KOLOSE 3:25 - Nanduk Ngget Tul Pidnak Wene

²⁵ Nde, Mbal Pem Nagawan-e ap pidsa ndak ndak tak onposo me, meya kwaruwa nab-e at-nen meya kwarosolat woraidnak onggo wanuwar-o.

KOLOSE 3:25 ပူးပေါင်းရင်းမြစ်များ

2 SEMUEL 14:14

Nit oboksa-ge war-et mul-o. Nir-e yi sisiri bem kiril kaidnak tuguruk ndok wururak meya iri nggal-nen yusu-o. Mbal Pem Nagawan-nen na irit wat yidnak nab-e unluk tak unpuwa bug-er-o. Iri bem-e, nab-o. Mbo ibidnak nab-e tu kore yaga tuguruk ibil lobok yurag-o.

TEPAN OMBO-NEN KWARURAK WENE 19:15

Kit-nen ap enpem wene mbarogolar-e, ap enarengge lak nap enambigit na yurak puk. Ap kek tak na enaye yurak puk. Are, mot mor-et ap enpem wene mbarurag-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

LUKAS 20:21

Nde, it enlengen enlengen yuwakluk onggo wok indidnak nap na-nen Yesus yak togolar-e: ”Mul Ondoso Nap wa-e. Kat-nen yoso wene min kat-nen mul nondoso wene min mot mot nak yoso-o luk nir-e nenaru-o. Nde, kar-e ap entare mbenaroso buk me, kat-nen-e ki nap-nen kwarurak Mbal Pem Nagawan indi-n peraidnak iri-ge kar-e mondok nam-et nak mul nondoso-o.

YIDNAK YIDNAK WENE 10:34

Yosoloma, Peterus na tel korosolat-nen yosolar-e: ”Ndemeret, Mbal Pem Nagawan-e ap entare mbenaroso bug-o luk naru yigi-o.

OROMA 2:11

Nde, Mbal Pem Nagawan-e ap enpage lombonoso bug-o.

2 KORINTUS 5:10

Lag-e lag-o. Nit oboksa-ge Kerisut-nen ap enpem wene mbareyekluk kore yurak sa iri me wok yul-o. Iri me-nen-e ap enariktak-nen unluk woragolat-nen kwarogolat woraidnak na onggo wanogolar-e, konak nak kwaridnak ala na, meya kwaridnak ala na, onggo-ge ndak ndag-et wanuwa-o.

EPESUS 6:8

Nde, ndegel unpugwi nap na, wisirik woragwi nap na, it eneyabu konak nak wanidnak ala-ge, Nagawan Indo-nen onggo wok unduwa-o luk kir-e kenaru nar-o.

EPESUS 6:9

Kit nagawan nagawan wa-e. Kit-nen na iri nggal-et ndegel kunpugwi nap inmin-e: ”Kindimin-o” yugwi iri keya ber-o. Kit min ndegel kunpugwi nap min-e Kineid aid arem worasu iri-nen-e ap entare lombonoso bug-o luk kinndi yebet ker-o.

TUGURUK YIDNAK WENE 10:17

Nde, Nagawan Indo Kenmbal Pem Nagawan-e kugwiwak oboksa min enmawi worak oboksa min tebek tak puruk, mondok terak minik kek tak-net yusu-o. Nde, ar-e Mbal Pem Nagawan mondok nggok, amawi worak me, at-nen yidnak yidnak nak kwarurag-o. Ar-e ap entare na lombonoso buk, ap onmbol pem lasolat, onggo terak lesa wanoso bug-o.

KOLOSE 4:1

Kit nagawan nagawan wa-e. Kit ndegel kunpugwi nap kwat onpogolar-e, ndemeret mot mor-et kwat onpogolat wolmer-o. Kit min-et Kenagawan Indo-ge aid arem worasu-o luk kenaru nar-o.

1 TESALONIKA 4:6

Yu mende kwarugwi bem-e ap misik-nen at anggam meya rak posolat, at anggam ombol pem ludtak pug-o. Nandug-e wene yu yak kondogolar-e: ”Nagawan Indo-nen iri mende kwarugwi nap enpem wene mbaruwa-o” luk nir-e nenne amawi min yak kindige nar-o.

2 TESALONIKA 1:6

Mbal Pem Nagawan-nen mot mot nak kwarosolar-e, kit andi bandi rak kinpili nap na enpem-e at-nen-e andi bandi mende enpem puwa-o.

PILEMON 1:18

Nde, at-nen nde kat meya rak kibidnak worala na, karengge namat wanidnak worala-ge, an nebem keya burag-o.

IBERANI 2:2

Nde, aid nap enpem nggwe-nen Musa yak tidnak imiri mbarak pidnak wene iri-ge ndemeret wene-t me, ta-nen nde wene iri na kulurug-et nde, ndak ndak kwarigit lak ala-ge, iri kwaridnak iri na onggo ndak ndak enpem mboso-o.

1 PETERUS 1:17

Kit-nen Mbal Pem Nagawan eram tepan yogolar-e: ”Nineij-o” luk yugwi-t nde, Mbal Pem Nagawan-e ap ondomoktak-nen kwaridnak ndak ndag-et entare limbinigit lak enpem wene mbaroso-o. Iri bem-e, kir-e nggweyak ma yu me woragolar-e, Mbal Pem Nagawan kek tak obogolat wolmer-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.