KOLOSE 2:22 - Nanduk Ngget Tul Pidnak Wene

²² Iri nggal kwarugwi oboksa iri-ge kwatlug-e, lak yoso-nen yusu-o. Iri nggal kwarugwi iri-ge ki nap-nen yugwi wene min ki nap-nen mirik unpugwi wene min-nen yusu-o.

KOLOSE 2:22 ပူးပေါင်းရင်းမြစ်များ

YOANES 6:27

Lak yosolat, emben yosolat yoso nunggwi mende iri-ge ndegel tenak momtak pug-o. Are, emben yoso buk, pem-et unlug-et woralik nalik yaga wok ondoso nunggwi mende irit ndegel tenak wolmer-o. Nde, Ap Ambara an-e Neid Mbal Pem Nagawan-nen lenak nibidnak me, iri yidnak nunggwi mende iri-ge Ap Ambara an-nen wok kindimin-o” luk yij-o.

1 KORINTUS 6:13

Nunggwi mende iri-ge unlum amanggim-o. Nde, unlum iri-ge nunggwi mende amanggim-o. Alat nde, Mbal Pem Nagawan-nen-e unlum min nunggwi mende enmberek lak tak puwa-o. Ap enpe iri-ge uwingga mbaruwakluk-nen ndak wirigit lag-o. Are, Nagawan Indo amanggim yidnak-nen yusu-o. Nde, Nagawan Indo-ge enpe amanggim yidnak-nen yusu-o.

KOLOSE 2:21

”Iri-ge mondok imin na kenpem yurak pug-o” luk, ”Iri-ge mondok undu wal kudtak pug-o” luk, ”Iri-ge mondok tena na purak pug-o” luk yili-o.

TITUS 1:14

Ir-e Yawuri nap-nen yugwi tisiya wene min ndemeret wene keya bidnak nap-nen yugwi wene min keya buwakluk, nggomo indi-o.

2 PETERUS 2:12

Alat nde, it iri na-ge indi lak wam nggal-et kwatli-o. It ap iri-ge tenaguruk, wururak pem nak ndesa mbidnak anggam naso ndakngge nggal-nen yili-o. Ir-e kwara inndi yebet kagit lag-et nggweyel inpili-o. Nde, anggam naso ndakngge wurugwi nggal, it ondomok-nen kwarugwi iri-net it lak tak unpuwa-o.

NAM PARA WENE 17:18

Kwe kaigen iri-ge nggweyak ma worali nagawan nagawan oboksa tena unpuruk woraso o siri nggulok iri-net yusu-o” luk yij-o.