KOLOSE 2:14 - Nanduk Ngget Tul Pidnak Wene

¹⁴ nit namat meya yidnak wene, ”Iri nggal kwaru-o” luk yidnag-et nde, nit-nen tarugwi engga mbarak iri-ge lak tak posolar-e, e lang pang tak pem luruk wosa panggarak pij-o.

KOLOSE 2:14 ပူးပေါင်းရင်းမြစ်များ

NEMIA 4:5

Nde, nit-nen kerep pak leget yu worogola, pesel ninpili me, it-nen lugud tak kwarugwi mende-ge kamberam tak purak pug-o. Nde, it-nen meya kwarugwi na meme rak purak pug-o” luk tepan yigi-o.

ESET 3:12

Yak tosoloma-ge, waneya nandug-et iri na bem tanggal tiga belas iri bem-e Aman-nen-e nagawan-nen yidnak nap engga mbarugwi nap ereba na wene mbo inpij-o. Wene mbo unpurug-e: ”Kir-e an-nen yidnak ndak ndag-et engga mbatluk, engga iri na-ge nden yaga enne lombok pem oboksa mbatluk, nagawan-nen tenagidnak wi yu me-nen yili wene ndak ndak irit mbarurag-o.” Iri rak purug-e, engga iri na-ge Nagawan Agasuweros-nen yidnak pem mbatluk, lop nok tak pugwi mende nagawan inggem-nen yonggora pid iri na bem-nen engga iri bem lop nak tak pij-o. Iri luk, engga iri na-ge propinsi oboksa enmawi worak nap min ngguberenot min unnu worak nap min ndag-et nak endam wirik pij-o. Nde, wene ebe-ge yu-o: Nagawan-nen yosolar-e: ”Waneya Andat iri bem tanggal tiga belas iri bem-e Yawuri nap oboksa ap indi worak-nen, ap sujwe-nen, kwami-nen, li marik-nen oboksa misik tarem-et mondok pendaga unduruk, enarengge-ge mberena waruk ndi yurag-o” luk mbara wirik pij-o.

NDAWI ENGGA 51:1

Mbal Pem Nagawan wa-e. Kar-e pem irit nabuwa yoso me, nabuwa ki-o. Kat-nen ap unpud kwarat kaso me, an-nen meya yidnag-e kamberam tak pi-o.

NDAWI ENGGA 51:9

An-nen meya yoso iri na kisili-nen kabi misik tak puruk, an-nen lugud tak kwaroso oboksa korak pi-o.

YESAYA 43:25

Iri yogola-t nde, Mbal Pem Nagawan an-net kit meya yidnag-e namberam tak pusu-o. An-e ap meya yidnak namberam tak poso-t me, kit meya yidnag-e namberam tak pusu-o. Kit-nen meya kwarugwi-ge yeberak woramin pug-o.

YESAYA 44:22

Kat-nen lugudtak kwaroso-ge an-nen nggan nggan nggal ko sa wirik pigi-o. Kat meya yidnag-e an-nen o age nggal pu yaga wirik pigi-o. Kar-e an-net wisirik kubukmu me, tuguruk an neram lobok yi-o!” luk yij-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

KOLOSE 2:20

Kir-e Kerisut imin wat yogola, nggweyak yu tena woraso indi na inggem-nen weserak kinpij-et nde, kir-e noluk-nen nggweyak ma yu me-nen kwarugwi mende yeba nggal kwat tenak worali-o?

2 TESALONIKA 2:7

Nde, meya nak kwarugwi mende iri-ge yawo na eyabu teberebe wanusu-t nde, at puk tak oboso na wabosola-ge,

IBERANI 7:18

Iri bem-e, nanduk imiri mbarak pidnak wene iri-ge ndeyak, ebe lak wene ala karuk, keya biga-o.

IBERANI 8:13

Nde, Mbal Pem Nagawan-nen-e: ”Ngget urul pidnak wene-o” luk yarik pem-e nanduk urul pidnak wene iri-ge obi mende nde kwat yij-o. Nde, obi mende kwat yidnak umbuk yidnak mende iri-ge ndag-et nak lak momtak mende-nen yusu-o.

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.