KOLOSE 3:15 - Nanduk Ngget Tul Pidnak Wene

¹⁵ Kerisut-nen idnak yamuksa woragwi elem-e kit kinndi arem ombo luk wolmag-o. Iri yurak pem-nen ebe misiget kwat yobokluk Mbal Pem Nagawan-nen wene mbo kinpij-o. Nde at ”Wiwa-o” yak togolat wolmer-o.

KOLOSE 3:15 ပူးပေါင်းရင်းမြစ်များ

NDAWI ENGGA 100:4

At uwi pak tumende nggwe nggogolar-e, at wiwa-o yak tugwi ndawi kundugu-t nggurag-o. At uwi mborom nggogolat na at kek tak pogolat ndawi kundugu-t nggurag-o. At nak wa yak togolat, at unu nak kek tak purag-o!

NDAWI ENGGA 107:22

It-nen at wiwa-o yak togolar-e, at amanggim pugwi mende pogolat, at-nen kwat onposo-ge enalen kagolat-nen yugwi ndawi bem wigarurag-e ndak-net yusu-o.

NDAWI ENGGA 116:17

An-nen-e kat wiwa-o yak korosolat, kat kamanggim wosa pugwi mende pimin-o. Iri yosolar-e, kat keram tepan yimin-o.

YUNUS 2:9

Alat nde, an-e ndawi bem kerembel wanosolat, kat kamanggim wam wosa posolat kwarimin-o. An-nen ’Irit kwarimin-o’ luk urul pigi-ge mondok kwarimin-er-o. Nde, kar-e inmiri yoso Nagawan Indo-nen yusu-o” luk yij-o.

YOANES 14:27

Yamuksa woragwi elem-e an-nen kit kenpem keya busu-o. Nde, yamuksa woragwi elem iri wok kundusu iri-ge an-nen idnak irit wok kundusu-o. Nde, iri-ge nggweyak ma nap-nen yamuksa woragwi elem wok undugwi nggal-e lag-o. Iri bem-e, kit kinndi kabak yogolat, kwiye kagolat yurak pug-o.

YOANES 16:33

An wene yu yak kindigi yu-ge kir-e an nimin kundik woragolat-nen kinndi yek tag-et worabok-nen yak kindigi-o. Kir-e nggweyak ma yu me woragolar-e, lel mberel kunpuwa-t nde, kinndi tugup lak wolmer-o! Nggweyak ma yu me-ge an-nen mul wosa urugwe nggwe rak pigi-o!” luk yij-o.

OROMA 1:21

Ab-e Mbal Pem Nagawan enaru woragolar-et nde, ar-e Mbal Pem Nagawan-net yusu-o luk at kek tak ibigit lak, wa na yak tigit lak yiga-o. Are, it yebet kagwi indi na ebe lak mende kwat yosolat, it inndi-ge ndamuk yij-o.

OROMA 14:17

Nde, Mbal Pem Nagawan-nen tenagaidnak wi-ge nunggwi mende min yi min erep kundig-e lag-o. Are, Konak Indi-nen wok ondoso luk tak nak kwarugwi elem min yamuksa woragwi elem min enalin enalen kagwi min erep kundik-nen yusu-o.

OROMA 15:13

Ap inndi ebem mbung mbung tak wolmomtak elem-e Mbal Pem Nagawan-nen yusu-o. Kit kinndi-ge at ebem angin tubu yidnak me, at-nen-e enalin enalen kagwi elem min lambuksa woragwi elem min kobong tak kunpuwag-o. Iri ala, Konak Indi amawi bem-e kit kwara Mbal Pem Nagawan ebem kinndi mbung mbung tak worabokluk kobong tak kunpuwag-o.

OROMA 5:1

Iri bem-e, nit ninndi angin tubu yidnak pem lud tak nak ninpidnak me, Nenagawan Indo Yesus Kerisut ebem nir-e Mbal Pem Nagawan imin lambuk tak ninpidnak worali-o.

1 KORINTUS 10:17

Mburu iri-ge misiget nak me, nit pidsa nenpe kwarar-et nde, mburu iri ninggidnak me, nir-e nenpe misiget nak-nen yusu-o.

1 KORINTUS 7:15

Alat nde, un ala na, ogwe ala na, at indi angin tubu yigit lak iri-nen-e at indi angin tubu yidnak iri keya burak indi wok yosola-ge, keya-t puwa-o. Iri nggal kwarak ala-ge, indi angin tubu yoso iri-ge un ala na, ogwe ala na, at iri imin kamarak ibidnag-e lag-o. Kir-e yamuksa woraboklug-e Mbal Pem Nagawan-nen yonggo kinpij-o.

2 KORINTUS 4:15

Iri mende oboksa-ge kit kenmanggim kwat yusu-o. Nde, Mbal Pem Nagawan-nen we wok ondoso elem kwarat iri-ge ap nin endam wok lik, nin endam wok lik yosolar-e, it-nen-e Mbal Pem Nagawan wa kwarat yak togola-ge, Mbal Pem Nagawan unu kek tak pogolat wolma-o.

2 KORINTUS 9:11

At-nen silobulo winde rak konposola-ge, kir-e kinndi lubug-et yi mende ndi mende tomborogola karuk, nit nenpem ala, Mbal Pem Nagawan wa yak tugwi-o.

EPESUS 4:16

Nde, Kerisut na ebem-nen-e at ebe iri na inggi ijok oboksa ariktag-et nde, ndak ndak sa kondosolar-e, il iri na-ge owak erep min kwen yosolat, ebe oboksa yindip kwindipsa panggarusu-o. Iri alat-e, inggi ijok na oboksa enariktak eneyabu wanogolar-e, ebe na oboksa-ge irit tit, irit tit nggulok yosolar-e, ap enabuwa kagwi elem pem-et ondomok nggulok yusu-o.

EPESUS 4:4

Nde, Ebe na misiget, Konak Indi na misiget, kit kinndi-ge iri bem mbung mbung tak wolmakluk, wene mbo kinpid na misiget-nen yusu-o.

EPESUS 5:1

Nde, kir-e Mbal Pem Nagawan ilirak kenabuwa worak-nen yili me, at-nen kwaroso nggal-et kwarer-o.

EPESUS 5:20

Yi mende ndi mende pidsa bem kir-e pempa ”Nineid Mbal Pem Nagawan wa-o” yak togolar-e, Nenagawan Indo Yesus Kerisut unu bem-et yak togolat wolmer-o.

KOLOSE 1:12

Yaya nak woraso sa iri me marak nap inmin winde yobokluk ndak tak kinpidnak Nineid iri imin-e ”Wiwa-o” luk yak togolat wolmer-o.

KOLOSE 2:7

at ebem kennlengen kundik woragolat, at ebem-et tugup lak mendak wolmer-o. Mirik kinpidnak na ndak ndag-et kinndi angin tubu yidnak na bem tugup lak woragolar-e, at imin-e ”Wiwa-o” luk kwarat yak togolat wolmer-o.

KOLOSE 3:17

Yi kwatlik ndi kwatlik kwarogolat na, yi wene ndi wene yogolat na, Nagawan Indo Yesus unu bem-net iri pidsa kwarogolar-e, at ebem-nen Nineid Mbal Pem Nagawan imin-e ”Wiwa-o” luk yak togolat woragup na-e.

1 TESALONIKA 5:18

Nde, Yesus Kerisut imin kundik woragolat-nen Mbal Pem Nagawan indi-n pidnak kwarugwi-ge yu-o: Kir-e yi mende ndi mende kwat kinpidnak pem Mbal Pem Nagawan wa yak togolat wolmer-o.

1 TIMOTIUS 2:1

”Nanduk tak posolar-e, ap pidsa enmanggim Mbal Pem Nagawan emengen mbarogolar-e, tepan yogolat, Mbal Pem Nagawan nggi yak togolat, wa yak togolat wolmer-o” luk an-nen-e kiri keresa yak kundusu-o.

1 TIMOTIUS 6:12

Kindi angin tubu yidnak wim-e konag-et tomborosolat wolmin-o. Iri kwarosolar-e, unlug-et woralik nalik momtak elem wanugun-o. Kar-e ap kwarat inmbiri bem-et ”Nindi angin tubu yigi-o” luk kinggirigen tarem-e Mbal Pem Nagawan-nen unlug-et woralik nalik momtak elem wok kururak pem wene mbo kibid irir-o.

IBERANI 13:15

Iri bem-e Mbal Pem Nagawan amanggim wam wosa pidnak nggal pogolar-e, Yesus ebem-nen nir-e pempa Mbal Pem Nagawan erembel wanogolat wolmog-o. Nde, at amanggim pogolar-e, nit nenemnde nggwe-nen at unu luk, at unu pempa kek tak pogolat wolmog-o.

NAM PARA WENE 7:12

yogolar-e: ”Amin-o! Nit Nenmbal Pem Nagawan iri-ge erembel wanogolat, at nak kek tak pogolat, indi nggat nggat worak-nen yusu-o. Nit Nenmbal Pem Nagawan iri-ge at nak wiwa-o yak togolat, at ambigit nak tebe yogolat yurak Mbal Pem Nagawan iri-ge o tena buruk wolmomtak amawi min amawi worak pem-et woralik nalik woraso Mbal Pem Nagawan-nen yusu-o. Amin-o!” luk yiga-o.