KOLOSE 3:20 - Nanduk Ngget Tul Pidnak Wene

²⁰ Li marik marik wa-e. Kir-e Nagawan Indo ebem woragolat-nen kwarogolar-e, kineid kiniya-nen yidnak yidnak nak pempa kwarogolat wolmer-o. Iri kwarugwi iri-ge Mbal Pem Nagawan indingen tak pugwi-o.

KOLOSE 3:20 ပူးပေါင်းရင်းမြစ်များ

NDAK WIRIDNAK WENE 28:7

Nde, ereb-e Yakup na-ge eid min ija min-nen yidnak yidnag-et Mesopotamia mbirid iri na wene min aru lug-e,

MBIRIGA WENE 20:12

An-nen wok kindimin o iri me woragolat, kunluk mot pem-et woraboklug-e, kineid kiniya kek tak onpogolat wolmomtag-o.

NGGOMO WENE 20:20

Ta-nen nde eid ija imbiri lamut tak onposola-ge, mondok at uruk wolmomtag-e o mum pem tal nigi yoso nggal lak ma-o.

NGGOMO WENE 30:11

Ap erep-nen-e ineidtak imbiri lamut tak onpogolat, iniyarag-e kek tak inpigit lak yili-o.

NGGOMO WENE 30:17

Ta-nen eid ija inndi worak ereba na pesel onposola-ge, erengen-e towe ijamu-nen kela keya bosolat, nde, ebe-ge towe ud-nen mbarosolat makluk, mbo uburak ndag-et mbo ubuwa-o.

NGGOMO WENE 6:20

Nambara wa-e. Keid-nen yak kuruwa ndak ndag-et kwarurag-o. Kiya-nen nggomo kuruwa na mondok meme rak purak pug-o.

TEPAN OMBO-NEN KWARURAK WENE 19:3

Kit kenambiktak-nen kineid kiniya-nen yidnak yidnag-et kwarogolat wolmomtag-o. An-nen yidnak ndak ndag-et we woragi tarem (Sabat) irit yebet kagolat wolmer-o. An-e Nagawan Indo Kenmbal Pem Nagawan-nen yusu-o.

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

MATIUS 19:19

Keid kiya-nen yidnak yidnak kwarosolat wuri-o. Kat kambik kabuwa kasu nggal-et kat kimin woragwi nap enabuwa ki-o” luk yij-o.

EPESUS 5:24

Alat nde, lambuk tak inpidnak nab-e Kerisut urugom tebe yili nggal, iri nggal-et ununtak worak kwami-nen-e yi mende ndi mende bem-e ununtak unlugom teberak wolmomtag-o.

PILIPI 4:18

Yawo-ge an-nen ukwe peraidnak oboksa-ge kit-nen namanggim pigepma wanigi iri-ge an-nen ukwe peraidnak ombol nggwe terak menna wanigi-o. Epaporotitus-nen wok nirigep mende wok niril lobok yamu-nen an-e mondok ndak worasu-o. Nde, silobulo wok nirigep iri-ge, emben konak mende nggal Mbal Pem Nagawan-nen kujwaklug-e, Mbal Pem Nagawan indingen tak posolat, alen tak posolar-e, Mbal Pem Nagawan amanggim wam wosa eyabi pugwi nggal-nen yusu-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

KOLOSE 3:22

Ap ndegel unpugwi nap wa-e. Yi kwatlik ndi kwatlik kwarogolar-e, nggweyak ma nap kit-nen idnak nagawan nagawan-nen yidnak yidnak nak kwarogolar-e, it-nen yik keneyarok woragola, nam nariya kentembel wanuwakluk nak-nen kwarurak pug-o. Are, ndemeret kit kinndi-net kwarogolat wolmer-o.

TITUS 2:9

Ndegel unpugwi nap-nen-e it-nen ndegel unpugwi nap enne kologolat, it-nen yidnak yidnak irit kwarogolat wolmag-o. It-nen ndegel unpugwi nap-nen yidnak wene eyak worogolat,

IBERANI 13:21

Yamuksa woragwi elem Mbal Pem Nagawan-nen konak mende oboksa wok kondosola, iri bem-nen Mbal Pem Nagawan indi-n pidnak nak kwarobokluk, ndak tak kunpuwag-o. At indi-n peraidnag-e Yesus Kerisut ebem-nen Mbal Pem Nagawan-nen nit nenarem yabu wanuwag-o. Nde, Yesus Kerisut na-ge kek tak pem-et woralik nalik wolmag-o. Amen.

URUT 3:5

Yak tosoloma, Urut-nen yosolar-e: ”Nembab-o. Ob-o. Kat-nen yak nirigen irit kwarimin-o” yij-o.