KOLOSE 3:22 - Nanduk Ngget Tul Pidnak Wene

²² Ap ndegel unpugwi nap wa-e. Yi kwatlik ndi kwatlik kwarogolar-e, nggweyak ma nap kit-nen idnak nagawan nagawan-nen yidnak yidnak nak kwarogolar-e, it-nen yik keneyarok woragola, nam nariya kentembel wanuwakluk nak-nen kwarurak pug-o. Are, ndemeret kit kinndi-net kwarogolat wolmer-o.

KOLOSE 3:22 ပူးပေါင်းရင်းမြစ်များ

NDAK WIRIDNAK WENE 42:18

Nde, mberen pem woraruk kenan tak pogolat tarem-e Yusup-nen it yak ondosolar-e: ”An-e Mbal Pem Nagawan indi aye worak, at-nen yidnak yidnak kwaroso nab-er-o. Kit-nen nde kunluk wolmomtak peragolar-e, wene misik yu nak kwarer-o.

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

MATIUS 6:22

Ap enlengen-e enpe amanggim tal-nen yusu-o. Nde, kit kenlengen-e op ala-ge, kenpe ebis-et na yaya worag-et ma-o.

MATIUS 8:9

An-e an nagawan urugom nap-nen yusu-o. Nde, an nurugom na san winde na woralir-o. Nde, an-nen ap misik yak tosolar-e: ’Mbiri-o’ luk yak tosola-ge, ar-e mborosor-o. Nde, misik yak tosolar-e: ’Yu me lobok yi-o’ luk yak tosola, ar-e lobog-et yoso-o. Nde, an ndegel noboso nap yak tosolar-e: ’Yu kwari-o’ luk yak tosola-ge, ar-e iri na-t kwaroso-o” luk yij-o.

LUKAS 6:46

Yuruk, at-nen yosolar-e: ”Kir-e an-nen yidnak yidnak kwatli bug-et nde, noluk-nen ’Nit Nagawan Indo wa-e. Nit Nagawan Indo wa-e’ yak nitli-o?

LUKAS 7:8

Nde, an na an nanggul pem-nen yidnak yidnag-et kwaroso-o. An nurugom nap san winde-nen na an-nen yidnak yidnag-et kwarogolar-e, an-nen san winde misik yak tosolar-e: ’Mbiri-o’ luk yak tosola-ge, mborosor-o, at misik yak tosolar-e: ’Lobok yi-o’ luk yak tosola-ge, lobok yosor-o, an-nen an ndegel noboso nap mbi yak tosolar-e: ’Yu kwari-o’ luk yak tosola-ge, irit kwarosor-o” luk Yesus yak tiga-o.

YIDNAK YIDNAK WENE 2:46

Nde, pelin na pelin na it inndi lambuksa Mbal Pem Nagawan ama ndok worogolat, it enma lombok-nen mburu ndeksa nonggolat yiga-o. Nunggwi mende nonggolar-e, inndi mot mor-et enalin min nonggolat,

2 KORINTUS 7:1

Nanggamirak kenabuwa worak wa-e. Urul pidnak wene oboksa-ge nit-nen idnak me, nit na nit-net nondomok marak nap yogolar-e, nenpe min ninndi min kik tak nunpurak mende iri marak puruk, Mbal Pem Nagawan indi aye min woragolar-e, mondok marak iminep mbarak irit wolmog-o.

NGGALATIA 1:10

Wene yu yak kundusu yu-ge, ki nap enalen tak peyekluk-nen yusu-a? Lag-o. Mbal Pem Nagawan alen tak peyekluk-nen yusu-o. Are, ki nap-nen inndingen tak nubuwak tu kore yusu-a? Ki nap-nen inndingen tak nubuwakluk kwariginggal-e, an-e Kerisut ndegel oboso nap yelep pug-o.

KOLOSE 3:20

Li marik marik wa-e. Kir-e Nagawan Indo ebem woragolat-nen kwarogolar-e, kineid kiniya-nen yidnak yidnak nak pempa kwarogolat wolmer-o. Iri kwarugwi iri-ge Mbal Pem Nagawan indingen tak pugwi-o.

1 TESALONIKA 2:4

Are, Mbal Pem Nagawan-nen-e at-nen idnak aid wene yurag-e ndak neneyaruk, nenpem pidnak me, nit-nen wene yogolar-e, ki nap indingen tak puwokluk-nen yili-ge lag-o. Are, nit ninndi ngaroso Mbal Pem Nagawan at nak indingen tak puwokluk-nen yili-o.

PILEMON 1:16

Nde, yawo-ge are kat ndegel koboso nap nag-e lag-o. Are, Kerisut ebem kat kowot abuwa worak kwat yidnak-nen yusu-o. La iri-ge an-nen abuwa kwarat kasu-o! Nde, an-e abuwa kasu-t nde, kat ndegel koboso bem na, Nagawan Indo ebem-nen kat kowot yidnak pem na, kar-e abuwa kwarat kagun-o.