-o.