KOLOSE 2:7 - Nanduk Ngget Tul Pidnak Wene

⁷ at ebem kennlengen kundik woragolat, at ebem-et tugup lak mendak wolmer-o. Mirik kinpidnak na ndak ndag-et kinndi angin tubu yidnak na bem tugup lak woragolar-e, at imin-e ”Wiwa-o” luk kwarat yak togolat wolmer-o.

KOLOSE 2:7 ပူးပေါင်းရင်းမြစ်များ

NDAWI ENGGA 1:3

yi eyak pem yagidnak e misik yabosoma, engen poso tarem-net e na engen poso-o, angga na lera mboso buk e nggal-nen yili-o. It-nen kwarugwi mende iri-ge pidsa konak nak kwatli-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

LUKAS 6:48

Iri kwaroso nab-e o wiridnak nap misik nggal-nen yusu-o. O wereyeklug-e, nggweyak lilara mbid mbij-e o mabin-e kerep pem puruk wirij-o. Worak puruk worasoma-ge, yi ebe wasolar-e, o na wat kagaij-et nde, o iri-ge paro kerep pem pidnak me, landera mbud tak pigit lag-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

2 KORINTUS 1:21

Mbal Pem Nagawan at nak-nen-e Kerisut ebem nit min kit totno mondok tugup lak tak nonposolat, at nak-nen len nonposolat,

EPESUS 3:17

it inndi angin tubu yidnak pem Kerisut-e it inndi arem wolmag-o” luk kenmanggim tepan yoso-o. Kir-e ap enabuwa kagwi elem iri na bem kenmengen kwen yogolat, iri bem na tugup lak woragolar-e,

EPESUS 4:21

Nde, kir-e ndemeret at owene kuligep me, ndemeret wene iri-ge Yesus ebem worasu iri na-t mul kindiga-o.

EPESUS 5:20

Yi mende ndi mende pidsa bem kir-e pempa ”Nineid Mbal Pem Nagawan wa-o” yak togolar-e, Nenagawan Indo Yesus Kerisut unu bem-et yak togolat wolmer-o.

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

KOLOSE 3:17

Yi kwatlik ndi kwatlik kwarogolat na, yi wene ndi wene yogolat na, Nagawan Indo Yesus unu bem-net iri pidsa kwarogolar-e, at ebem-nen Nineid Mbal Pem Nagawan imin-e ”Wiwa-o” luk yak togolat woragup na-e.

1 TESALONIKA 5:18

Nde, Yesus Kerisut imin kundik woragolat-nen Mbal Pem Nagawan indi-n pidnak kwarugwi-ge yu-o: Kir-e yi mende ndi mende kwat kinpidnak pem Mbal Pem Nagawan wa yak togolat wolmer-o.

2 TESALONIKA 2:17

kit kinndi eyak worosolat, konak nak kwarogolat, konak wene nak yogolat yobokluk-nen amawi wok kondosolat mag-o.

IBERANI 13:15

Iri bem-e Mbal Pem Nagawan amanggim wam wosa pidnak nggal pogolar-e, Yesus ebem-nen nir-e pempa Mbal Pem Nagawan erembel wanogolat wolmog-o. Nde, at amanggim pogolar-e, nit nenemnde nggwe-nen at unu luk, at unu pempa kek tak pogolat wolmog-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

1 PETERUS 5:10

Alat nde, kir-e we marig-et nak andi bandi kagolug-e, Mbal Pem Nagawan at nak-nen-e iminep mbarak konposolat, tugup lak tak konposolat, amawi rak konposolat, yogo konposolat ma-o. Nde, we wok ondoso mende pidsa elem Mbal Pem Nagawan-nen-e Kerisut ebem-nen at abinal pem-et woralik nalik momtak abinal worak irit yobokluk, wene mbo kinpij-o.

YURAS 1:12

Kir-e kenggamirak inmin kondogolat-nen nunggwi mende nggok saguruk nonggola tarem it inmin nonggola-ge, it iri-ge innggiri lak kasa kasa nili iri-ge kik tak konpogolat, it ondomok nak nggok tak pili-o. Nde, obube-nen puk kaso nggan nggan-et nde, talme waruk lobok yoso buk nggan nggan nggal, e engen poso tarem-et nde, engen poso buk e nggal, elem konak pidnak ma mondok umbuk yidnak e nggal-et it-nen yili-o.

YURAS 1:20

Alat nde, nanggamirak kenabuwa worak wa-e. Kit perak nde, kit na kit-net kinndi angin tubu yigep mondok marak wene iri na bem-et mendak woragolar-e, Konak Indi amawi bem-et tepan yogolat wolmer-o.

YURAS 1:24

Kit pijaksa mbugup naru, tugup lak tak kunpurak amawi worak Nap, mondok kopkap lak, kenalin kenalen min-et at unu kek tak woraso eram kunpuwa Nap,