KOLOSE 3:11 - Nanduk Ngget Tul Pidnak Wene

¹¹ Iri bem-e, enlem nin nab-o luk, Yawuri nab-o luk na lak, iniye ambasap wabidnag-o luk iniye ambasap wabigit lag-o luk na lak, ap enlem oboksa ennggendumu-nen misik kek tak, misik teberak na lak, ndegel unpugwi-o luk, weserak woragwi-o luk na lag-o. Are, oboksa iri-ge Kerisut-nen yusu-o. Kerisut it oboksa inmin misiget yidnak-nen yusu-o.

KOLOSE 3:11 ပူးပေါင်းရင်းမြစ်များ

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 52:10

Nagawan Indo-nen-e at-nen idnak amawi-ge ap enlem oboksa inmbiri bem nam tak pusu-o. Nam tak posola-ge, yi wi ndi wi oboksa-nen nit Nenmbal Pem Nagawan-nen ninmiri yoso elem iri na-ge kujwa-o.

OSEA 2:23

An-nen-e nilirag-e it unuwi nggweyak pem unpumu, enalen pem irit wolma-o. Nde, it unnu yogolat ’Enabuwa kaso buk’ yugwi ereba na-ge an-nen enabuwa kaso-o luk mirik inpimin-o. Nde, it erep unnu yarogolat, ’At ilirag-e lak’ yugwi ereba na-ge ’Kir-e an nilirag-o’ yak indimin-o. Iri yosola, it-nen onggo yogolar-e: ’Kar-e nit Nenmbal Pem Nagawan-nen yusu-o’ luk yuwa-o” luk yij-o.

AMOS 9:12

Nde, Isarael nap-nen-e o Erom nggweyak siyak wanigit lak woraso ereya min ap enlem oboksa nandug-e an narengge woragwi ereba na min-et Isarael nap-nen urugwe nggwe rak unpuruk wolma-o. An-e Nagawan Indo-nen yigi-o. Wene iri-ge an-net kwarimin-o” luk yij-o.

MIKA 4:2

It oboksa-nen yogolar-e: ”Isarael Embal Pem Nagawan iri na ama lagolar-e, Nagawan Indo ondobo bem lujwog-o! At-nen nit-nen kwarurak wene-ge mul nunduwa-o. Nagawan Indo-nen mul nondoso wene iri-ge Yerusalem-nen lobok yoso me, nir-e at urula nak mborogolat wulmul-o. Sion-nen at-nen-e at ilirak inmin wene yak ondoso-o” luk yuwa-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

YOANES 14:23

Yosoloma-ge, Yesus-nen at yak tosolar-e: ”An nabuwa kaso nap-nen-e an-nen yidnak yidnak nak kwaruwa-o. An Neid-nen-e at abuwa kasolat, nde, an Neid nenmbereg-e at eram lobok yulndik, at imin wulmul-o.

YOANES 15:5

E elem-e an-net yusu-o. Nde, inggi-ge kit-net yili-o. Ap-nen an narem puksa woralat, an na at arem puksa woralat yidnak nap-nen-e engen kwarat lombok puwa-o. Nde, kir-e an narem puksa woragit lak ala-ge, yi kwatlik ndi kwatlik kwarugup pug-o.

YOANES 17:23

Nde, it na-ge mondok misiget maklug-e, an-e it enarem woralat, nde, kar-e an narem worasola-ge, nggweyak ma nap-nen-e kat-nen an wirik nibil lobok yij-o luk enaru yogolat, kat-nen an nabuwa kaso nggal, it na enabuwa kasu-o luk enaru yogolat ma-o.

YIDNAK YIDNAK WENE 15:17

Nde, enlem nin nap oboksa-nen Nagawan Indo ogore yogolat, an narengge rak pidnak enlem nin nap min-et Nagawan Indo ogore yogolat makluk, o iri wirimin-o luk

YIDNAK YIDNAK WENE 28:2

Iri me woragwi nab-e wa kwarat yak nunduruk, talme mbosolat me, toro ala karuk, nenmanggim kan maburuk, nit pidsa wok ninpiga-o.

YIDNAK YIDNAK WENE 28:4

O iri woragwi nap-nen yik kaiganggal-e, lese na at inggi bem yilik puruk tiyong yidnak ala, it nak it nak yak kerak mbogolar-e: ”Ap yu-ge ndemeret ap woroso nde ma-o. Nde, ar-e yi emndam-nen mengga wagaij-et nde, mot mot yoso kugi-nen wiridnak me, mondok uruk ma bug-o” luk yiga-o.

OROMA 1:14

Nde, Yunani nap na irit, enlem nin nap na irit, enaru nap min enaru buk nap min it pidsa enpem an-e namat nebem pidnak worasu-o.

OROMA 10:12

Nde, Yawuri nab-e arik nggal, enlem nin nap na arik nggal-e lak me, ap pidsa innggiri wuruwa bug-o. Mbal Pem Nagawan misiget iri-ge ap pidsa-nen idnak Nagawan Indo-nen yusu-o. Ap pidsa-nen at ebem nggi yogola-ge, imbiringgat mende kwarat nggilara wok ondoso-o.

OROMA 3:22

It inndi-ge Yesus Kerisut ebem angin tubu yidnak pem-e Mbal Pem Nagawan-nen-e lud tak nak onposo-o. Iri yusu iri-ge Mbal Pem Nagawan-e ap enpage lombonoso buk me, Yesus ebem inndi angin tubu yili nap oboksa-ge lud tak nak unpusu-o.

OROMA 3:29

Nde, Mbal Pem Nagawan na-ge Yawuri nap nak Enmbal Pem Nagawan-a? Mbal Pem Nagawan-e enlem nin nap na Enmbal Pem Nagawan-nen yusu-ge lag-a? Ndemeret, ar-e enlem nin nap Enmbal Pem Nagawan-net yusu-o.

1 KORINTUS 12:13

Iri nggal-et, nit pidsa-ge Yawuri nap na irit, Yunani nap na irit, ndegel unpuwakluk onnggo pidnak nap na irit, weserak woragwi nap na irit, Konak Indi misiget iri-nen nit pidsa ebe misiget tak nenpeyekluk yi ma nonposola, nit pidsa-nen yi ninggidnak nggal Konak Indi misiget nak mak nondosola, nili-o.

1 KORINTUS 14:11

Alat nde, an-nen koloso buk wene bem yosola-ge, iri yusu nab-e an nimin-e ap sal nggal-et ma-o. Nde, an-e at imin na ap sal nggal-et yimin-o.

1 KORINTUS 7:19

Iniye ambasap wabugwi min wabugwi buk min iri-ge ija-ge lag-o. Are, Mbal Pem Nagawan-nen ”Irit kwaru-o” yidnak iri na-t yidnak yidnak kwarurak iri perak nggulog-o.

NGGALATIA 2:20

An nuruk worasu yu-ge an-nen nuruk worasu-ge lag-o. Are, Kerisut perak nde an narem uruk worasu-o. Nde, yawo an nuruk worasu yu-ge, an nabuwa-nen at-net at ambikpebe iminep wesel koragaid nap, Mbal Pem Nagawan Ambara ebem nindi angin tubu yidnak pem-net nuruk worasu-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

EPESUS 1:23

Nde, lambuk tak inpidnak nap iri-ge Kerisut ebe-nen yusu-o. Iri yidnak nap-nen-e Kerisut na ndak tak ibili-o. Nde, Kerisut iri-nen-e yi mende ndi mende oboksa-ge ndak tak poso-nen yusu-o.

EPESUS 2:14

Nde, Kerisut-e nit lambuksa woragwi elem-nen yusu-o. Yawuri nap min enlem nin nap min-e at-nen enlem misiget tak inpij-o. It sirid mbarak ennggendumu kuri worak pak wiridnak iri na-ge at ondomok ebe wisirik pid pem-nen mijarak pij-o.

EPESUS 2:15

At-nen-e imiri mbarak pidnak wene min wene na-nen ”Iri nggal kwaru-o” yidnak wene min-e lak tak pij-o. Iri kwarid iri-ge enlem mberen kuri worak woraidnak iri na-ge at ondomok ebem-nen lambuksa ap elem ngget misiget nak kwarak puruk, lambuk tak enpeyekluk-nen kwarij-o.

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

EPESUS 3:6

Kura wene iri na-ge yu-o: Aid wene bem-nen it enlem nin nab-e Mbal Pem Nagawan imbiringgat mende na Yawuri nap min it totno winde yogolat, ebe misiget na inggi ijok kwat yogolat, Mbal Pem Nagawan-nen Kerisut Yesus ebem urul paga yak indidnak wene na lambuksa winde yogolat yili-o.

EPESUS 6:8

Nde, ndegel unpugwi nap na, wisirik woragwi nap na, it eneyabu konak nak wanidnak ala-ge, Nagawan Indo-nen onggo wok unduwa-o luk kir-e kenaru nar-o.

KOLOSE 2:10

Nde, kir-e at imin kundik woragola, iminep mbarak kinpidnak worali-o. Nde, iri-ge nggweyak ma woragwi pemerinta nde enmawi worak mendak inpidnak nde enanggul-nen yusu-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

2 YOANES 1:9

Kerisut-nen mul indidnak wene iri na puksa tena woragit lak, are, Kerisut-nen mul indidnak keya buruk mburuwa nab-e Mbal Pem Nagawan imin kundik worasu bug-o. Alat nde, Kerisut-nen mul indidnak wene iri na puksa tena worasu nab-e Eid min Ambara min inmin kundik worasu-o.