KOLOSE 3:19 - Nanduk Ngget Tul Pidnak Wene

¹⁹ Konkwe worak nap wa-e. Kit konkwerak enabuwa kagolat, it inmin yanggonak nak wolmer-o.

KOLOSE 3:19 ပူးပေါင်းရင်းမြစ်များ

NDAK WIRIDNAK WENE 24:67

Iri lug-e, Isak-nen-e kwe Iripka na-ge ija Sara woraso o lije sum wi iri na me imin nggwarik, wanij-o. Nde, Isak-nen Iripka abuwa kasolat-nen ija wat yidnak me, indi angabanga rak woragid iri na-ge kondok yij-o. 25:1-6 Ayat ya arem-e Abarakam ilirak kwe misik-nen nderak ereba na unnu mbarak worasu-o.

AID WENE YOSO NAP 9:9

Mbal Pem Nagawan-nen we luru nggweyakma wolmomtak wok kirid iri na bem nggweyakma ya woralar-e, kogwe kindi kundik iri na imin kona wolmomtag-o. Kat-nen kamawi lak yosolat kirigak mburusu onggo-ge iri nag-et me, pempa we luru ebe lak woralar-e, kalen min-et wolmomtag-o.

LUKAS 14:26

”Ta-nen nde an neram lobok yosolar-e, at eid ija min ogwe la min owe owosi min at ondomok indi min isili rak pigit lak-nen-e an nimbirik noso nap momtag-e meya-o.

OROMA 3:14

It enemende-ge imbiri lamut tak onposo ngari worak wene-nen kobong tak worasu-o.

EPESUS 4:31

Wene nggutlugwi min insilepma-nen onmbol pem pak yurak puk kwarugwi min insilepma yugwi min ngguno nggugwi min ap onpok pugwi min keya bogolar-e, meya kwarugwi mende erep min-et keya ber-o.

EPESUS 5:25

Konkwerak worak nap oboksa wa-e. Kerisut-nen lambuk tak inpidnak nap enabuwa kasolar-e, it enmanggim at-net at ondomok indi wisirik pid nggal, iri nggal-et kit na kit konkwerak enabuwa kagolat wolmer-o.

EPESUS 5:33

Irit nde, wene iri-ge kit kinmin yidnak-net yusu-o. Kit kenambik kenabuwa kali nggal, kit kondomoktak-nen konkwerak enabuwa ker-o. Nde, ogwe-nen-e at un kek tak ubuwag-o.

KOLOSE 3:21

Kinlirak worak ineidtak wa-e. Kit kinlirag-e insilepma rak unpurak pug-o. Insilepma rak pogola-ge, it inndi terak tak pugub-o.

YAKOBUS 3:14

Alat nde, kir-e kenlengen ale yogolat, kinsilepma yogolat, kondomok kenmanggim nak nggok tak pogolat yugwi ala-ge, kir-e kenambikpebe kek yogolat, ndemeret wene na imin kenesiget yili-ge meyog-o.

1 PETERUS 3:7

Konkwe la worak nap wa-e. Iri nggal-et kit na konkwe la inmin woragolar-e, kwami yu-ge ndeyak-net yili-o enperaruk, Mbal Pem Nagawan-nen we wok ondoso unlug-et woralik nalik momtak elem iri-ge konkwe la inmin-et lambuksa winde rak kunpuwa me, kwara enabuwa kagolat wolmer-o. Iri kwarugup ala-ge, kit-nen tepan yugub-e abi sud mud yuwa bug-o.