KOLOSE 3:5 - Nanduk Ngget Tul Pidnak Wene

⁵ Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

KOLOSE 3:5 ပူးပေါင်းရင်းမြစ်များ

MATIUS 15:19

Nde, meya yebet kagwi elem ap enarem-nen mborosolar-e, ap wurugwi min ap onkwe yebugwi min kwami terak yenpugwi min yariya wanugwi min enesiget wene ap enpem pugwi min ap onpok pugwi min mburusu-o.

OROMA 1:26

Iri kwarugwi ala karuk, it enaboro nak-nen ukwe ukwe yugwi mende irit kwarogolat wolmakluk, Mbal Pem Nagawan-nen-e it keya inpij-o. Nde, kwami-nen na irit, ap-nen ye unpugwi na keya buruk, it kwami nak kwami nak yebogolat woraiga-o.

OROMA 1:29

Keya onposola-ge, it enarem-e yi meya ndi meya yu-nen yebet tak worasolar-e, meya kwarugwi mende min ukwe ukwe yugwi mende min emben to rak mende min enlengen ale nak yurak min ap undugwi min yig pugwi min ap enmberam lagwi min mabin puruk woragwi min ap onpok pugwi min

OROMA 6:13

Kit kenpe iri bem-nen meya kwarosolat wolmaklug-e, meya kwarugwi elem iri na kit kenpe iri kininggi kunuwok min kegera wok turak pug-o. Are, kir-e wat yidnag-et nde, kunluk yaga wok kindidnak pem-e, kenpe kegera Mbal Pem Nagawan nak wok ter-o. Lud tak nak kwarugwi mende kwat kenperenak wolmakluk, kenpe ebis-et kegera Mbal Pem Nagawan wok ter-o.

OROMA 6:6

Nde, wene yu-ge nenaru nar-o. Nit meya kwarugwi nenpage iri na yigisa lak tak peyekluk, nit nenpage nanduk mende iri-ge Kerisut imin e lang pang tak pem worak pamu-o. Iri kwarid iri-ge, nir-e meya kwarugwi elem na ndegel pogolat wolma naru-nen kwarij-o.

OROMA 7:23

an ninggi nowak arem-e imiri mbarak pidnak wene nin worala kasu-o. An nindi-nen iri mende-t kwareyeg-o luk peraidnag-et nde, imiri mbarak pidnak wene nin iri-nen an nindi imin wim posolar-e, an ninggi nowak arem worasu meya kwarugwi elem iri-nen kamat nuburuk, urugwe nggwe rak nubusu-o.

OROMA 7:5

Nde, nanduk nit-nen-e ki nap-nen kwarugwi mende langgal luk mborogolar-e, meya kwaruwakluk ukwe ukwe kagwi mende iri ninndi arem-nen luwasolar-e, Mbal Pem Nagawan-nen ”Iri kwaru bug-o” luk imiri mbarak pidnak wene na tarurak ninndi wok yidnak-nen ndowaga ebe yosolar-e, wat yugwi elem nenpem mboso-o.

OROMA 8:13

Kir-e ki nap-nen kwarugwi mende nak kwarugup nde ala-ge, wat yugub-o. Alat nde, Konak Indi bem-nen kit kenpe-nen kwarugwi mende worak pugup nde ala-ge, kunlug-et woragub-o.

1 KORINTUS 5:1

Kit kennggendumu-ge ap mbi eid ogwe wanidnak wene kuligi-o. Nde, meya iri nggal iri-ge it inndi angin tubu yigit lak nap-nen na kwarugwi bug-et nde, kwaridnak obok kuligi-o.

1 KORINTUS 6:11

Kit ereb-e iri nggal kwarugwi woraigeb-o. Alat nde, Nagawan Indo Yesus Kerisut unu bem-nen Nenmbal Pem Nagawan Indi bem-nen kit mat kunpuruk, mbek tak kenpaga lud tak kinpij-o.

1 KORINTUS 6:13

Nunggwi mende iri-ge unlum amanggim-o. Nde, unlum iri-ge nunggwi mende amanggim-o. Alat nde, Mbal Pem Nagawan-nen-e unlum min nunggwi mende enmberek lak tak puwa-o. Ap enpe iri-ge uwingga mbaruwakluk-nen ndak wirigit lag-o. Are, Nagawan Indo amanggim yidnak-nen yusu-o. Nde, Nagawan Indo-ge enpe amanggim yidnak-nen yusu-o.

1 KORINTUS 6:18

Ap onkwe yebugwi iri mondok keya ber-o. Yi meya ndi meya mende kwarogolar-e, ap enpe meya rak onposo bug-et nde, at mbabi yusu nab-e at ondomok ebe meya rak ubusu-o.

2 KORINTUS 12:21

An tuguruk wok yimin nggal, kit kinmbiri bem Mbal Pem Nagawan-nen an ninggiri wuruwa iri-ge nanduk kwarogolat woraidnak nap-nen-e it meya kwarogolat woragwi-ge kop kap tobok tak kwarugwi min kwami terak ye unpugwi min kwarugwi buk mende kwarugwi min iri kwarugwi keya buruk kondok yigit lak ala karuk, an-e yip kwarat timin-o luk numud kasu-o.

NGGALATIA 5:24

Nde, Kerisut Yesus arengge kwat yidnak nap-nen-e ki nap-nen kwarugwi mende min at-nen ukwe ukwe yoso min, kwarurak ukwe peraso min-e e lang pang tak pem-et worak pid nar-o.

EPESUS 4:19

It inndi yebet kagwi elem na lak yidnak me, ”Meya mende nak kwarogolat wolmog-o” luk yogolat, yi meya ndi meya kwarogolar-e, it na it-net mamak pigit lak kwatli nag-o.

KOLOSE 2:11

At ebem-net kiniye ambasap wabidnak worali-o. Nde, iri-ge ap ininggi-nen enaboro wabugwi na nggal-e lag-o. Are, Kerisut-nen kiniye ambasap wabosolar-e, meya nak kwarugwi kenaboro iri na keya bid min yigi-o.

1 TESALONIKA 4:3

Mbal Pem Nagawan indi-n pidnak mende-ge yu-o: Kir-e marak nak woragolat, kwami terak terak ye unpugwi buk irit wolmer-o.

1 TESALONIKA 4:5

Mbal Pem Nagawan enaru buk nap-nen kwatli nggal, mbabi kwarurak inndi peragwi bem-nen kwarurak pug-o.

1 TIMOTIUS 6:10

Yi meya ndi meya pidsa elem-e uwang nak ukwe ukwe yugwi irir-o. Ap erep-nen-e uwang langgal luk mborogolar-e, it inndi angin tubu yidnak na-ge kabak tak puruk, it inndi andi bandi rak purak mende kwarat ondomok enpem pugwi-o.

IBERANI 12:16

Nde, kit kennggendumu-nen ap misik-nen mbabi kwarosolat, Esau-nen kwarid nggal konak mende na ebe lak mende nggal tak posolat ma naru, kwil kwalsa wolmer-o. Esau na-ge manggu nderak nak-nen wanugwi imbiringgat mende na-ge misiget pem norak piring iri na min onggo onggo rak pamu-o.

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.

IBERANI 13:5

Uang ukwe ukwe yugwi nap yurak pug-o. Are, kat karengge kinggem worasu iri na-ge ndak-nen yusu-o luk peragolat woragup na-e. Nde, Mbal Pem Nagawan-nen yosolar-e: ”An-e keya konposolat, meme rak konposolat mondok yimin pug-o” luk yij-o.

YAKOBUS 4:1

Kit kennggendumu yig pugwi min yuk puk mbugwi min iri-ge ngge me-nen lobok yusu-o? Nde iri-ge kit kenarem amawi kwen tenak woraso ukwe ukwe mende-nen kwarak poso na-ge lag-e?

1 PETERUS 2:11

Nenggamirak kenabuwa worak wa-e. Kir-e nggweyak ma yu me woragolar-e, ap sal nggal, ap enma woragwi nap nggal yili me, ap-nen ukwe ukwe yugwi na-nen kinndi min wim poso iri-ge keya ber-o luk an-nen kiri keresa yak kundusu-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.