KOLOSE 3:1 - Nanduk Ngget Tul Pidnak Wene

¹ Kir-e Kerisut imin kunluk tak pidnak me, teram woraso mende nak kore yer-o. Teram iri me-ge Kerisut-e Mbal Pem Nagawan inggi kigit nggwe koreyak worasu-o.

KOLOSE 3:1 ပူးပေါင်းရင်းမြစ်များ

NDAWI ENGGA 110:1

Nagawan Indo-nen an-nen idnak nagawan iri na yak tosolar-e: ”Kar-e neralu ninggi kigit ambigit nggwe koreyak irit worasoma, kat kuwim nab-e an-nen kuwokma rak inpimin-o” luk yij-o.

NDAWI ENGGA 16:11

Kat-nen unluk woragwi sa tula mirik nubugun-o. Kat nak-nen enalen elem kobong tak nobosolat, pem-et enalen pem woragwi elem wok nurusu-o.

NGGOMO WENE 15:24

Inndi worak nap-nen-e lak tak unpurak sa mbugwi tu iri na nggwe keya buruk, tula unluk wolmomtak sa lagwi tu eid na nggwe-t lali-o.

MATIUS 22:44

’Nagawan Indo-nen an-nen idnak Nagawan Indo yak tosolar-e: Kat kimin wim nab-e kat kuwok unggutmu teberak inpigit lak ma, kar-e an ninggi kigit nggwe koreyak wolmin-o’ luk yij-o.

MATIUS 26:64

Yesus-nen wene erep nggarosolar-e: ”Wene iri-ge kat-nen yigen-o. Alat nde, an-nen yak kendeyeg-o: Yawo tarem-nen-e Ap Ambara na-ge Mondok Amawi Worak Nap inggi kigit nggwe koreyak-nen aid arem-nen nggan nggan arem lobok yosola, kagub-o” luk yij-o.

MATIUS 6:20

Alat nde, kisilobulo iri-ge aid arem ndok wosa purag-o. Iri me-ge lak tak purak pase min sil min-e lag-o. Nde, yariya wanugwi nap-nen o mijatluk, yariya wil nggugwi buk sa-o.

MATIUS 6:33

Alat nde, kit-nen Mbal Pem Nagawan-nen tenagaidnak wi min at-nen lud tak nak tak onposo elem min nanduk tak pugupndig-e, iri mende oboksa wok kunduwar-o.

MARAKUS 12:36

Ndaud at na Konak Indi-nen yak tosola, Ndaud-nen yosolar-e: ’Nagawan Indo-nen an-nen idnak Nagawan Indo yak tosolar-e: An ninggi kigit nggwe koreyak irit worasoma, kat kuwim nab-e an-nen kat kuwok unggutmu teberak inpimin-o luk yak tij-o.’

MARAKUS 14:62

Yosoloma-ge, Yesus-nen yosolar-e: ”An-e Kerisut-net yusu-o. Nde, Ap Ambara iri-ge Mondok Amawi worak Nap inggi kigit nggwe koreyak worala, kagub-o. Mbal pem-nen nggan nggan arem lobok yosola, kagub-o” luk yij-o.

MARAKUS 16:19

Nde, Nagawan Indo Yesus-nen it na wene iri na yak ondosolug-e, aid arem konok turuk lasolar-e, Mbal Pem Nagawan inggi kigit ambigit nggwe kore yij-o.

LUKAS 12:33

Kit kinsilobulo onggo wanurug-e onggo wok kindidnag-e insilobulo lak nap tembesa wok ender-o. Konkot manik ndelep yoso buk yaguruk, kinsilobulo lak yurak puk sa aid arem pogolat wolmer-o. Nde, aid arem pidnak me-ge, yariya wanugwi nap-nen yariya wanogolat, sil-nen mbarosolat yoso buk sa me, lag-e ma bug-o.

LUKAS 20:42

Nde, Ndawi Engga bem-nen Ndaud at-nen yosolar-e: ’Nagawan Indo-nen an-nen idnak Nagawan Indo yak tosolar-e: An ninggi kigit ambigit nggwe yu-t koreyak worasoma, kat kuwim nab-e an-nen kat kuwok unggutmu teberak inpimin-o luk yak tid na-t nde-o’.

LUKAS 22:69

Alat nde, yawo kuri-nen Ap Ambara an-e Mondok Amawi worak Mbal Pem Nagawan inggi kigit eralu koreyak woramin-o” luk yij-o.

YIDNAK YIDNAK WENE 2:34

Ndaud na-ge aid arem-e lagit lag-et nde, at ondomok-net yosolar-e: ’Nagawan Indo-nen an Nagawan Indo yak tosolar-e: ”Kat kimin wim nab-e kat kijok ondoro rak enpeyek-nen kar-e an ninggi kigit eralu yu me koreyak wolmin-o” luk yak tij-o.’

YIDNAK YIDNAK WENE 7:55

Alat nde, Sepanus na-ge Konak Indi-nen arem kobong tak woralat-nen-e erengen aid arem lik kagaidnggal-e, Mbal Pem Nagawan abinal karug-e, Yesus na-ge Mbal Pem Nagawan inggi kigit nggwe mendak worala karuk,

OROMA 8:34

ta-nen nenpem wene mbaruwa-o? Kerisut Yesus na wat yij-et nde, uruk tak pamu, Mbal Pem Nagawan inggi kigit nggwe woralar-e, nit nenmanggim Mbal Pem Nagawan emengen mbal tenak worasu-o.

OROMA 8:6

Ki nap-nen kwarugwi mende-t yebet kali iri-ge wat yugwi-nen yusu-o. Nde, Konak Indi-nen kwaroso mende-t yebet kali iri-ge unlug-et woragwi elem min yamuksa woragwi elem min-nen yusu-o.

2 KORINTUS 4:18

Nit nenlengen-nen kwara yik kagolar-e, enlengen-nen kagwi mende-ge kali bug-o. Are, kagwi buk mende irit yik kali-o. Enlengen-nen kagwi mende-ge luru wolmomtak-nen yusu-t nde, kagwi buk mende-ge woralik nalik momtak-nen yusu-o.

EPESUS 4:10

Nde, mbuwagaid nap iri na-t mbal oboksa ombol nggwe terak menna lagaid iri-ge, yi mende ndi mende oboksa at-net ndak ndak tak peyekluk-nen lagaij-o.

EPESUS 5:22

Kununtak worak kwami wa-e. Kir-e Nagawan Indo urugom tebe yili nggal-et kununtak unlugom tebe yer-o.

KOLOSE 2:20

Kir-e Kerisut imin wat yogola, nggweyak yu tena woraso indi na inggem-nen weserak kinpij-et nde, kir-e noluk-nen nggweyak ma yu me-nen kwarugwi mende yeba nggal kwat tenak worali-o?

KOLOSE 3:2

Kit kinndi-ge nggweyak ma mende bem wat tak purak pug-o. Are, teram woraso mende bem-et wat tak wolmer-o.

IBERANI 1:13

Nde, Mbal Pem Nagawan-nen aid nap misiger-o luk tet yak tosolar-e: ”An-nen-e kat kimin wim nab-e kat kijok ondoro nggal tak enpeyekluk worala-ge, kar-e an ninggi kigit nggwe koreyak wuri-o” luk mondok yak ondoso bug-o.

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

IBERANI 10:12

Alat nde, Kerisut-nen-e ap-nen meya yogolat woraidnak pem misiget pem nak Mbal Pem Nagawan amanggim wosa posolar-e, pem-et woralik nalik wolmomtak mende irit puruk, Mbal Pem Nagawan inggi kigit nggwe kore yij-o.

IBERANI 12:2

Nenlengen-e Yesus ebem-et kere kererak wolmog-o. Nde, nit ninndi at ebem angin tubu yul kuri-nen woroksiyem kuri Yesus-nen nak yongga nunduwa-o. Yesus na-ge e lang pang tak pem wat yosolar-e, abok-nen nalen kamin-er-o peraruk-nen e lang pang tak pem wat yogolat-nen ininggiri kagwi na kagit lak wat yij-o. Watlug-e, Mbal Pem Nagawan-nen koreyak woraso sa iri na inggi kigit ambigit nggwe yawo na koreyak worasu-o.

IBERANI 8:1

Nit-nen yu yili wene yu ebe-ge yu-o: Nit nentepan ombo nggulok iri nggal kwarak iri-ge Mbal Pem Nagawan Mondok Kek tak aid arem woraso-nen koreyak woraso sa inggi kigit ambigit nggwe koreyak worasu-o.

1 PETERUS 3:22

Yesus Kerisut iri-ge aid arem lagarik, yawo-ge Mbal Pem Nagawan inggi kigit nggwe koreyak woralar-e, aid nap min aid arem pemerinta min amawi worak mende pidsa-ge at nak-nen tena worasu-o.