KOLOSE 2:16 - Nanduk Ngget Tul Pidnak Wene

¹⁶ Iri bem-e, nunggwi mende bem ala na, yi norak wene bem ala na, inik inik sakwi wene bem ala na, waneya ngget yarosola kwarugwi bem ala na, we woragwi wene bem ala na, ap-nen ”Iri nggal-o” luk yak kondogola-ge, kulurak pug-o.

KOLOSE 2:16 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 4:23

Yosoloma, un-nen kin wanosolar-e: ”Noluk-nen yawo-t mbururak yusu-o? Yawo-ge we woragwi tarem na lak, iri-nen waneya ngget arem nggogolat nggok sakwi tarem na lak, yu-t nde” luk yak tij-o. Yosoloma, kwe iri na-nen yosolar-e: ”Irit nde, mbirimin-o” luk yak tij-o.

NEMIA 8:9

Nde, imiri mbarak pidnak wene wonaridnak iri na kulurug-e, ap oboksa inndi puru yil lobok yiga-o. Iri yogolar-e, yip tiga-o. Iri yogola-ge, Ngguberenot Nemia min imiri mbarak pidnak wene kwara aru nap tepan ombo Esera min iri-nen imiri mbarak pidnak wene engen waga yiga Lewi nap ereba na min-nen ap oboksa yak ondogolar-e yu nggal yak indiga-o: ”Yawo-ge Nagawan Indo Kenmbal Pem Nagawan nak kek tak purak tarem me, kir-e kinndi puru yilik, yip tilik yurak pug-o.

NDAWI ENGGA 42:4

An-e nanduk woralat, ap kwarat inmin Mbal Pem Nagawan erembel wanurak at ama mborogolat, an-e nandug-et anggul tak puruk mborosola, Mbal Pem Nagawan erembel wil wil nenalen-nen ndawi bem mburugwi ereba na nindi yebet karug-e, nindi puru kwarat yusu-o.

YESAYA 1:13

Wewesa kenarengge ereba-ge an namanggim purak waruk lobok yili-o. Ereba kan pili emben-nen an-e sok wurusu-o. Kit-nen waneya ngget arem nggogolat nggok sagili min we woragwi tarem (Sabat) yebet kali min kit-nen an kek tak nobogolat-nen kwarugwi kwarogolat ndok wutluk sagili min-e an-nen mondok yik kudtag-e nisili yusu-o. Kit-nen iri kwatli ereba oboksa-ge meya elem nde yogora keya bogolat, an nebem nde angin yaga keya bili-o. Iri nggal-e an nebem posoma, siri mboso-o.

AMOS 8:5

Nde, kit kondomok-nen yik koragolar-e: ”A! Nggok sakwi tarem-e mot pem-et worasu yu-ge mepme tarem-nen lak ma-o? Nir-e nenggandum mbato onggo wanugwi tuguruk tel kuruwom-a! Nde, we woragwi tarem yu-ge mepme-nen lak ma-o? Nir-e onggo wanugwi tuguruk tel kuruwom-a! Nit-nen onggo wanogolar-e, mariger-et nde, onggo kek tak pogolat, ndak wosa wok undugwi mende bem angin-e enmberam laga ndak wosa wok ondogolat kwaruwom-o.

MATIUS 15:11

Ap enemnde nggwe nggoso mende iri-nen ap kopkap tobok tak onposo bug-o. Are, ap enemnde nggwe-nen wirik pugwi wene iri-net ap kopkap tobok tak onposo-o” luk yak indij-o.

MARAKUS 7:19

Ap unlum arem pil nggugwi iri-ge ap inndi arem nggoso bug-o. Are, we unlum arem ngguruk, enal wangge ma wirik pugwi-o” luk yak indij-o. Iri yid iri-ge, ”Nunggwi mende pidsa nalma nag-o” yosolat-nen yij-o.

YIDNAK YIDNAK WENE 15:20

Alat nde, nunggwi mende kugi amanggim pidnak min mbabi yugwi min pip ndonggoksa wat yidnak ino min eyabi min mondok keya ber-o luk it enmanggim engga mbaruwog-o.

OROMA 14:10

Iri bem-e, kar-e noluk-nen kat kowe kowot enpem wene mbarusu-o? Nde, kar-e no luk-nen kowe kowot pesel unpusu-o? Mbal Pem Nagawan-nen ap enpem wene mbareyekluk kore yoso sa iri na me nit oboksa nenpem wene mbaruwakluk, eram wok mul-o.

NGGALATIA 4:10

Kit-nen-e iri tarem ala na, waneya tarem ala na, nggulok sakwi tarem ala na, olengen iri tarem ala na, iri nak kwara nggok tak pogolat worali-o.

KOLOSE 2:20

Kir-e Kerisut imin wat yogola, nggweyak yu tena woraso indi na inggem-nen weserak kinpij-et nde, kir-e noluk-nen nggweyak ma yu me-nen kwarugwi mende yeba nggal kwat tenak worali-o?

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

IBERANI 9:10

Nde, Mbal Pem Nagawan amanggim pugwi iri-ge nunggwi mende nde, yi nunggwi nde, yi mende ndi mende yi marugwi wene nde iri-ge we enaboro-nen kwarugwi mende-o. Iri kwarugwi iri-ge kwat tenag-et worakmu, Mbal Pem Nagawan-nen ngget kwarak puwa tarem wok yosola-nen keya burag-o.

YAKOBUS 4:11

Nanggamirak wa-e. Kit na kit-net nobokpe kobokpe yurak pug-o. Ta-nen nde anggam obok posolat, anggam ebem wene mbarosolat yoso ala-ge, at iri-nen-e imiri mbarak pidnak wene na meya rak posolat, imiri mbarak pidnak wene iri na ebem wene mbaroso nap-nen yusu-o. Alat nde, kar-e imiri mbarak pidnak wene iri na ebem wene mbaroso ala-ge, kar-e imiri mbarak pidnak wene-nen yidnak yidnak kwaroso nab-e lag-o. Are, imiri mbarak pidnak wene iri na ebem wene mbaroso nap-nen yusu-o.

1 SEMUEL 20:18

Iri luk Yonatan-nen Ndaut yak tosolar-e: ”Kub-e waneya ngget arem nggogolat nggok sagidnak nonggolar e, kat kore yosoluk naso kondoro nde kebe lak ala-ge, ’At eresa-ge lag-er-o’ luk enaru yuwa-o.

1 SEMUEL 20:5

Yosoloma, Ndaut-nen onggo-ge yu nggal yak tij-o: ”Kub-e waneya ngget arem nggurak tarem-e iri yebet kagolat nggok sagidnag-e an-e nagawan imin-et norag-et nde-o. Kat-nen nde iri nde ’Ob-o’ yosolar-e, kup woraruk kup iri kubu-nen lambuk yuwok-nen an-e kurak yil mbirimin-o.