KOLOSE 2:19 - Nanduk Ngget Tul Pidnak Wene

¹⁹ It iri na-ge enanggul Kerisut na puksa tenakit lak worali-o. Kerisut na ebem-net ebe oboksa-ge ndak ndaksa ndogorosolar-e, it min emengen min-nen konda misiget tak posolar-e, Mbal Pem Nagawan indi-n pidnak pem-et nggok yusu-o.

KOLOSE 2:19 ပူးပေါင်းရင်းမြစ်များ

LUKAS 5:38

Iri bem-e, anggut engen amburu nggeret mbelag-e yimbe ngget arem-et woranggasa pil nggurag-o.

YOANES 17:21

It oboksa lambuksa misiget mak-nen an-e it enmanggim tepan yusu-o. Neid wa-e. Kar-e an narem woralat, nde, an-e kat karem woralat yili nggal, iri nggal ir-e nit nenarem wolmakluk-nen yigi-o. Iri yuwama-ge, nggweyak ma nap-nen-e an-e kat-nen wirik nibil lobok yij-o luk inndi angin tubu yuwakluk-nen tepan yusu-o.

YIDNAK YIDNAK WENE 4:32

It inndi Yesus ebem angin tubu yidnak nap pidsa-ge inndi misiget luk lambuksa woragolar-e, insilobulo-ge enariktak-nen-e ”Yu-ge an narengge-o” luk yigir-e lak. Are, ”Nit nenarengge-o” luk insilobulo-ge lambuksa irit winde woraiga-o.

OROMA 11:17

Nde, yakwi e saitun inggi erep mbarak puruk, yakwi buk mbepme woraso e saitun inggi mbarak iri-ge eraret iri na bem kundik pij-o. Kit enlem nin nab-e mbepme woraso e saitun nggal-nen yili-o. Nde, kir-e yakwi e saitun min kundik kinpidnak me, elem amburu-ge Yawuri nap inmin totno wanili-o.

1 KORINTUS 1:10

Nanggamirak wa-e. Nit Nenagawan Indo Yesus Kerisut unu bem nggomo kundusu-o. Kir-e kinndi misiget nak worabokluk kuri wat wat woragup naru, lambuksa woragolar-e, kinndi misiget nak woragolat, wene misiget nak yebet kagolat wolmer-o.

1 KORINTUS 11:3

Alat nde, wene yu-ge kit-nen kenaru yurak iri-ge nindingen-o: Ap pidsa enanggul-e Kerisut-nen yusu-o. Nde, kwe anggul-e un-nen yusu-o. Nde, Kerisut anggul-e Mbal Pem Nagawan-nen yusu-o.

1 KORINTUS 3:6

An-nen uwi yaki-o. Apolos-nen yi kilij-o. Alat nde, wirik poso-ge Mbal Pem Nagawan-nen nag-o.

EPESUS 1:22

Mbal Pem Nagawan-nen yi mende ndi mende oboksa-ge Kerisut indipma rak puruk, Kerisut na-ge lambuk tak inpidnak nap ennggendumu nagawan nggulok iri rak pij-o.

EPESUS 1:23

Nde, lambuk tak inpidnak nap iri-ge Kerisut ebe-nen yusu-o. Iri yidnak nap-nen-e Kerisut na ndak tak ibili-o. Nde, Kerisut iri-nen-e yi mende ndi mende oboksa-ge ndak tak poso-nen yusu-o.

EPESUS 2:21

Kerisut ebem-nen o iri oboksa-ge obo nesa worosolar-e, obo ndege ndege irit wirik lasolar-e, Nagawan Indo ebem-nen Mbal Pem Nagawan uwi marak irit kwat yusu-o.

EPESUS 4:3

Konak Indi-nen misiget tak kinpidnak iri-ge, lambuk tak kinpidnak elem pem-et kwara tena wolmer-o.

EPESUS 5:29

Ap mbi-nen-e at ondomok ebe-ge isili rak poso bug-o. Are, Kerisut-nen lambuk tak inpidnak nap ndegel unpusu nggal, iri nggal-et ap-nen-e ondomok ebe ndogorosolar-e, nunggwi mende mak tosolat, ndegel obosolat woraso-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

KOLOSE 1:18

Nde, at ebe-ge lambuk tak inpidnak nap-nen yusu-o. Nde, enanggul-e at-net yusu-o. At ebe iri na elem-e at-net yusu-o. Nde, yi mende ndi mende bem at arig-et nak mondok kek tak wolmaklug-e, wat yidnak nap ennggendumu-nen tel korosolat uruk tak pid nab-e at-net yusu-o.

KOLOSE 2:2

Iri yusu iri-ge, it inndi yanggo luk, it na it-nen nabuwa kabuwa woragolar-e, it inndi-n kwara yebet kagola-ge, Mbal Pem Nagawan-nen idnak kura wene enaru makluk iri yusu-o. Nde, kura wene iri-ge Kerisut at-net yusu-o.

1 TESALONIKA 3:12

Nit-nen kenabuwa kali iri nggal-et kit na kit-net nabuwa kabuwa wolmomtak elem min nin nap enabuwa kudtak elem min-e Nagawan Indo-nen-e utlud lombok kwarat tak kunpuwag-o.

1 TESALONIKA 4:10

Nde, kit-nen-e nabuwa kabuwa yugwi elem-e Makeronia woragwi nennggamirak oboksa inmin ndemeret kwatli-t nde, nennggamirak wa-e. Iri bem-e, it-nen kwatli iri-ge mondok kwara kwarogolat wolmer-o luk kenmengen mbatli-o.

2 TESALONIKA 1:3

Nenggamirak wa-e. Kit kenpem ala, nir-e mondok pempa Mbal Pem Nagawan wa yak tili-o. Nde, kir-e kwara kinndi angin tubu yili iri bem-nen na, kit na kit-net kwara nabuwa kabuwa yili iri bem-nen na, nir-e ob-et Mbal Pem Nagawan wa yak tili-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.