KOLOSE 2:18 - Nanduk Ngget Tul Pidnak Wene

¹⁸ Enesiget nde, it ondomok inndi tebe luk, aid nap entembel wanogolat, nabi nggwe nggal kaidnak nggulok tak pogolat kwarugwi nap-nen-e urugwe nggwe rak kunpuwakluk, nggeyok yurak pug-o. Iri kwarugwi nab-e ki nap inndi-n yebet kagwi bem it ondomok kek yugwi-nen yili-o.

KOLOSE 2:18 ပူးပေါင်းရင်းမြစ်များ

NDAK WIRIDNAK WENE 3:13

Yosoloma-ge, Nagawan Indo Mbal Pem Nagawan-nen kwe iri na kin wanosolat-nen yosolar-e: ”Kar-e noluk-nen iri kwarigen-o?” yak tosoloma-ge, Awa-nen yosolar-e: ”An-e waro-nen nemberam lasola-nen ninggirig-o” yij-o.

AYUP 38:2

Kar-e ta nggal-nen kat kondomok kindi-n pidnak wene ebe lak iri bem-nen kwiye lag-et an-nen idnak nindi nggat nggat elem iri na yumndusu-o?

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

OROMA 1:25

It iri-nen-e lud tak nak kwaroso Mbal Pem Nagawan na keya buruk, ondolma-ge enesiget wene pogolat, Ndak Woroso Nap erembel wanurak na keya buruk ondolma-ge at-nen ndak worak pidnak tengge erembel wanogolat yiga-o. Ndemerer-e Ndak Woroso Nap nak erembel wanogolat woralik nalik momtak na-t nde-o. Amen.

OROMA 16:18

Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

1 KORINTUS 13:4

Ap enabuwa kagwi-ge indi mamak puruk woraso min ap inmin konak nak yoso min-nen yusu-o. Ap enabuwa kagwi-ge erengen ale yoso buk, indi kek tak puruk, ambik erembel wanoso buk-nen yusu-o.

1 KORINTUS 3:3

Kir-e nggweyak ma nap enpage worak me, yawo na irit kir-e tara nunggwi mende norag-e awo worali-o. Iri bem-nen kit kennggendumu-ge kit na kit-net kenlengen ale yogolat, kuri wat kerak mbogolat yugwi me, kir-e nggweyak ma nab-et woragolat, nggweyak ma nap-nen kwarugwi irit kwatli iri-ge kali bug-a?

1 KORINTUS 4:18

Nde, an neresa ar-e nendam lobok yuwa bug-o peragoluk, ap ereb-e kenambik kek yili-o.

1 KORINTUS 4:6

Nanggamirak wa-e. Kit kenpem-nen ndowaga wene yu-ge an min Apolos min-nen idnak nggal tak pigi-o. Nit nenpage karuk, engga mbarak pem-nen yidnak yidnak irit kenaru yobokluk yak kindigi-o. Kir-e kinndi kek luk misik nap unu kek tak pogolat, nin nap teberak pogolat momtag-e meya-o.

1 KORINTUS 8:1

Nde, yawo-ge kugiwak amanggim pidnak nunggwi mende wene yimin-o. ”Nit pidsa ninndi worag-o” yugwi iri-ge nir-e nenaru-o. Iri nggal yogolar-e, ap enambik-nen kek yili-o. Alat nde, ap enabuwa kagwi elem iri-nen-e inndi tugup lak tak onposo-o.

1 KORINTUS 9:24

Pong kagolar-e, it pong kagwi nap pidsa ndak ndak puburak mbiridnag-et nde, nggareksa mbiridnak nap misiget nak-nen onggo wanoso kir-e kenaru bug-a? Iri nggal-et kir-e onggo wanurak pem-e pong nak kagolat wolmer-o.

2 KORINTUS 11:3

Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

2 KORINTUS 12:20

An-e kit kendam wok yimin nggal-e, an nindi-n peraidnak kwarigit lak nde keneyamin-o luk numud kasu-o. Nde, iri nggal-et an-nen na kit kinndi-nen peraidnak mende kwarigit lak niyudtak iri-ge numud kasu-o. An yik keneyamin nggal-e, yuk puk yugwi nde, enlengen ale yugwi nde, insilepma yugwi nde, kuri wat wat woragwi nde, nobokpe kobokpe pugwi nde, yagap yagap pem ap onpok pugwi nde, inndi-n kek tak pugwi nde, narop karop kwarugwi nde kwarogolat woragola keneyamin-o luk, numud kasu-o.

EPESUS 4:17

Iri bem-e, an-e wene yu yak kondosolar-e, Nagawan Indo unu bem nene amawi min-et yak kundusu-o: Kir-e tuguruk Mbal Pem Nagawan enaru buk nap-nen kwarugwi mende kwatli-ge meyog-o. It inndi-n perali mende-ge ebe lak mende-net yusu-o.

EPESUS 5:6

Ap-nen-e ebe lak wene iri na yak kondogolat, konmbol pem ludtag-e meya-o. Iri nggal kwarogolat woraidnak pem-e Mbal Pem Nagawan isilepma-ge at-nen yidnak wene kuruk tugwi nap enpem mbuma-o.

PILIPI 3:14

Iri bem-e, onggo iri waneyeklug-e, kondok yugwi sa iri me pong kil mburusu-o. Onggo iri na-ge Mbal Pem Nagawan-nen-e: ”Kerisut Yesus ebem-e aid arem yu me kuruk woranok-nen lobok yi-o” luk wene mbo nibidnak iri-net yusu-o.

KOLOSE 2:23

Nde, aid nap entembel wanugwi min nam nariya inndi tebe yugwi min enpe andi bandi rak pugwi min yik kagolar-e, wene iri-ge enaru yidnak nap-nen yidnak nggal kali-t nde, wene iri-nen-e ap enpe-n ukwe ukwe yugwi mende ndak tak purag-e ebe lak mende-nen yusu-o.

KOLOSE 2:4

Iri ala, ap misiger-o luk tet-nen konak wene yak kondosolat konmbol pem lujwa naru-nen an-e wene yu yak kundusu-o.

KOLOSE 2:8

Iri ala-ge, ap-nen kinndi wanogolar-e, ki nap enaru yidnak wene bem-nen na, ebe lak mende onmbol pem lagwi wene, ki nap-nen mul undugwi wene lom nde nggweyak ma yu tena woraso indi-nen yidnak wene bem-nen na ming kunpuwa naru, kwara-t wolmer-o. Wene iri-ge Kerisut-nen yidnag-e lag-o.

1 TIMOTIUS 1:7

It iri-nen-e imiri mbarak pidnak wene mul undugwi nap yurak yili-t nde, it ondomok-nen yili wene min it-nen enne amawi min yak indili wene min iri-ge ir-e kwara yeber-e kagit lag-et yili-o.

1 TIMOTIUS 4:1

Konak Indi-nen mondok nam-et yosolar-e: ”Abok woragolar-e, ap ereb-e inndi angin tubu yidnak keya buruk, ap kabak tak unpugwi inndi langgal luk mborogolat, kugi-nen mul ondoso wene na langgal luk mborogolat yuwa-o” luk yij-o.

2 PETERUS 2:14

It inndi kundig-e mbabi yugwi kwami iri na enpem enlengen yumburugwi me, ir-e meya kwarurak pem insili yoso bug-o. It iri-nen-e kwara inndi angin tubu yigit lak nap na enare pili-o. It inndi-nen ukwe akwe bem mbarak purak puk mamarak pidnak me, it iri-ge Mbal Pem Nagawan-nen inmbiri lamut tak inpidnak-nen yili-o.

1 YOANES 2:26

An engga mbarusu yu-ge kit konmbol pem lokluk enmawi kundili nap iri wene mbarusu-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 13:14

At iri na-ge ndakngge isilepma worak nanduk na-nen wok tid amawi bem-et at imbiri bem-et kwiye worak mende kwarat kwarosolar-e, nggweyak ma woragwi nap oboksa onmbol pem lagaij-o. Nde, at ene amawi bem watsa nggweyak ma woragwi nap oboksa yak ondosolar-e: ”Yalawi bem wiridnag-et nde, urug-et worasu ndakngge isilepma worak iri na erembel wanuwoklug-e, at nggal ndak worak puruk, erembel waner-o” luk yak indij-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.

NAM PARA WENE 3:11

An-e ndag-et nak lobok yimin-o. Nde, kit-nen ombol nggwe yidnak pem onggo wok kundurak mende na nin nap-nen mengga wanuwa naru, kit-nen wanigep mende iri-ge puksa tena wolmer-o.