KOLOSE 2:13 - Nanduk Ngget Tul Pidnak Wene

¹³ Nde, kit meya kwarogolat woraidnak pem-nen na, kiniye ambasap wabigit lak woraidnak pem-nen na, nanduk kir-e wat yidnak woragwi-t nde, yawo-ge Mbal Pem Nagawan-nen Kerisut imin totno kunluk tak kinpij-o. Mbal Pem Nagawan-nen nit meya kwarogolat woraidnak oboksa-ge amberam tak puruk,

KOLOSE 2:13 ပူးပေါင်းရင်းမြစ်များ

NDAWI ENGGA 32:1

At meya yidnak amberam tak posolat, at-nen lugud tak kwaridnak pem ”Meya kwarigi-o” yosola, ”Ereba mag-o” luk wene lak tak pidnak nab-e alen kasolat wolmag-o.

YESAYA 1:18

Nagawan Indo-nen yosolar-e: ”Wene yu lak tak puwog-o. Kir-e meya kwarugwi iri na-nen ndowaga mimi kan ngen nggal-et nde, an-nen-e masa yeben mbin mare nggal loro mbereng tak kinpimin-o. Kit meya yidnag-e kwarat angin worag-et nde, kit meya yidnag-e abu abu nemberam tak pimin-o.

YESAYA 55:7

Meya kwaroso nab-e at-nen meya kwaroso iri-ge mondok keya buwag-o. At indi-nen yebet kaso tula iri-ge nden kaga nin tak puwag-o. Nde, tuguruk Nagawan Indo-nen ubud kujwaklug-e, tuguruk nden karuk, Nenmbal Pem Nagawan eram mburuwag-o. Nagawan Indo iri-ge unpud kaso elem pem ap meya yidnag-e amberam tak poso-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

LUKAS 15:24

An nambara yu-ge wat yidnag-et nde, uruk luk lobok yij-o. Pul agaij-et nde, nam yij-o’ luk yosoloma-ge, it na kijik kijak wiriga-o.

LUKAS 15:32

Alat nde, kat kowot iri-ge wat yidnag-et nde, uruk luk, pul yidnag-et nde, wok yid pem-e nit-nen ijok kerengge sakolat, kijik kijak worogolat yili yu-ge ob-et yili-o’ luk yak tij-o.”

LUKAS 9:60

Yosoloma-ge, Yesus-nen at yak tosolar-e: ”Ap wat yidnak iri-ge wat yidnak nap-nen yapma puwag-o. Nde, kar-e Mbal Pem Nagawan-nen tenagaidnak wi wene waruk wigaril waring ki-o” luk yak tij-o.

YOANES 5:21

Nde, an Neid-nen ap wat yidnak mendak unpuruk, unluk tak unpusu nggal, iri nggal-et Ambara an-nen na iri kwat enpeyek peraidnak nab-e unluk tak unpusu-o.

YOANES 6:63

Konak Indi nak-nen unluk tak onposo-o. Nde, ki nap enmawi-ge ebe lak mende-nen yusu-o. Nde, Konak Indi-nen an-nen yak kundusu wene na bem-nen kunluk tak konposo-t nde,

OROMA 4:17

Mbal Pem Nagawan-nen Abaram yak tosolar-e: ”Kar-e ap enlem kwarat onmbo rak kibigi-o” luk yak tij-o. Nde, urul yak tid iri-ge Mbal Pem Nagawan na imbiri bem-e ob-et worasu-o. Nde, at ebem indi angin tubu yid Mbal Pem Nagawan iri-nen-e wat yidnak nab-e unluk tak posolat, at ene nak-nen lak woraidnak mende-t nde, worak tak posolat yoso-o.

OROMA 6:13

Kit kenpe iri bem-nen meya kwarosolat wolmaklug-e, meya kwarugwi elem iri na kit kenpe iri kininggi kunuwok min kegera wok turak pug-o. Are, kir-e wat yidnag-et nde, kunluk yaga wok kindidnak pem-e, kenpe kegera Mbal Pem Nagawan nak wok ter-o. Lud tak nak kwarugwi mende kwat kenperenak wolmakluk, kenpe ebis-et kegera Mbal Pem Nagawan wok ter-o.

OROMA 8:11

Wat yidnak nap ennggendumu-nen Yesus uruk tak pid Indi iri na nde kit kenarem worala-ge, Kerisut Yesus wat yidnak nap ennggendumu-nen uruk tak pid nap at-nen-e kit kenpe wat momtak iri na irit uruk tak puwa-o. Iri kwat kunpuwa iri-ge at Indi kit kenarem worasu iri bem-net kwat kunpuwa-o.

1 KORINTUS 15:36

Wid yu-ge wa-e! Kat-nen uwi yaidnag-e, lebe luk-net ama-ge poloso-o.

1 KORINTUS 15:45

Mbal Pem Nagawan engga mbarak pem-nen yosolar-e: ”Nanduk woraso nap Aram iri-ge uruk mende worak irit kwat yij-o.” Alat nde, woroksiyem Aram iri-ge ap unluk yaga wok ondoso Indi irit kwat yij-o.

2 KORINTUS 3:6

At nak-nen nenpem tak pidnak pem-nen nir-e ngget urul pidnak wene iri na ndugurugwi nap-nen yili-o. Urul pidnak wene iri-ge engga bem mbaridnak imiri mbarak pidnak wene-nen yusu-ge lag-o. Are, Konak Indi-nen idnak-nen yusu-o. Engga bem mbaridnak imiri mbarak pidnak wene iri-ge ap worak onposo-t nde, Konak Indi-ge ap unluk tak poso-o.

2 KORINTUS 5:19

Nit-nen yili wene-ge yu-o: It-nen meya yidnak na wonarigit lag-et, Mbal Pem Nagawan-nen-e Kerisut ebem ap oboksa at ondomok imin lambuk tak inpij-o. Nde, at-nen-e at imin lambuk tak unpurak wene iri-ge nit nenpem pamu-o.

EPESUS 2:1

Nanduk kir-e wene kuruk tidnak pem-nen na, meya yidnak pem-nen na, wat yidnag-et woraigeb-o.

EPESUS 2:11

Kir-e kenlem nin nap nderak nanduk woraigep na yebet yebet tak wolmer-o Yawuri nap-nen kit kinmin-e ”Iniye ambasap wabugwi buk nab-o” luk yugwi-o. Nde, it ondomok inmin-e ”Niniye ambasap wabugwi nab-o” luk yili-t nde, iri-ge ap ininggi-nen enaboro mbaridnak pem nak yili-o.

EPESUS 5:14

Iri bem-nen Mbal Pem Nagawan engga-nen yosolar-e: ”Nene yusu nap wa-e. Men min-o. Wat yidnak nap ennggendumu-nen men min-o. Iri ala-ge, Kerisut-nen yaya rak kubuwa-o” luk yij-o.

KOLOSE 2:12

Nde, yi mat kinpiga iri-ge, kir-e Kerisut imin-et yapma kinpiga-o. Nde, yi ma-nen waigeb-e, wat yidnak nap ennggendumu-nen Kerisut uruk tak pid Mbal Pem Nagawan na amawi bem kit kinndi angin tubu yigep pem-e, kit na Kerisut imin totno kunluk tak kinpij-o.

1 TIMOTIUS 5:6

Alat nde, at ukwe ukwe mende nak kore yoso kwe togwe iri-ge urug-et nde, wat yidnak-nen yusu-o.

1 TIMOTIUS 6:13

Yi mende ndi mende pidsa unluk wolmomtak mende wok ondoso Mbal Pem Nagawan imbiri bem-et, Pontius Pilatus anggarem ndemeret wene kinggirid nap Kerisut Yesus imbiri bem-et, kiri keresa wene yu yak kurusu-o:

IBERANI 6:1

Iri bem-e, Kerisut owene owak nandug-et iri na nak wanugwi iri keya buruk, nit ninndi amburu mbarak purak wene owak irit wanogolat wolmog-o. Nggeret wanogolat-nen yugwi wene owak iri-ge ebe lak mende keya buruk kondok yurak wene min Mbal Pem Nagawan ebem ninndi angin tubu yurak wene min iri na-t yik tenak worali iri-ge keya buwog-o.

IBERANI 9:14

Kerisut eyabi-nen-e terak minik irit kwat nonposo-o. Nde, Kerisut-nen at ondomok indi wesera Mbal Pem Nagawan amanggim posolar-e, mondok iminep mbarak mende pid iri-ge urug-et pem-et woralik nalik woraso Konak Indi bem-net pij-o. At eyabi-nen-e nir-e ebe lak mende kwarugwi ninndi iri na mat nunpuruk, nir-e uruk nak woraso Mbal Pem Nagawan na ndegel tenak wolmakluk, marak nunpurag-e ndag-o.

YAKOBUS 2:17

Nde, inndi angin tubu yugwi-ge iri nggal-nen yusu-o: nir-e ninndi angin tubu yul-et nde, nininggi-nen kwarugwi mende nde kwarigit lak ala-ge, nit ninndi angin tubu yidnak na-ge wat yidnak-nen yusu-o.

YAKOBUS 2:20

Kar-e wid indi worak-nen yusu-o! Inndi angin tubu yogolar-et nde, ininggi-nen kwarugwi mende kwarigit lak iri-ge ebe lak mende-nen yusu-o luk mirik kuburak kindingen-a?

YAKOBUS 2:26

Nde, enpe worala-t nde, inndi nde lak-nen-e wat yidnak-nen yusu-o. Iri nggal-et inndi angin tubu yili-t nde, ininggi-nen kwarugwi mende nde kwarigit lak yogolar-e, inndi angin tubu yidnak iri-ge wat yidnak-nen yusu-o.

1 YOANES 2:12

Nilirak wa-e. Kerisut unu bem kit meya yidnak amberam tak pidnak me, engga yu mbal kundusu-o.