KOLOSE 2:8 - Nanduk Ngget Tul Pidnak Wene

⁸ Iri ala-ge, ap-nen kinndi wanogolar-e, ki nap enaru yidnak wene bem-nen na, ebe lak mende onmbol pem lagwi wene, ki nap-nen mul undugwi wene lom nde nggweyak ma yu tena woraso indi-nen yidnak wene bem-nen na ming kunpuwa naru, kwara-t wolmer-o. Wene iri-ge Kerisut-nen yidnag-e lag-o.

KOLOSE 2:8 ပူးပေါင်းရင်းမြစ်များ

MATIUS 10:17

Ap oboksa enabiyem-o luk kwil kwalsa wolmer-o. Ap erep-nen-e kit wok kunpuruk, wene mbarugwi nap endam kinpil mborogola, it-nen idnak tepan yugwi ma ereba me-nen linggamburok kunduwa-o.

MATIUS 16:6

Alama-ge, Yesus-nen it yak ondosolar-e: ”Kinndi kwara yebet kagolat wolmer-o. Parisi nap min Saruki nap min-nen idnak oroti lomboroso mende iri abiyem-o luk kwil kwalsa wolmer-o” luk yak indij-o.

MATIUS 7:15

”Enesiget wene owak ngara yugwi nap iri enabiyem-o luk kwil kwalsa wolmer-o. It iri na kit kendamlobok yogolar-e, enpage-ge lomba wam abage nggal lobok yuwa-t nde, it enarem-e ndemeret isilepma worak ndakngge-net yili-o.

YIDNAK YIDNAK WENE 17:18

Nde, ap nggomo undugwi nap ereb-e Epikuros nap min Stoa nap min-e Paulus imin wene onggo onggo yogolat-nen it erep-nen imin yogolar-e: ”Indi-ge mbirigit lag-et wene yoso yu-ge no wene yusu-o?” luk yiga-o. Nde, at-nen Yesus owene min at uruk yidnak wene min yak ondosola, it erep-nen yogolar-e: ”Ap yu-ge ap sal unkugi owene yoso-o” luk yiga-o.

YIDNAK YIDNAK WENE 17:32

Nde, it-nen-e wat yidnak nap uruk tak pidnak wene na kulurug-e, ap ereb-e nggweyel ibiga-t nde, it erep-nen yogolar-e: ”Wene yu-ge tuguruk kuluwok-nen misik tarem na yurag-o” luk yiga-o.

OROMA 16:17

Nowe nowosi wa-e. Ap kuri worak onpogolat, inndi angin tubu yidnak lak tak pogolat, mirik kinpidnak wene owak na kuruk togolat kwarugwi nap enabiyem-o luk kir-e kwil kwalsa wolmer-o luk an-e kiri keresa kenmengen mbarusu-o.

1 KORINTUS 10:12

”An-e nggwelsa mendak worasu-o” perasu nab-e wosa mbimin naru, indi mbera-t wolmag-o.

1 KORINTUS 8:9

Alat nde, kit weserak kinpidnak pem kwarugup iri-nen-e ndeyak yidnak nap iri enare pugup naru, kinndi kwara wolmer-o.

2 KORINTUS 10:5

Ap enmberam lagwi wene iri-ge lak tak pogolat, Mbal Pem Nagawan enaru mul naru inndi kek tak pem wiridnak kerep pak ndamarak pogolat yili-o. Nit ninndi-nen peragwi oboksa yemendak puruk Kerisut-nen yidnak yidnak nak kwaruwakluk indipma rak pili-o.

NGGALATIA 1:14

An nanggul mbilit Yawuri nap-nen-e Yawuri nap-nen tena woragwi wene na tena woraiga-t nde, an-e wene na tena worasolar-e, terak minik nggal-et kwarosolat woragi-o. Ir-e nenlawingga-nen kwarugwi-ge kwarogolat woraiga-t nde, an-e terak minik irit kwara kwarosolat woragi-o.

NGGALATIA 4:3

Iri nggal-et, nit-nen na li marik nggal woragolar-e, nggweyak ma yu me kek tak woragwi inndi na ininggem woragolat, it ndegel unpugwi nap woraige-o.

NGGALATIA 4:9

Alat nde, yawo-ge kir-e Mbal Pem Nagawan kenaru luk – are, yawo-ge Mbal Pem Nagawan-nen kit aru yij-o luk yurag-et nde – nggweyak ma kugi ndeyak, arengge lak kugi na kir-e tuguruk ndegel ubuwokluk, nden karuk eram mbururak kinndingen-a?

NGGALATIA 5:15

Alat nde, kit na kit-net neyak puk keyak puk mbogolat, suwal kerak mbogolat yugup ala-ge, kit na kit-net kenambikpebe lak yugub-o luk mondok kwara wolmer-o.

EPESUS 2:2

Woragolar-e, kir-e nggweyak ma yu me-nen kwarugwi mende nak kwarogolat teram enggendumu yu tena woraso indi nagawan-nen yidnak yidnak nak kwarogolat woraigeb-o. Indi nagawan iri na-ge yawo-ge Mbal Pem Nagawan ene kuruk tugwi nap enarem yabu wanoso-nen yusu-o.

EPESUS 4:20

Alat nde, kir-e Kerisut kenaru yogolar-e, iri nggal kwarugwi-ge kenaru yigir-e lag-o.

EPESUS 5:6

Ap-nen-e ebe lak wene iri na yak kondogolat, konmbol pem ludtag-e meya-o. Iri nggal kwarogolat woraidnak pem-e Mbal Pem Nagawan isilepma-ge at-nen yidnak wene kuruk tugwi nap enpem mbuma-o.

TUGURUK YIDNAK WENE 6:12

kir-e anggun panggun tak kunpugwi sa Mesira-nen weserak kinpid nap Kenmbal Pem Nagawan iri na meme rak pul naru mondok kwara wolmomtag-o.

PILIPI 3:2

Yengge min meya kwarugwi nap min we onmbol nggwe enaboro mbarugwi nap min enabiyem-o luk kwara-t wolmer-o.

KOLOSE 2:18

Enesiget nde, it ondomok inndi tebe luk, aid nap entembel wanogolat, nabi nggwe nggal kaidnak nggulok tak pogolat kwarugwi nap-nen-e urugwe nggwe rak kunpuwakluk, nggeyok yurak pug-o. Iri kwarugwi nab-e ki nap inndi-n yebet kagwi bem it ondomok kek yugwi-nen yili-o.

KOLOSE 2:20

Kir-e Kerisut imin wat yogola, nggweyak yu tena woraso indi na inggem-nen weserak kinpij-et nde, kir-e noluk-nen nggweyak ma yu me-nen kwarugwi mende yeba nggal kwat tenak worali-o?

KOLOSE 2:22

Iri nggal kwarugwi oboksa iri-ge kwatlug-e, lak yoso-nen yusu-o. Iri nggal kwarugwi iri-ge ki nap-nen yugwi wene min ki nap-nen mirik unpugwi wene min-nen yusu-o.

KOLOSE 2:23

Nde, aid nap entembel wanugwi min nam nariya inndi tebe yugwi min enpe andi bandi rak pugwi min yik kagolar-e, wene iri-ge enaru yidnak nap-nen yidnak nggal kali-t nde, wene iri-nen-e ap enpe-n ukwe ukwe yugwi mende ndak tak purag-e ebe lak mende-nen yusu-o.

1 TIMOTIUS 6:20

Timotius wa-e. Kat kebem pidnak mende iri-ge kwara parugu wolmin-o. Nde, ebe lak wene min Mbal Pem Nagawan indi-n peraso buk wene min enaru yugwi mende-o luk yidnag-et nde, iri wene lit lit eyak wat kerak mbugwi wene min erep tenagurak pug-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

IBERANI 3:12

Nanggamirak wa-e. Kit kennggendumu ap misik-nen indi meya yosolat, indi angin tubu yigit lak yuwarik me, urug-et woraso Mbal Pem Nagawan urula keya buwa naru, kir-e kwara wolmer-o.

1 PETERUS 1:18

Kir-e ebe lak mende kwarugwi iri-ge, kit konmborak-nen kenpem pidnak mende na kwarogola, iri kwarugwi na weserak kenpeyekluk nonnggo pid iri-ge lak momtak mende perak posid min emas posid min pem-e pigit lag-o luk kenaru mer-o.

2 PETERUS 3:17

Alat nde, nanggamirak kenabuwa worak wa-e. Wene yu-ge kir-e kenaru nar-o. Iri bem-e, Mbal Pem Nagawan-nen yidnak wene kwarugwi buk nap-nen kabak woragwi ndak ndak kabak tak konpogolat, kit-nen tugup lak tena woragwi na kabak tak kunpuwa naru, kwil kwalsa wolmer-o.

2 YOANES 1:8

Iri bem-e kit-nen yabu wanugup na onggo lak we irit wabugup naru, onggo ndak ndak wanobokluk, kwara wolmer-o.