KOLOSE 2:20 - Nanduk Ngget Tul Pidnak Wene

²⁰ Kir-e Kerisut imin wat yogola, nggweyak yu tena woraso indi na inggem-nen weserak kinpij-et nde, kir-e noluk-nen nggweyak ma yu me-nen kwarugwi mende yeba nggal kwat tenak worali-o?

KOLOSE 2:20 ပူးပေါင်းရင်းမြစ်များ

YOANES 15:19

Nde, kit nde nggweyak ma nap min-et kundik woraigep nggal-e, nggweyak ma nap-nen-e yu-ge nit mende-o luk kit kenabuwa kaleb-o. Alat nde, nggweyak ma nap ennggenggerak-nen an-nen len kinpidnak me, kir-e nggweyak ma nap inmin kundig-e lag-o. Iri bem-e nggweyak ma nap-nen-e insili rak kinpili-o.

2 KORINTUS 10:3

Nir-e ndemeret nggweyak ma yu me worali-t nde, nggweyak ma nap-nen wim tumburugwi nggal wim timbitli bug-o.

NGGALATIA 4:3

Iri nggal-et, nit-nen na li marik nggal woragolar-e, nggweyak ma yu me kek tak woragwi inndi na ininggem woragolat, it ndegel unpugwi nap woraige-o.

NGGALATIA 6:14

An perak nde Nenagawan Indo Yesus Kerisut-nen idnak e lang pang tak iri bem nak nindi kek tak pimin-o. E lang pang tak iri-nen nggweyak ma nap-nen kwarugwi inndi-ge namanggim wat yamu-o. Nde, e lang pang tak iri bem-et an na nggweyak ma nap-nen kwarugwi inndi amanggim wat yukmu-o.

EPESUS 2:15

At-nen-e imiri mbarak pidnak wene min wene na-nen ”Iri nggal kwaru-o” yidnak wene min-e lak tak pij-o. Iri kwarid iri-ge enlem mberen kuri worak woraidnak iri na-ge at ondomok ebem-nen lambuksa ap elem ngget misiget nak kwarak puruk, lambuk tak enpeyekluk-nen kwarij-o.

KOLOSE 2:14

nit namat meya yidnak wene, ”Iri nggal kwaru-o” luk yidnag-et nde, nit-nen tarugwi engga mbarak iri-ge lak tak posolar-e, e lang pang tak pem luruk wosa panggarak pij-o.

KOLOSE 2:16

Iri bem-e, nunggwi mende bem ala na, yi norak wene bem ala na, inik inik sakwi wene bem ala na, waneya ngget yarosola kwarugwi bem ala na, we woragwi wene bem ala na, ap-nen ”Iri nggal-o” luk yak kondogola-ge, kulurak pug-o.

KOLOSE 2:21

”Iri-ge mondok imin na kenpem yurak pug-o” luk, ”Iri-ge mondok undu wal kudtak pug-o” luk, ”Iri-ge mondok tena na purak pug-o” luk yili-o.

KOLOSE 2:8

Iri ala-ge, ap-nen kinndi wanogolar-e, ki nap enaru yidnak wene bem-nen na, ebe lak mende onmbol pem lagwi wene, ki nap-nen mul undugwi wene lom nde nggweyak ma yu tena woraso indi-nen yidnak wene bem-nen na ming kunpuwa naru, kwara-t wolmer-o. Wene iri-ge Kerisut-nen yidnag-e lag-o.

KOLOSE 3:3

Kir-e wat yigepma-o. Nde, kunluk worali iri-ge Kerisut ebem-net Mbal Pem Nagawan arem kura worali-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

YAKOBUS 4:4

Mot mot kwarugwi buk nap wa-e. Nggweyak ma mende imin panggal yili nab-e Mbal Pem Nagawan imin wim nap-nen yili-o luk kenaru bug-a? Iri bem-e, ta-nen nde nggweyak ma mende imin panggal yuwa nab-e Mbal Pem Nagawan imin wim nap kwat yusu-o.

1 YOANES 5:19

O nggweyak yu pidsa-ge Meya Kwaroso Nap inggem worasu-t nde, nir-e Mbal Pem Nagawan ilirak-net yili-o luk nenaru worali-o.