KOLOSE 3:16 - Nanduk Ngget Tul Pidnak Wene

¹⁶ Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

KOLOSE 3:16 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 3:28

Isarael nap-nen kuliganggal-e, Salomo-nen wene iri kwara konidnak kulurug-e, Mbal Pem Nagawan-nen nam-et nak mot mot kwarurak indi nggat nggat elem wok tidnak ala karuk, it pidsa-nen-e wir-o luk at nak kek tak ibiga-o.

NDAWI ENGGA 138:1

Nagawan Indo wa-e. An-e nindi misiget tak puruk, kat nak wiwa-o luk yak kurusu-o. Nin mbal pem nagawan ereba na imbiri bem-et kat nak kerembel wanosolat ndawi yusu-o.

NDAWI ENGGA 32:7

Kar-e an kurak yoso nondoro-nen yusu-o. Kat-nen-e anggun panggun arem-nen nimiri yoso-o. Kat-nen an nimiri yidnak pem an-e mondok nalin nalen kwarat yusu-o.

YESAYA 5:1

An nanggam-nen idnak anggut yabu bem an-nen ndawi ngarusu yu koler-o. An nanggam yabu anggut yabu-ge ndobo ayo bem nggweyak alim pem irit wanij-o.

YEREMIA 15:16

Kat-nen an nimin wene yosola-ge, kat-nen yusu wene oboksa-ge an-e kuligi-o. Nagawan Indo, Mbal Pem Nagawan Mondok Kamawi Worak wa-e. An-e kat karengge-nen yusu-o. Iri bem-e, kat-nen yidnak wene-nen nalen tak posolat, nindi yek tak posolat kwarij-o.

MATIUS 26:30

Yak undurug-e, it na ndawi yuruk Saitun ndobo bem mbiriga-o.

LUKAS 2:51

Alama-ge, Yesus na it inmin luk Nasaret mberarig-e, eid ija-nen yidnak yidnak irit kwarosolat woragaij-o. Nde, at ija-nen-e iri kwaridnak wene pidsa-ge arem tak puruk woragaij-o.

YOANES 15:7

Kit-nen nde an narem puksa woragolat, an-nen yidnak wene na kit kenarem woralat-nen kit kindingen mende mbi Neid eram nggi yogola-ge, wog-et kunduwa-o.

OROMA 10:17

Iri bem-e, wene kulidnak pem-net inndi angin tubu yugwi-o. Nde, wene na kulugwi iri-ge ap-nen Kerisut owene yak ondogola-net kulugwi-o.

OROMA 15:14

Nowe nowosi wa-e. Kir-e konak kwarurak nak peragolat, enaru yugwi mende pidsa kenaru yogolat, kit na kit-net nggomo wat kerak mburag-e ndak worali-o luk an-e mondok kenperasu-o.

1 KORINTUS 14:15

Iri bem-e ngge yimin-o? An nindi bem-net tepan yosolar-e, an-nen yebet kaso iri bem-nen na tepan yimin-o. An nindi bem-net ndawi yosolar-e, an-nen yebet kaso iri bem-net ndawi yimin-o.

1 KORINTUS 14:26

Nanggamirak wa-e. Ngge yosolat-nen yigi kali? Kir-e ndok wutluk, kenariktag-et kwarogolar-e, misig-e ndawi yogolat, nin-e mul ondogolat, misig-e Mbal Pem Nagawan-nen kura bidnak wene nam tak pogolat, nin-e nin wene nan wene bem yogolat mer-o. Alat nde, iri kwarogolar-e, ap inndi mendak purak pem kwarogolat wolmer-o.

EPESUS 1:17

”Konak Indi wok indi-o” luk Nenagawan Indo Yesus Kerisut Eid unu kek tak woraso Mbal Pem Nagawan na emengen mbaroso iri-ge, Konak Indi iri-nen-e kinndi nggat nggat elem wok kondosolat, Mbal Pem Nagawan kenaru yoboknen nam yaga mirik konposolat ma-o.

EPESUS 5:17

Iri bem-e tabuksa wolmomtak pug-o. Are, Nagawan Indo indi-n pidnak wene yenggerak pobok-nen kenmawi kondogolat wolmer-o.

EPESUS 5:19

Kit-nen wene yak kerak mbogolar-e, Ndawi Engga bem mbaridnak wene yogolat, Mbal Pem Nagawan erembel wanogolat, aid wene ndawi yogolat mer-o. Kit kenarem-nen Nagawan Indo yak togolar-e, at erembel wanogolat, Nagawan Indo ebem ndawi yogolat wolmer-o.

EPESUS 5:26

Ar-e ondomok indi wisirik pid iri-ge, marak wolmakluk, at-nen korak onposolar-e, yi bem min at ene bem min-nen yi mat inpij-o.

KOLOSE 1:28

Iri bem-e, Kerisut owene iri-ge nir-e ab-e ap oboksa yak indili-o. Nit ninndi mondok pindong tak pem-net ap oboksa nggomo indilik, mul indilik yogolar-e, it enarik tag-et Mbal Pem Nagawan eram inpil lobok yogola, Kerisut ebem iminep mbal yidnak nap makluk-nen yili-o.

KOLOSE 1:9

Iri bem-e kit konpok kulige kuri-nen yawo kuri-ge nir-e pempa kit kenmanggim tepan-e kundugu yili-o. Kit kenmanggim Mbal Pem Nagawan emengen mbarogolar-e: ”Kat kindi-n pidnak parosa enaru makluk, inndi tenggerak elem oboksa min ndemeret yebet kagwi elem min wok indi-o” luk emengen mbatli-o.

KOLOSE 4:6

Kit-nen wene yogolar-e, ap-nen kologolar-e, wene konag-et kuluruk, indingen tak purak wene nak yogolat wolmer-o. Ap-nen kin wok konpogola, onggo yurak na mondok kenaru wolmomtag-o.

1 TESALONIKA 1:8

Nagawan Indo owene-ge kit kendam-nen wigak yosolar-e, Makeronia min Akaya min nak mbirigir-e lag-o. Are, Mbal Pem Nagawan ebem kinndi angin tubu yidnak wene-ge yi wi ndi wi wigak yij-o. Iri bem-e, nit-nen wene mbi yurag-e lag-o.

1 TESALONIKA 4:18

Iri bem-e, wene yu bem kit na kit-nen kinndi yanggwen kerak mbogolat wolmer-o.

2 TESALONIKA 3:15

Alat nde, at iri-ge kit kinmin sirid nap kwat inpidnak nggal kwat uburak pug-o. Are, kat kanggam-net yusu me, nggomo wururag-o.

1 TIMOTIUS 6:17

Nggweyak ma mende winde nap nggomo ondosolar-e: ”Kenambik kek yurak pug-o. Lak wolmomtak mende iri bem kinndi-ge mbung mbung tak wolmomtak pug-o. Are, nit nenalen kujwakluk, yi mende ndi mende kwarat tak nonposo Mbal Pem Nagawan ebem nak kinndi mbung mbung tak wolmer-o” luk nggomo indi-o.

2 TIMOTIUS 3:15

Kar-e la marik pem-net Mbal Pem Nagawan engga karu woraigen iri-ge mondok yeberak wolmin-o. Mbal Pem Nagawan engga-nen-e Kerisut Yesus ebem kindi angin tubu yusola, kimiri yuwakluk kat kindi nggat nggat worak tak purag-e ndag-o.

TITUS 3:6

Ninmiri Yoso Yesus Kerisut ebem Mbal Pem Nagawan-nen Konak Indi-ge nit nenpem kwarat nggilara mberak pij-o.

YAKOBUS 1:5

Ap mbi kit kennggendumu indi tenggerak elem wanigit lak worala-ge, indi nggat nggat elem na wok tuwakluk Mbal Pem Nagawan ebem nggi yurag-o. Nggi yosola-ge, Mbal Pem Nagawan-nen enabuwa karuk, indi konag-et ap pidsa we wok ondoso me, wok tuwa-o.

YAKOBUS 3:17

Alat nde, aid arem-nen mbuwaidnak inndi nggat nggat elem-e yu nggal-o: Nandug-er-e mbek tag-et woraso, iri-nen-e lambuk tak onposo, yanggonak nak woraso, yidnak yidnak nak kwaroso, enabuwa nak kaso, konak mende nak kwarak poso-nen yusu-o. Inndi nggat nggat elem iri-ge ap entare lombonoso buk, indi-net nde enesiget siget yoso buk-nen yusu-o.

YAKOBUS 5:13

Kit kennggendumu nde ap mbi anggun panggun worasolar-e, tepan yuwag-o. Nde, ap mbi alen pem woralar-e, Mbal Pem Nagawan erembel wanosolat, ndawi yosolat wolmag-o.

1 YOANES 2:14

Nilirak wa-e. Kir-e Nineid Mbal Pem Nagawan kenaru yigep pem engga yu mbal kundusu-o. Neidtak wa-e. Tel kuridnak kuri-net woraso Wene na kenaru yigep pem engga yu mbal kundusu-o. Kit ap sugwe wa-e. Kir-e kenmawi worak, Mbal Pem Nagawan-nen yidnak wene na kit kenarem worasolat, Meya Kwaroso Nap na urugwe nggwe rak pogolat yigep pem engga yu mbal kundusu-o.

1 YOANES 2:24

Iri bem-e, nandug-et kuligep wene na-ge kwara parugu wolmer-o. Nde, nandug-et kuligep wene iri na kit kenarem puksa parugu woragola-ge, kir-e pempa Ambara min Eid min inmin kundik woragub-o.

1 YOANES 2:27

Alat nde, kit perak nde, Kerisut-nen Konak Indi-ge kit kenpem nggilara pil mbuwagaij-o. Nde, Konak Indi-ge kit kenarem woralar-e, yi mende ndi mende pidsa mul kundusu me, ap-nen mul kundurag-e meya-o. Nde, Konak Indi-nen mul kundusu wene-ge enesiget wene-ge lag-o. Ndemeret wene nak mul kundusu-o. Iri bem-e, kit-nen-e Konak Indi-nen yidnak yidnak nak kwarogolat, Kerisut imin kundik irit wolmer-o.

2 YOANES 1:2

Nde, ndemeret wene-ge nit nenarem woralat, nit nin-min pem-et woralik nalik wolma iri bem-nen kenabuwa kali-o.

NAM PARA WENE 14:3

Nde, it-nen ndawi ngget misik yogolar-e, nagawan koreyak woraso ondoro bem koreyak worasu na min untugup worak mende empat ereya na min enne kulugwi nap min inmbiri bem ndawi iri-ge yiga-o. Nde, nggweyak ma yu me-nen onnggo bidnak nap seratus empat pulu empat ribu (144,000) iri nak-nen ndawi iri enaru-o.

NAM PARA WENE 15:3

It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.